2025首爾賞紅葉景點推薦

Hello，大家好，我哋係由韓國人每日提供最新韓國旅行資訊嘅Creatrip。

眨吓眼韓國已經變咗秋天，天氣唔再咁熱，早晚仲有涼風，去到10月尾左右應該就可以賞紅葉，不過只係首爾都已經咁大，邊度影靚相係最好嘅呢？今日小編整理咗幾個首爾市區同紅葉打卡嘅景點，準備嚟韓國嘅朋友可以參考吓啦！

想去郊外睇更加壯觀嘅紅葉景色？👇🏻

首爾賞紅葉景點推薦

梨花女子大學_{(이화여자대학교)}

• 地址：서울 서대문구 이화여대길 52
• 前往方法：梨大站（이대역）2號、3號出口

講到去梨大，大家最先可能會諗到要去買衫，但其實只要一到秋天，學校就會被橙黃色嘅紅葉圍住，相當浪漫同有氣氛，推薦大家除咗shopping之外，都可以入學校睇吓。

慶熙大學_{(경희대학교)}

• 地址：서울 동대문구 경희대로 26
• 前往方法：回基站（회기역）1號出口

可能大家會以為慶熙大學只得春天影櫻花靚，但其實去到秋天，呢度都會開滿紅葉，喺度散步好似係童話故事入面嘅角色咁，絕對可以影到人生照。

首爾林_(서울숲)

• 地址：서울 성동구 뚝섬로 273
• 前往方法：首爾林站（서울숲역）5號出口

서울숲 공식사이트

去旅行都係想散吓心、休息吓，如果想喺首爾市區搵一個安靜地方欣賞紅葉嘅話，小編推薦大家去首爾林，呢度俾人一種好舒服嘅感覺，特別係秋天，開滿紅葉，唔少人都會特登去打卡。

🔎首爾林總整理

奧林匹克公園_{(올림픽공원)}

• 地址：서울 송파구 올림픽로 424
• 前往方法：奧林匹克公園站（올림픽공원역）3號、4號出口

21sunsik

除咗首爾林之外，奧林匹克公園都係具有指標性嘅首爾大型公園之一，孤獨的樹就係喺公園中央，因為秋天紅葉點綴下，顯得更加特別。

🔎奧林匹克公園總整理

汝矣島漢江公園_{(여의도 한강공원)}

• 地址：서울 영등포구 여의동로 330
• 前往方法：汝矣渡口站（여의나루역） 2號出口

嚟韓國有冇諗過去汝矣島望住紅葉，吹住海風野餐，或者踩單車呢？特別係黃昏時候去，真係可以令人短暫忘記一切嘅煩惱！

🔎汝矣島漢江公園總整理

昌德宮秘苑_{(창덕궁 후원)}

• 地址：서울 종로구 율곡로 99
• 前往方法：安國站（안국역）3號出口

首爾五大宮殿中，秋天一定要去賞紅葉嘅絕佳景點，非昌德宮莫屬！之前韓劇《屍戰朝鮮》、《雲畫的月光》都有去取景，風景如畫！

🔎昌德宮總整理

景福宮_(경복궁)

• 地址：서울 종로구 사직로 161
• 前往方法：景福宮站（경복궁역）4號出口

景福宮面積大，秋天嚟到著住韓服喺殿中漫步，彷彿穿越時空，早晚有唔同景色，推薦大家都去！

🔎景福宮總整理

德壽宮_(덕수궁)

• 地址：서울 중구 세종대로 99
• 前往方法：市廳站（시청역）12號出口

德壽宮就係喺市廳隔離，喺市區中顯得特別壯麗同夢幻。

 🔎德壽宮總整理

南山公園_{(남산공원)}

• 地址：서울 중구 삼일대로 231
• 前往方法：明洞站（명동역）4號出口

既然去到首爾，又點可以錯過南山首爾塔呢？無論邊一個角度易都可以影到靚相，比起其他季節，更推薦大家秋天去打卡！

🔎N首爾塔(南山塔)總整理

除咗以上景點之外，其實韓國只要一到秋天，大多數路上樹木都會轉為橙紅色，周圍都可以影靚相！

參加紅葉團輕鬆去郊外賞楓🍁

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！