Hello，大家好，我哋係由韓國人話你知每日最新韓國資訊嘅Creatrip。
＃韓服＃男明星
＃票選＃誰排第一？
韓國網站 ExcitingDC （익사이팅디시）早前舉辦咗票選，喺咁多男藝人之中，票選咗最適合著韓服嘅韓星。
而喺投票截止嘅前四日，第一二名旗鼓相當，究竟前十名著韓服著得最好睇嘅有邊幾個呢？
✨馬上Follow我哋IG
instagram.com/creatrip.hk
適合韓服嘅韓國男星
10. 張東潤（280票 / 1%）
喺韓劇《綠豆傳》裡面，有大半時間都著緊女裝嘅張東潤，被選為最第十位適合著韓服嘅男藝人。
其實佢同前幾名嘅票數都係差少少，不過小編就覺得比起著韓服，張潤東著女裝更加令人有深刻嘅印象。
9. 朱智勳（316票 / 1%）
喺《屍戰朝鮮》裡面扮演世子嘅朱智勳，著起韓服上嚟真係好有男人味！
小編覺得佢值得有更高嘅排名啊！
8. 宋仲基（374票 / 1%）
喺《成均館緋聞》著韓服的宋仲基，都被認定為著韓國最好睇嘅標準之一。
雖然佢只係喺《霜花店》短暫亮相，但真正令人深刻嘅係喺《成均館緋聞》裡面嘅女林角色啊！
7.姜河那（556票 / 2%）
大家諗到姜河那嘅髮型，大多數都會諗到佢喺《山茶花開時》啲陰放落嚟嘅樣。
不過大家唔好唔記得《月之戀人－步步驚心：麗》裡面佢將啲陰梳起，露出五官嘅韓服造型真係俘虜咗唔少少女嘅心啊！
6. 朴寶劍（566票 / 2%）
《雲畫的月光》裡面朴寶劍嘅樣真係好令人難以忘懷！
雖然朴寶劍之後都主要主演現代劇，但係喺最近嘅《青春紀錄》之中，朴寶劍有喺戲裡面出演《王者歸來》，Fans都覺得佢著韓服真係好適合啊！
5.呂珍九（612票 / 2%）
喺《成為王的男人》中，呂珍九型格嘅韓服造型，都令佢成功打入咗第五名最適合著韓服嘅男明星。
細個嘅時候就出道嘅呂珍九喺《成為王的男人》裡面盡顯佢嘅男人味，唔少人都覺得佢成熟咗好多！
佢把磁性嘅聲，令人真係好想叫佢OPPA（雖然小編已經冇機會...哈哈哈哈）
4.車銀優（2923票 / 11%）
雖然被喻為臉蛋天才嘅車銀優，喺演《新入史官丘海昤》嘅時候被外界批評，但因為佢真係太型，在加上穿越時代嘅主題，都得到好多網民討論同埋稱讚。
佢可以喺咁多個男藝人之中脫穎而出得到第四名真係算唔錯！
3. 李準基（3594票 / 13%）
個樣有濃厚古典味嘅李準基成功喺今次嘅票選獲得第三名嘅成績。
佢唔單止喺《步步精心：麗》有著韓服，之前喺《王的男人》呢套電影裡面嘅形象都好深入民心！
2. 劉亞仁（8721票 / 31%）
同宋仲基一同出演《成均館緋聞》嘅劉亞仁，近年一拍電影為主，佢嘅演技都得到好多獎項嘅認可。
佢著起韓服嘅畫面真係好有張力，攞到呢個成績絕對係最適合不過啊！
1. 金秀賢（8899票 / 32%）
退伍之後以《雖然是精神病但沒關係》回歸，獲得好評嘅金秀賢就是今次韓國男星之後中，票選第一名著韓服最好睇嘅男藝人！
佢嘅票數其實同第二名嘅非常接近，有超過八千票嘅肯定，都令人諗起《擁抱太陽的月亮》入面深情款款嘅李暄啊！
以上就係十位票選著韓服最好睇嘅男藝人，唔知大家覺得結果點呢？
歡迎大家留言同小編一齊討論下啊！
✨馬上Follow我哋IG
instagram.com/creatrip.hk
| 其他延伸閱讀 | |
 最佳螢幕情侶排行 |  韓星撞鬼經歷 |
