Hello，大家好，我哋係由韓國人每日提供最新韓國旅行資訊嘅Creatrip。
講到香港人最常用嘅app，應該都係WhatsApp、Instagram、Spotify、YouTube同Netflix。大家又知唔知韓國人最常用，同用得最耐係咩app呢？
韓國人最常用嘅app
第10名 - BAND（밴드）
呢個app係由Naver推出嘅社交平台，佢有少少似Facebook社團，你share嘅嘢淨係會show俾你加入嘅group嘅人睇，大家亦都可以喺度搵到同自己有共同興趣嘅小組。
第9名 - Karrot（당근）
Karrot係一個韓國二手買賣平台，而家好多韓國人有咩唔用就可以放上呢個platform賣/免費送出去，仲可以睇到自己屋企附近嘅人放啲咩出嚟，傾好之後就可以直接去面交！
第8名 - COUPANG（쿠팡）
只要喺韓國生活過嘅大家，都一定有用過COUPANG，因為真係好方便！佢係韓國最大網上購物平台，同香港嘅HKTV Mall係同一類型，有好多商品都可以今日買聽日就送到！呢個平台仲更加已經將業務擴張到台灣，發展速度超快！
第7名 - X（엑스）
X其實就係Twitter，喺韓國通常都係追星族會用XD 想知最近韓國娛樂圈發生緊咩事，或者有邊個idol討論度高，睇X就會知道！而且唔知點解通常X嘅消息都會傳得比較快，好多最新資訊都會率先喺呢度傳出嚟！
第6名 - toss（토스）
佢係一個由韓國startup公司推出嘅金融服務app，本身只係一個單純轉數app，不過而家仲加入埋保險、貸款、投資等功能，仲可以申請扣賬卡，非常方便！
第5名 - cashwalk（캐시워크）
cashwalk係一個計步器app，每行100步就可以賺到1個積分（每日最多1,000積分），仲可以透過吧玩小遊戲、答問題、俄羅斯轉盤等贏積分！而儲返嚟嘅分可以喺合作餐廳/cafe消費，唔單止可以積少成多咁賺少少錢，仲有助維持身體健康，一舉兩得！
第4名 - Instagram（인스타그램）
無論係韓國定香港，而家比起用Facebook，玩Instagram嘅人多好多！唔知大家又follow咗我哋未呢？
第3名 - YouTube（유튜브）
相信唔需要多介紹大家都知呢個係咩App啦！YouTube亦都係2023年韓國人使用時間最長嘅App，平均一個月會用成998億分鐘！大家又有冇鍾意邊個韓國YouTuber呢？
第2名 - NAVER（네이버）
NAVER係一個韓國搜尋器，韓國人比起用Google會更加習慣同鍾意用佢！所以如果大家識韓文，推薦搵資料或者餐廳/景點嘅時候用NAVER！
第1名 - KakaoTalk（카카오톡）
香港最常用嘅聊天工具一定係WhatsApp，而韓國人佢哋最鍾意嘅就係KakaoTalk！佢唔單止係通訊軟體咁簡單，仲可以送禮物、過數、shopping等等！
唔知呢個結果有冇令你覺得驚喜呢？上面呢幾個App你又用過幾多個？
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
