Hello，大家好，我哋係由韓國人話你知每日最新韓國資訊嘅Creatrip。
#韓國文化 #企業文化
#韓國搵工 #韓國職埸
好多外國人似乎都被韓國文化所吸引，紛紛移居到韓國，韓國變得更加多元化，絕對係一件好事！
想熟悉韓國當地文化最快嘅方法就係搵工，喺韓國搵工嘅外國人越嚟越多，巳經有好多外國人係做緊外語教學工作之外嘅嘢。
喺國外工作聽起嚟好似有啲令人生畏，特別係當你要用一種新語言去某個地方， 正因為咁，我哋整理咗一啲小貼士同資料畀大家。
✨馬上Follow我哋IG
instagram.com/creatrip.hk
點解要喺韓國工作?
搬到去韓國住有好多好處，我哋之前都有寫到其他blog係介紹 韓國生活優點。
韓國有方便嘅交通工具，又安全，係一個充滿活力好適合生活嘅地方!
喺韓國工作可以話係新鮮刺激嘅體驗， 大家可以瞭解更加多嘅文化同社會規範，擴大你嘅視野同觀點。
韓國社會亦都變得越嚟越開放，可能係因為越嚟越多唔同文化嘅人嚟韓國就業或者留學有關。
我哋認為，“Work hard, Play hard”嘅情緒喺韓國企業文化入面都非常適用。
儘管工作時間可能好長，但係回報係值得嘅，同埋喺韓國逗留嘅期間可以進行到好多活動！
喺韓國工作嘅另一個好處係，有啲公司會贊助你嘅醫療保險！ 一啲公司甚至可能要求你喺正式返工之前進行檢查。
喺正式開始搵工作之前，你可能需要考慮 首爾物價整理， 因為呢啲可能會影響你決定揀邊一種工作/職業！
語言障礙
大家可能會諗到最大問題係，如果我韓文能力唔係咁好，我仲可唔可以搵到工呢？
小編可以答大家機會唔係冇，但就會好有一定嘅挑戰性。
部分公司可能會要求提交 韓國語能力考試 (TOPIK)成績或者係韓國語學院（어학당）嘅出勤證明。
對於好似外語教學呢類工作嘅話，如果雙語能力比較強，用到韓文說明，咁樣就會同學生聯繫得更好。
如果韓文有一定基礎嘅話，對大家嚟講都好啲，大家可以更加適應韓國職場生活。
對於一啲關於學韓文嘅小貼示可以通過手機app或者係聽Podcasts學韓文。
咁當然，你嘅韓文能力應該會隨住因為喺日常生活入面不斷咁用而提高。
喺韓國可以點搵工？
既然已經講咗喺韓國工作嘅背景之後，大家可能想知，點先可以搵到工呢？
直接上網搵似乎係喺韓國搵工嘅最佳方法，隨著多咗外國人嚟韓國搵工，喺網上搵到工嘅機會都越嚟越大！
工作種類
我們將會介紹外國人甚至韓國人嘅常見工作類型！
1.語言教學工作
呢個係韓國永遠存在嘅就業市場，好多韓國人都注重教育，爲咗自己嘅小朋友可以學識雙語，為日後大學或者工作增加競爭力。
有學校都會請外國人做教書，但聽講學校人工好少，有時仲會好辛苦。
2. Office工
Office工係好多韓國人都會想做，尤其係喺三星，LG，韓華，現代等知名大企業嘅公司。
外國人主要嘅工作機會係同語言相關或者係翻譯崗位。
所以，想做到依啲崗位嘅話，韓國文起碼係要去到中高級階段，先會有更加大嘅機會就業。
3. "藍領"
呢啲工作主要係喺工廠工作，耕田或者係清潔等專門技能。
對於呢類嘅工作，語言上嘅顧慮似乎係最少。
4. 表演工作
韓國部分主題公園會請外國人作爲表演嘅一部分，或者進行遊行。
網上資源
Craigslist 係美國嘅一個常見網站，俾人出售舊貨或者係車庫銷售。
喺韓國大家可以利用佢嚟搵工， 所有post都係英文，佢哋會按類別排列，大家可以根據自己嘅想搵嘅工作類型嚟睇！
PeoplenJob係韓文版，但部分崗位嘅post都有英文版，仲有可以將語言設置改成英文版，呢個網站好受外國人歡迎！
呢個網站有好多營銷，IT同會計(即office崗位)嘅post。
Indeed係美國常見嘅求職平臺，仲有韓文版，雖然呢一頁係用韓文寫，但唔洗驚！
大家可以好似喺英文版本度咁，喺第一個搜索欄度輸入英文職位名稱，喺第二個搜索欄中輸入位置就得㗎喇。
Saramin主要係用韓文，公司會喺呢度發布職位空缺。
仲有app嘅版本，大家可以喺入面開個人資料再上傳cv，如果有公司覺得你好適合佢哋嘅工作，佢哋會同你聯繫！
JOBKOREA 係韓國國內最大嘅就業平台，所以呢個網站主要都係以韓文爲主。
如果大家嘅韓文能力好高，咁喺呢度搵工就業機會都會偏高。
攞簽證
韓國有好多種簽證，唔同職位都會有唔同特定嘅簽證。
通常大家要確保有足夠嘅時間收集所需嘅文件，同需要喺大約兩到三個月嘅時間嚟處理簽證。
有關韓國移民政策嘅更多資訊，你可以參考韓國大使館網站，或者諮詢你所在嘅地方嘅韓國大使館。
下面，我們會同你介紹一啲比較常見嘅工作簽證類型。
E-1(Visa教授)
顧名思義，呢種簽證係俾喺學院或者係大學任教嘅人。
E-2(外語教師)
呢個係希望喺韓國執教嘅外國人最常見嘅簽證， 持有呢種簽證嘅人可以喺大學，學校同語言學院工作。
E-5(專業僱員)
呢個係另一種常見嘅簽證類型， 持有呢種簽證嘅人可以喺韓國從事大部分嘅office工。
F-4(海外朝鮮族)
呢個係比韓裔美國人， 韓裔加拿大人或者係其他朝鮮族嘅簽證，有呢個簽證，大家同韓國公民嘅權利係一樣，所以就業嘅靈活性就變得好大。
整CV
CV入面除咗內容重要之外，證件相同樣都係咁重要，因為呢個係雇主對你嘅第一印象。
只要去影證件相，專業嘅攝影師都會好pro教大家擺出最自然同埋會幫大家P相。
通想韓國寫CV會好似上圖咁，需要寫個人資料、聯絡信息、學歷或工作經驗等。
好多時韓國人喺大學時期仲會參加好多戶外活動，呢啲對CV嚟講真係好重要。
有啲工甚至可能要求要求職信/自我介紹信（자기소개서），大家可以更詳細咁介紹自己，同埋點解呢份工適合你。
面試
通常喺韓國見工，老闆都一定會問嘅問題：
1. 請用韓文自我介紹
2. 你當初點解會揀嚟韓國讀書 / 畢業之後點解會想留喺韓國就業？
3. 點解你覺得可以勝任到呢份工？
4. 大家嘅優點同缺點係咩？
以上等待問題都可能會出現，希望大家可以喺韓國順利搵到工，FIGHTING! 💪
✨馬上Follow我哋IG
instagram.com/creatrip.hk
| 其他延伸閱讀 | |
 韓國最賺錢職業 |  韓國女性職場歧視 |
