十大大眾對牙科嘅偏見&錯誤認知

Hello，大家好，我哋係由韓國人每日提供最新韓國旅行資訊嘅Creatrip。

唔知道講起牙科，大家第一樣諗起嘅嘢係咩呢？小編自己一開頭對牙科嘅第一印象就係「貴」，而且覺得只要排牙冇咩問題就唔需要去，不過其實呢啲全部都係偏見！今日就等小編幫大家消除對牙科嘅偏見同錯誤認知，重新認識牙科療程啦！

大眾對牙科嘅偏見&錯誤認知

1. 只要定期刷牙就唔需要洗牙或者做牙科檢查

好多人應該都會覺得，只要自己每日早晚都有刷牙就夠乾淨，不過其實好似牙罅、牙齦邊同後面嘅牙牙刷未必刷得乾淨。而且無論係用牙刷定牙線都刷唔走牙石，一定要靠專業洗牙先可以清除！

建議大家要定期搵牙醫做牙科檢查同洗牙，可以早啲發現蛀牙或者牙周病，及早治療，唔好等到牙痛先去睇醫生。

2. 去牙科診所一定要進行治療/牙科療程

冇病冇痛點解要去睇醫生？但其實去牙醫唔一定要做治療，定期檢查牙齒，預防牙齒疾病同維持牙齦健康好重要。而且touch wood有咩問題，及早發現嘅話治療過程會更加簡單，費用都會平啲！

嚟韓國做免費牙科檢查_{(Creatrip獨家優惠)}👇🏻

[스팟] LE牙科（江南）

3. 洗牙會令牙罅變大

洗牙主要係清除牙石，但因為牙石通常都會積聚喺牙罅，洗完牙之後牙石脫落，睇落好似牙罅闊咗咁。不過其實洗牙並唔會影響到牙齒本身，反而會令牙齦更加健康，可以預防牙周病同其他牙齒疾病。

好似頭先所講，就算每日刷牙都未必避免到牙石積聚，建議每6個月至1年要定期去洗一次牙！

想用平過香港30~60%嘅價錢洗牙？

[블로그] 韓國洗牙療程介紹/價錢/推薦診所

4. 智慧齒一定要剝走

唔知大家有冇智慧齒呢？成日都會聽到人講話去剝智慧齒，但其實如果唔係生歪咗，或者如果冇影響其他牙齒或發炎，其實唔需要專登剝。不過如果你粒智慧齒頂住隔離大牙導致發炎，或者係瞓喺度嘅就建議剝走，避免引起更大問題。

建議定期進行檢查，聽牙醫專業意見同建議之後決定需唔需要剝智慧齒！

5. 漂牙/牙齒美白療程會傷牙

牙齒美白療程其實某程度上係幫牙齒漂白，所以應該唔少朋友會覺得太刺激，反而會更加傷牙。但如果係去專業牙科診所做牙齒美白，醫生會使用安全劑量去幫你進行療程，而且會幫你好好保護牙肉，做完之後唔太會出現牙齒酸痛情況。

不過要提醒大家，而家坊間有好多牙齒美白產品，如果自己亂用美白產品，或者過度美白，可能會令牙齒敏感或者損傷牙齦。所以想美白牙齒，最好搵牙醫諮詢，根據專業建議嚟做。

韓國牙齒美白夠專業仲平過香港勁多！

[블로그] 韓國漂牙/牙齒美白方法大解析

6. 做牙科治療會令牙齒變脆弱

헬스경향

大家會咁諗應該都係因為做完牙科治療之後牙齒有時候會酸痛，而且某啲療程仲會令牙齦出血。不過其實牙科治療係為咗修復受損牙齒，令牙齒同牙齦自然恢復健康。正確治療唔單止唔會令牙齒變弱，仲可以延長牙齒壽命，令你咬嘢更有力，生活更方便。

7. 做瓷牙貼片一定要磨牙

上網睇過有人甩咗門牙貼片嘅相，自己原本隻牙會磨到得返少少，可能會影響原本牙齒結構，令牙齒變得脆弱。但係而家韓國有ZERONATE、MINISH等零磨牙陶瓷牙齒貼片技術，唔需要磨牙或者只需要磨0.1~0.2mm就得，而且效果仲自然過傳統瓷牙貼片！

對零磨牙瓷牙貼片有興趣？

[스팟] MINISH牙科（江南）

[스팟] TU牙科（江南）

8. 箍牙一定要細個做

大部分人都係中學嘅時候箍牙，不過其實只要牙齦健康，成年人都可以做牙齒矯正。唔單止可以改善外觀，仲可以預防因為牙齒唔整齊而引起嘅蛀牙同牙周病！

打算箍牙嘅你一定唔可以錯過！

[스팟] TU牙科（江南）

9. 牙科治療後咩都唔食得

헬스조선

其實大部分牙科治療後，只要等麻醉過咗就可以正常飲食，不過要避免食太熱、太硬或者太辣嘅嘢食。記住做完療程之後聽診所姑娘同牙醫提供嘅飲食建議同儘量跟住做，以免影響療程效果或者傷口癒合。

10.  牙科療程全部都好貴

香港去睇一次牙醫真係要洗好多錢，就算係普通去做牙齒美白或者剝智慧齒都幾金下...相對地因為韓國牙科技術發展蓬勃，而且韓國國內需求多，所以可以用比較平嘅價錢做到同等級甚至係更加高級專業嘅牙科療程！

FYI大部分牙科療程喺韓國做會平過香港差唔多一半！

嚟韓國必做牙科療程！

[블로그] 韓國最受歡迎牙科療程/推薦診所

相信大家唔多唔少都有以上對牙科嘅偏見同錯誤認知，但其實定期去牙科做檢查同洗牙真係比想像中重要，亦都冇咁恐怖。重點係喺韓國做牙科療程平過香港，相對上負擔都唔會咁大，下次飛韓國之前記住將牙科放入你嘅行程入面啦！

對韓國牙科療程有任何問題？

[블로그] 韓國牙科療程常見問題FAQ（洗牙/漂牙/瓷牙貼片等）

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！