慶州世界文化遺產&釜山天空膠囊列車之旅（釜山出發）

| 推薦景點

👍🏻慶州係一個好有歷史意義嘅城市，大家有機會去參觀被聯合國選定為世界文化遺產嘅景點！

👍🏻行程會一次過帶大家去大陵苑、佛國寺同皇理團路等慶州必去景點，CP值高！

👍🏻可以用充滿歷史氣息嘅景點做背景影相打卡，留低特別回憶！

👍🏻可以揀埋去搭釜山天空膠囊列車，行程超豐富！

| 主要景點

佛國寺

[이미지 슬라이더]   

喺新羅時代建成，沿住山脊向上行仲可以去到石窟庵，睇到超壯觀嘅如來佛像！春天嚟「佛國寺」可以瞓喺草地上面望住櫻花花瓣隨風散落；秋天就可以睇到超靚楓葉！

良洞村

[이미지 슬라이더]   

韓國最大兩班（貴族）村落，2010年被聯合國教科文組織列為世界遺產，韓屋同自然環境互相映襯，景色超靚！

大陵苑

[이미지 슬라이더]   

新羅時代嘅皇帝、皇妃同貴族嘅古墳群，亦係慶州最有代表性嘅文化遺蹟之一。春天嚟可以睇櫻花，夏天嚟就可以睇紫薇花，秋天有落葉，冬天更加可以睇到雪景！呢度最出名嘅影相位係位於古墳之間嘅一棵木蘭樹，大家一定唔可以錯過！

皇理團路

[이미지 슬라이더]   

呢度可以話係慶州最旺嘅地方，建築物全部都比較古典，亦都有好多改良式韓屋，嚟到唔單止可以食到慶州傳統美食，仲可以去勁多靚靚Cafe同紀念品鋪頭買手信！

東宮與月池

[이미지 슬라이더]   

又被稱為雁鴨池，係新羅太子曾經居住嘅宮殿遺蹟，係韓國最有代表性嘅古代建築物之一，呢度夜晚嘅景色特別壯觀，超有氣氛！

月精橋

[이미지 슬라이더]   

統一新羅時代興建而成嘅月精橋經過復修之後，成為韓國現存最大規模嘅木橋。古色古香嘅月精橋同湖入面嘅倒影，日頭同夜晚都勁有氣氛！

釜山天空膠囊列車

[이미지 슬라이더]   

呢架列車會喺7-10米高嘅鐵軌上面行駛2公里，由海雲台尾浦開到青沙浦，每個車廂可以載到2-4個人，大家可以同家人朋友一邊欣賞海景，一邊享受私人時光！

慶州校村韓屋村

[이미지 슬라이더]   

平時大家可能只會去全州韓屋村，不過其實慶州都有一條好出名嘅校村韓屋村，大家可以欣賞到韓國傳統建築之餘，仲可以感受到韓屋村特有嘅幽靜氣氛！

海東龍宮寺

[이미지 슬라이더]    

位於釜山海邊懸崖上的海東龍宮寺，是一座以「海上寺廟」著名的獨特佛教寺廟。大部分寺廟都建於山中，但海東龍宮寺則可飽覽開闊海景，風光如畫。