首爾巫術&鬼怪傳説之旅

| 推薦原因

👍🏻可以親身聽到韓國當地流傳落嚟嘅巫師傳說同神秘故事！

👍🏻體驗同驅魔儀式有關嘅美食，透過食物瞭解韓國傳統文化！

👍🏻帶你去參觀市中心充滿神靈氣息嘅仙岩，近距離體驗韓國人民間信仰同瞭解更多歷史！

👍🏻學習韓國風水概念點同靈魂、命運、空間連結，用新角度睇韓國文化！

| 行程簡介

呢個陰森嘅巫術&鬼怪傳説之旅會帶你參觀奇異嘅歷史地點，探索巫俗傳統，仲可以聽到真實流傳落嚟嘅鬼故。

由臭名遠播嘅光熙門處刑門，到新堂洞神秘嘅巫師，呢個行程會帶你見識韓國黑暗歷史同超自然民間傳說。

大家仲有機會行過好似會有鬼出現嘅小巷，飲杯避邪嘅五味子茶，仲可以攞到驅鬼嘅韓國傳統符咒。

| 主要景點介紹

光熙門

呢度係首爾嘅處刑門，亦都係首爾最多人話見到鬼嘅地方之一。大家有機會瞭解下過去用嚟將屍體送出城外嘅黑暗歷史，聽下親身經歷過超自然現象嘅人講嘅毛骨悚然鬼故。

新堂洞巫師街

首爾新堂洞巫師街係韓國巫俗同咒術文化嘅中心地，到而家都仲有巫師會幫人占卜同做驅魔儀式，大家仲可以學返兩句用嚟驅魔同避邪嘅咒語。

新堂洞辣炒年糕街

辣炒年糕原來係其中一樣被認為可以驅鬼嘅「驅魔食物」，大家可以一邊享受美食，一邊學同韓國鬼怪相關嘅飲食文化同韓國人點樣用食物淨化靈性。

西大門刑務所歷史館

呢度係日治時期用過、以陰森氣氛聞名嘅舊監獄。大家可以聽到曾經被囚禁同受酷刑嘅韓國獨立運動家悲慘歷史故事，仲有呢個監獄震撼人心嘅過去同無法解釋嘅神秘鬼故。

仁王山

仁王山係首爾最有靈氣嘅山之一，大家有機會參觀巫師進行祭祀嘅國師堂，仲可以親眼見到傳說中會實現願望嘅仙岩，同時瞭解古老儀式同當地流傳落嚟嘅鬼怪傳說。