景福宮&仁寺洞美食之旅（首爾出發）

| 推薦原因

👍🏻可以喺景福宮親身感受宮女同國王嘅生活，深入了解韓國傳統皇室文化！

👍🏻帶你參觀朝鮮時代古宮同現代仁寺洞街頭，一次過感受韓國古與今！

👍🏻一邊聽景福宮同仁寺洞嘅歷史故事，仲可以試傳統韓定食同街頭小食，同時體驗韓國美食文化！

| 體驗介紹

景福宮

行程首先會帶你探索韓國最出名嘅宮殿—景福宮，參觀興禮門同勤政殿大殿，欣賞重現朝鮮時代軍事傳統嘅守門將換班儀式。

專業導賞員會為大家講解宮殿建築、守護獸同精緻花紋嘅象徵意義，同時可以瞭解宮女嘅生活同角色、皇帝同宮殿日常，仲有機會可以參觀位於寧靜湖邊嘅香遠亭。

仁寺洞

跟住就會帶你去探索傳統同現代交匯嘅首爾文化中心地—仁寺洞，呢度聚集咗各種書法店、古美術店同手作工房，大家可以透過今次機會了解仁寺洞由學者聚集地發展成藝術家街道嘅歷史意義。

仁寺洞傳統韓定食午餐

韓定食係韓國傳統皇室同兩班飲食文化，提供超多款小菜同主菜，可以一次過體驗韓國美食！

仁寺洞泡菜製作體驗

有機會親身體驗整泡菜，瞭解泡菜對健康嘅好處同製作過程，整完仲可以帶返屋企！

仁寺洞傳統茶博物館

大家可以喺寧靜空間體驗韓國古代茶文化，學習韓國傳統泡茶技術，仲有機會試飲綠茶、柿葉茶、發酵黑茶等多款韓國傳統茶。