Hello，大家好，我哋係由韓國人話你知每日最新資訊嘅Creatrip。
＃韓國文化＃韓國犯罪
唔少人都會覺得韓國嘅治安好好，好多人都會話如果夜晚飲完酒係街上面獨處或者喺小巷到行嚟行去都會係安全。
不過如果睇睇韓國嘅犯罪率嚟講，其實韓國嘅犯罪率都唔係特別低。
小編今日就同大家講吓韓國嘅犯罪率同埋相關嘅犯罪事例，並喺韓國人嘅角度同大家分析一下啦！
✨馬上Follow我哋IG
instagram.com/creatrip.hk
韓國嘅犯罪率
韓國刑法犯罪統計（來源：E나라지표）
圖表上面顯示嘅係「每10萬人當中有幾多人犯罪」，係反映社會安全、治安嘅指標。
呢個數字其實喺1980年代開始增加，近30年裡面，韓國嘅犯罪率增長咗兩倍以上：1981年有935單；1991年雖然減少至558單，但直到2018年為止竟然增加至1,915單，姐係話10萬人裡面就會有接近2000人犯罪。
根據資料顯示，2000年後嘅犯罪率增加多數都係屬於「特殊犯罪」，例如經濟犯罪、暴力行為、性暴力犯罪等等。
2008-2018年，韓國刑法罪犯細分
（來源：E나라지표）
由刑事犯罪之中細分就包括咗殺人（살인）、強盜（강도）、性暴力/強姦（성푹력/강간）、暴行（푹행）、竊盜（절도）等等。
2008年至2018年呢十年期間，雖然強盜同埋殺人個案相對地有減少，但同時性暴力等等嘅犯罪就一直增加緊。
2020年同2000年相比，（性暴力）增加咗4.2倍，而（暴行）就增加咗8.9倍。
各國殺人率比較（來源：E나라지표）
因為每一個國家對犯罪嘅統計方式不同，好難正確咁比較。
不過論殺人罪嚟講，大部分嘅國家都有類似嘅標準。
以2018年為基準嚟講，韓國嘅殺人比例約0.6，算係低於日本與中國。
不過，其他國家，好似美國、俄羅斯、巴西、南非共和國都超過5。
2020世界犯罪指數/安全指數
而根據2020最新數據顯現，韓國嘅犯罪指數係世界上第24名低，意思就即係話韓國係排名第24名安全，名次比起台灣、日本、香港低。
韓國嘅死刑制度
韓國而家仲有冇死刑？
其實，韓國嘅死刑制度喺法律上仲存在。
1947年07月14日至1997年12月30日之間，韓國法務部一共對920人執行過死刑。
即使冇人執行死刑，但死刑判決一直都仲存在緊。
根據資料顯示（2009年），無期徒刑犯人之中，服刑最長嘅人係27年；被判處死刑、服刑20年以上嘅囚犯都多達74人，而最後一次嘅死刑判決，就係喺2015年08月28日被判決嘅！
好多發達國家都會討論嘅「犯罪者人權」，都會顯現喺韓國死刑存廢上面。
雖然韓國已經有20幾年冇執行過死刑，但社會上對於死刑存廢仲有好多聲音，就好似2008年同埋2009年，國會遞交咗廢除死刑嘅法案，民間團體都成日為廢死呼籲，不過社會各界都反對呢個處理方法！
2009年，韓國憲法法院宣判「死刑制度係保護其他生命而存在嘅唔可以可避免嘅手段」，所以就宣布需要維持死刑制度。
到而家，韓國雖然冇再執行過死刑，但係名義上都仲有死刑嘅制度
韓國犯罪後的檢驗
大家都應該都會知道韓國嘅罪犯，如果喺犯咗啲好似殺人咁大嘅罪行嘅話，都會進行現場模擬，而呢啲現場模擬通常都會帶著疑犯一齊案件從組。
2016年殺害同性愛人嘅趙成浩（音譯）
好似上圖呢單係2016年震驚韓國嘅同性情侶殺人命案，當時就有喺記者同埋民眾面前公開做案件從組。
正正因為咁，好多時都會喺新聞見到疑犯接受調查或者被民眾追打同埋媒體追擊嘅場面。
不過喺近幾年，相關案件重組嘅過程呢實在對社會造成不安，都會對受害者同埋家屬造成二次傷害嘅關係，而家都會喺以「非公開」嘅方式進行。
韓國史上的重大犯罪
等小編舉幾個韓國史上最大型，亦都翻拍成電影嘅罪案畀大家睇下啦！
1. 華城連續殺人案
1986年9月19日號，喺華城發現咗一個71歲嘅老人比人除咗條褲然後勒死，而之後再喺1986、1987、1988年、1990同埋1991年期間一共有十位唔同年紀嘅女仔被強姦同殺害，唔少人都覺得係連環殺人事件。
呢件事都改編成為奉俊昊嘅電影《殺人回憶》。
當時公開嘅嫌疑犯畫像
電影《殺人回憶》
2. 青蛙少年
搵咗搵自己小朋友而喺度發緊傳單嘅失蹤者父母
1991年大邱有五個小學生要去山上面執蜥蜴蛋，但一去冇回頭。
失蹤11年之後嘅2002年09月，終於發現咗嗰五個小朋友嘅遺骸。
呢件事都引發咗廣泛嘅討論，亦出現好多改編歌曲同埋電影，總共洗咗4,200萬韓幣都查唔出真相。
3. 仁和瘖啞學校
呢件事都係全韓國震撼嘅事件。
2000年嘅時候喺光州仁和瘖啞學校發生嘅性暴力事件，到2005年都冇人知，最後公開咗之後都改編成為電影《無聲吶喊》，更加推動相法案嘅誕生，稱為「熔爐法」。
電影《無聲吶喊》
直到2005年六月，仁和瘖啞學校嘅一名教職員，向殘疾人性暴力諮詢所舉報之後，警方就展開調查。
而喺對加害者進行調查同埋審判期間，由市民團體、家長組成嘅「仁和瘖啞學校性暴力對策委員會」都有透過剃髮同埋靜坐嘅方式示威！
電影《無聲吶喊》
最後，五位被告之中有一個人宣判無罪、兩個人緩刑，剩低嘅兩個人都被判6至8個月嘅有期徒刑。
不過好老實講，對比起個啲終生受到傷害嘅小朋友嚟講，佢哋嘅判決真係已經好少事！
以上嘅就係關於韓國犯罪案件嘅訊息，希望大家可以更加全面咁認識韓國！
✨馬上Follow我哋IG
instagram.com/creatrip.hk
| 其他延伸閱讀 | |
 韓國鬼屋介紹 |  韓國特別法律 |
