JUNG SAEM MOOL INSPIRATION（East分店）

| 推薦原因

👍🏻由韓國美妝界代表化妝師JUNG SAEM MOOL打造嘅高級美容Salon，連韓國同外國明星都會嚟幫襯！

👍🏻根據代表院長多年經驗、心得同理念，提供1:1客製化服務，幫你打造引領潮流嘅時尚造型！

👍🏻Salon室內同戶外環境都好開揚闊落，成個體驗夠舒服！

👍🏻狎鷗亭羅德奧站行7分鐘就到，交通方便！

| 店鋪簡介

「JUNG SAEM MOOL INSPIRATION」由被譽為自然透明妝容先驅同色彩魔術師嘅JUNG SAEM MOOL擔任總監，化妝師團隊經過專業訓練，以代表院長多年經驗、心得同理念為基礎，為每位客人提供專屬服務。

JUNG SAEM MOOL總監同化妝、髮型、護膚、美甲專家團隊，以出色技術同觸覺創造新潮流。多年累積嘅經驗下，專業團隊打造嘅造型唔單止引領潮流，仲深受國內外名人同世界各地客人喜愛。

一邊變靚，一邊享受療癒時光啦！

| 體驗簡介

剪髮

根據你面型同整體感覺幫你設計髮型，專業髮型師嘅精細剪髮技術可以突出髮量同輪廓，令整體感覺自然又有層次，時尚又有個性。

染髮

髮型師會根據你膚色同個性推薦染髮髮色，塑造自然又時尚嘅新形象。染完頭髮之後專業造型師仲會幫你將新髮色同髮型完美融合，多款染髮選擇同造型服務可以幫你嚟個大變身！

頭髮護理療程

「JUNG SAEM MOOL INSPIRATION」嘅高級護髮療程可以幫你修復受損髮絲，令頭髮回復健康同光澤。由髮根開始注入營養，帶返彈性、強韌同健康光澤，深層集中護理，令頭髮更加柔順有光澤。

電髮

根據你面型同風格幫你度身訂造電髮造型，由慵懶大波浪到增加髮量感嘅造型電髮都可以輕鬆做到，捲度自然夠豐盈蓬鬆感之餘，每日朝早都可以輕鬆打理，打造最靚髮型。

韓式化妝體驗

以JUNG SAEM MOOL院長嘅美學為基礎，突顯皮膚原有質感同美感，打造自然又時尚嘅造型。化妝師會根據你面型同個人色彩幫你打造妝容，令你擁有最啱自己、又緊貼潮流嘅look。無論係廣告、電視、婚禮定日常造型，專業化妝師都會用心為你打造高質專業妝容，突顯個人魅力！

頭髮造型體驗

喺「정샘물 인스피레이션 이스트店」體驗時尚又有型嘅造型服務。無論係豐盈大波浪定順滑直髮，都會幫你打造最啱你嘅完美style。推薦有聚會、約會或者重要場合嚟set頭，等專業造型師幫你變身！