Hello，大家好 ，我哋係由韓國人每日提供最新韓國旅行資訊嘅Creatrip。
呢一次小編搵到Ranker.com ，由外國人票選出最靚韓國女演員排名。每一位都係韓國人心目中嘅女神，同大家嘅諗法又一唔一樣？
外國人票選最靚女演員TOP10
TOP 10 - 孫藝真
憑住19年出演嘅《愛的迫降》再次走紅，雖然而家已經39歲，但一啲都唔似，好似食咗防腐劑咁，同初出道嘅時候，完全冇分別。
TOP 9 - 秀智
有「國民初戀」之稱嘅秀智排第9， 佢天生麗質又可愛，佢出演嘅《Wonderland》電影，預計會喺嚟緊下半年上映！
TOP 8 - 河智苑
其實一開始河智苑拍劇嘅時候係以惡女角色出道，係去到後期先慢慢演純情角色。所以當初有變色龍之稱，相信大家對佢最深刻，一定係同玄彬一齊拍嘅《秘密花園》，當時可以話全世界都追，唔少綜藝仲會播佢哋嘅泡沫之吻戲，每次睇都覺得好浪漫。
TOP 7- 韓孝周
韓孝周身高172cm，佢無論飾演咩角色都輕易Carry到，今年預計佢會有一套電視劇《Happiness》同電影《海賊：鬼怪的旗幟》會上映，真係令人好期待啊！
TOP 6 - 朴信惠
朴信惠係喺2003初演電視劇《天國的階梯》出道（相信當年唔少香港人都有追過），直到而家已經出到18年，佢哋魅力依然係沒法擋！
TOP 5 - 金昭誾
金昭誾雖然飾演過好多唔同角色，但講到最令人難忘，一定係2009年拍《花樣男子》，佢以單純、可愛、活潑性格，以及專業發揮溜冰運動員水準，同金汎喺劇中嘅情侶形象深獲人心，佢哋仲成日以情侶檔接咗唔少廣告代言添。
TOP 4 - 金泰希
金泰希係唔少韓國男性心目中嘅女神，佢美貌與智慧並重，雖然而家好少喺電視螢幕見到佢嘅出現，但佢嘅靚，喺大家心目中，無論係以前定而家，一樣仲係咁有魅力。
TOP 3 - 全智賢
雖然已經做咗人妻，仲有兩個小朋友，但依然仲係咁靚，好似一啲都冇變過咁。唔知大家之前有冇睇佢最新《屍戰朝鮮：雅信傳》呢？
TOP 2 - 朴敏英
擁有韓國人同外國人都認可嘅美貌，朴敏英排名第二。臉細，眼大大真係無論咩角度睇都係咁靚。
TOP 1 - 宋慧喬
宋慧喬可以話同過唔少男神合作過，每次合作都拎到唔少獎。電視劇、電影、廣告等廣受追捧，無論佢短髮定長髮都一樣keep得咁靚，好有魅力！
以上係被評為外國人眼中最靚韓國女演員TOP10，大家同唔同意投票結果呢？
資料來源： Red Friday
如果有更多想知嘅內容，都可以隨時留言或者dm話俾我哋知：）
Instagram：creatrip.hk
