Hello，大家好，我哋係由韓國人話你知每日最新韓國旅行資訊嘅Creatrip。
大家之前嚟韓國嘅時候有冇識過韓國朋友呢？如果你哋身邊都有韓國朋友嘅話，可能都會知道韓國人有咩特徵！大家知唔知道外國人覺得韓國人最掂嘅係咩？答案就係「最佳御用攝影師」，小編為大家講解下點解啦！
韓國人有咩特質？
1. 最佳御用攝影師
唔知大家嚟韓國旅行嘅時候，有冇搵過路人幫手影相呢？如果喺街上搵後生仔幫手影相嘅話，大部分人都唔係隨便幫你影完就算。佢哋會細心咁幫你睇角度，曝光同埋畫面比例，有啲人仲會彎低身幫你影你影長腿相添！其實因為韓國人喺update自己IG嘅時候，希望自己可以將自己最好最有自信嘅一面影出嚟，所以佢哋對影相係好有sense。
2. 鍾意食大蒜但又要驚
根據統計，韓國人每人平均一年食咗6.73公斤嘅大蒜，平時食烤肉或者其他料理嘅時候，都好常見到大蒜加入唔同嘅食譜。
不過大家又知唔知，雖然韓國人好鍾意食蒜頭，但唔係個個韓國人可以接受蒜頭嘅辣度。比起青陽辣椒或者係辣椒醬嘅辣，唔少韓國人更加冇辦法接受大蒜嘅辣，所以韓國人都會煮過或者加工過先敢食。
3. 每種生活用語都同「飯」有關
韓國人以「飯」為主食，所以飯對韓國人嚟講好重要，唔少生活用於都同飯有關。如果有睇韓劇嘅朋友，都應該有聽到喺劇入面聽過：「想唔想食豆飯？（콩밥 먹고 싶니?）」呢句說話其實就代表「你係咪想坐監？」嘅意思，以前韓國唔夠米，但為咗令坐監嘅人有足夠嘅體力，就會喺飯入面加入雞蛋同埋豆類，所以就成為咗坐監飯嘅象徵。
或者係「下次請你食飯！（다음에 밥 한 번 살게!）」，就代表好多謝對方，可以睇得出其實韓國人有好多用語都同飯有關。
4. 嬲嘅時候一定會話「唔係」
韓國人喺嬲或委屈嘅時候，第一句一定會話「唔係」，主要喺否定對方，或者要責怪對方嘅時候都係會咁樣講。最近韓國都有出現一啲新terms，例如係：「아니 + initiating（開始）」嘅新詞。大家不妨問下自己身邊嘅韓國朋友睇下佢哋知唔知道呢個特質啦！
5. 屋企嘅梳化多數都係用嚟挨而唔係坐
有睇韓綜嘅話，應該都會發現韓國人明明有梳化，但佢哋偏偏都唔會坐，反而係鍾意挨住坐。雖然小編曾經問過韓國朋友點解要咁做，佢哋都話好多人其實只係將梳化當成裝飾品。
雖然唔係100%嘅韓國人都係，但接近95%嘅人都係咁㗎！如果大家知道有更多關於韓國人嘅特質，都歡迎留言俾小編知啊～
如果有更多想知嘅內容，都可以隨時留言或者dm話俾我哋知：）
Instagram：creatrip.hk
