韓國人完美笑容嘅秘密 — 牙齒微笑線

Hello，大家好，我哋係由韓國人每日提供最新韓國旅行資訊嘅Creatrip。

唔知大家有冇聽過「牙齒微笑線」呢個term呢？大部分人都會覺得自己要排牙夠白夠齊就得，但係原來排牙‘太齊’反而會弄巧反拙，令你笑起嚟笑容唔自然，仲會好似假牙咁... 其實如果想笑得靚，就要搵方法改善你條微笑線，一齊發掘有咩方法可以幫到手啦！

韓國人完美笑容嘅秘密

咩係「牙齒微笑線」？

「牙齒微笑線」係指上排牙齒同下排嘴唇嘅自然曲線！其實牙齒整齊夠白唔代表笑起會靚，完美微笑嘅秘密正正就係收埋喺呢條牙齒微笑線身後！

「牙齒微笑線」構成因素

1. 牙齒排列

除咗牙齒需要整齊對稱，上排牙齒底部連成一條線嘅時候比起一條直線，形成同下嘴唇弧度相似嘅曲線會更理想。好多人會覺得要整齊就代表要係一直線，但咁反而會好假好奇怪！

2. 牙齒大小

牙齒大細都會影響到微笑效果！每隻牙長度同闊度最佳比例係1.25:1，而門牙同隔離牙齒嘅比例如果可以好似上圖咁維持到10:7:5就為之最靚！

3. 牙齦牙齒比例

微笑嘅時候都會露出牙齦，不過露出嘅量都會影響微笑形態。最理想係露出1-2mm嘅牙齦同展現出8-10粒上排牙齒，微笑睇落先會夠靚！

4. 牙齒&牙齦顏色

講起完美嘅微笑當然唔少得乾淨又亮白嘅牙齒啦！如果牙齒太黃或者有牙石睇落的確冇咁charming... 另外上面都有講到，其實牙齦都係微笑嘅一部分，最理想嘅係牙肉呈紅潤嘅粉紅色，如果太黑嘅話會俾人一種唔健康嘅感覺。

改善「牙齒微笑線」方法

1. 箍牙

如果本身有咬合問題，或者單純牙齒唔整齊，箍牙都可以解決到！

打算箍牙嘅你一定唔可以錯過！

[스팟] TU牙科（江南）

2. 牙齒美白

講起完美笑容當然唔少得紅唇白齒，不過現代人經常飲咖啡食色素重嘅嘢食，搞到排牙比較黃... 韓國牙齒美白療程雖然平過香港好多（個差價夠你買來回機票lol），但療程質素夠高，而且效果夠明顯，通常去做一次排牙就會白2-3度，更加可以維持6-12個月！

想睇更詳細介紹？👇🏻

[블로그] 韓國漂牙/牙齒美白方法大解析

3. 嘴唇重置手術/牙齦矯正

頭先都有講到構成黃金比例牙齒微笑線嘅因素當中牙齦同牙齒比例非常重要！如果本身牙齦比較長，或者笑起嘅時候嘴唇會捲起/太高，就會令露出太多牙肉。

呢個時候可以去做嘴唇重置手術（縮短牙齦同唇部連接處最深位置）或者牙齦矯正（用激光切除過長牙齦），令牙齦同牙齒恢復最佳比例，重點係呢兩個手術都可以唔洗一個鐘就完成！

呢間韓國牙科診所有得做👇🏻

[스팟] 紐約延世牙科診所（江南）

4. 零磨牙瓷牙貼

如果想一次過解決牙齒排列、大小、顏色同牙齒牙齦比例問題，最有效嘅方法一定係做瓷牙貼片！韓國嘅零磨牙技術更加可以將牙齒損耗減到最少嘅同時令效果更自然。而且如果book朝早時間去，當日就可以完成埋貼片製作同安裝，夠快捷！

瞭解更多詳情👇🏻

[블로그] 韓國瓷牙貼片介紹/明星前後效果比較

5. 牙齦美白

除咗牙齒可以做美白療程，其實牙齦都可以！當牙齦有黑色素沉澱，牙齦顏色就會變深，甚至會係暗黑色。牙齦美白通常都係運用激光消除黑色素同促進新牙肉生長，令牙肉變返做自然粉紅色！

呢間韓國牙科診所有得做👇🏻

[스팟] 紐約延世牙科診所（江南）

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！