Hello，大家好，我哋係由韓國人每日提供最新韓國旅行資訊嘅Creatrip。
大家有冇諗過喺韓國住一個月呢？如果大家都想親身體驗首爾本地生活，今日小編就想介紹一間高級酒店式服務式住宅俾大家，就係位於首爾核心地段嘅「Weave Suites（仙遊島Sunyu Parkside）」啦！
「Weave Suites（仙遊島Sunyu Parkside）」距離地鐵9號線仙遊島站行1分鐘就到，去到汝矣島站都只係6分鐘，去邊都好方便。呢度總共有157間套房式客房，仲有健身室、瑜伽房、電影房、高爾夫練習場、天台lounge等多種共享設施。除此之外，仲有定期家務清潔服務，房間傢俬同電器配備齊全，而且費用更加包晒所有雜費，就算係外國人都可以輕鬆入住！
無論你係短期停留定長期居住，相信「Weave Suites（仙遊島Sunyu Parkside）」都會係你嘅最佳選擇！ 今日就跟住小編一齊去睇下環境啦！
🎉 而家仲做緊Creatrip特別優惠，各房型頭5組預約客人可以用超抵優惠價預約，呢個價錢其他地方絕對搵唔到，手快有手慢冇，記住唔好錯過啦！
撳我睇價錢&預約詳情👇🏻
[Spot] 一個月住宿推介｜Weave Suites - Seonyu Parkside
「Weave Suites（仙遊島Sunyu Parkside）」實地探訪
今日小編去咗9號線仙遊島站行1分鐘就到嘅「Weave Suites（仙遊島Sunyu Parkside）」參觀。呢度係一棟有157間套房式客房同多種共享設施嘅服務式公寓，工作、休息、娛樂都可以喺同一個空間一次過享受。
而且最正係近地鐵站，去首爾邊度都好快，大廈門口就有機場巴士站，對於計劃長住韓國嘅外國人嚟講，地理位置真係非常方便！
入到大廈就會見到接待處，接待處平日朝九晚六開放，check-in或者有咩要查詢都好方便。即使唔係服務時間，都有保安人員駐守，仲有24小時CCTV，夠曬安全。
「Weave Suites（仙遊島Sunyu Parkside）」其中一個最大賣點就係有超多共享設施，只要係住客都可以免費任用！所以正式開始參觀套房之前，小編首先搭咗𨋢落B1/F參觀佢哋嘅共享空間。
🎯 共享設施
首先B1/F正中間有一個共用休息區，朝早六點到夜晚十一點都可以自由使用，好多人都會嚟呢度休息、做嘢同溫書。 成個空間用咗暖色木系設計，感覺好溫馨又舒服， 做嘢容易集中，休息都非常舒服。
[圖片滑動] 
休息區隔離就有一個工作空間，入面有幾張大枱，每個位都有插蘇，攞手提電腦落嚟做嘢真係好舒服。雖然係公用空間，但每個角落都好乾淨企理，長時間坐都唔會覺得翳焗。
呢度都屬於工作空間，成個氣氛好似去咗比較安靜嘅cafe咁，攞部電腦做下簡單嘢或者睇書都好啱，或者飲杯咖啡，hea下都好舒服。
而呢度一共有兩間就係會議室， 只要用住客專用app提前一個鐘預約，就可以自由使用。 空間夠安靜又獨立，如果需要集中精神做嘢，或者開網上會議同面試都好啱。
[圖片滑動] 
「Weave Suites（仙遊島Sunyu Parkside）」更加有提供私人工作空間，適合大家需要專心一陣，或者需要打電話嘅時候去，而且仲唔洗預約，只要冇人用就可以隨時入去。
[圖片滑動] 
跟住就嚟到公用廚房 ，一入到嚟就覺得裝修好靚，最驚喜係空間比想像中大好多。BTW其實「Weave Suites（仙遊島Sunyu Parkside）」每間房都有簡易廚房同微波爐，但如果大家想同其他住客一大班人一齊煮飯食飯，順便交流下，推薦大家要出嚟公用廚房！
公用廚房仲有一個焗爐，仲有砧板、刀、杯、碟、迷你電飯煲、咖啡壺等基本餐具， 亦都齊備各種調味料，鍾意煮嘢嘅朋友們一定唔可以錯過。
[圖片滑動] 
一出公用廚房就會見到呢個地方，食飯時間係餐廳，其他時間就變返做舒服嘅休息區。
下一個地方就嚟到娛樂室！呢度每日朝早六點至夜晚十一點開放，不過需要預約先用得，每日最多用三個鐘。大家可以將自己嘅裝置連接大螢幕，喺一個私人空間睇睇戲煲劇，無論自己一個定同其他住客一齊去都好啱。
[圖片滑動器] 
「Weave Suites（仙遊島Sunyu Parkside）」更加有一個集合咗高爾夫球練習場、健身室同瑜伽室嘅空間，無論你係運動愛好者，定係想搵新興趣嘅朋友，呢度都好啱你嚟體驗。
入高爾夫球練習場之前，門口就有私人儲物櫃，可以安全咁擺低運動裝備或者私人物品，再安心入去體驗。
[圖片滑動器] 
場內有提供高爾夫球桿，就算冇自備裝備都可以去玩，唔洗專登去咁遠嘅高爾夫球練習場，喺大廈入面已經可以免費體驗，不過記住要事先預約定啦！
[圖片滑動器] 
大家可以好似真係去咗打高爾夫球咁練習，或者用遊戲模式，同朋友們一齊玩同比賽，就好似真係去咗打場波咁！
[圖片滑動器] 
高爾夫球練習場隔離就係健身室，空間比想像中大同深，而且健身器械種類多，成個地方都好乾淨企理，小編去嗰陣都有住戶喺度做緊運動。
平時如果喺外面報Gym房價錢唔平，而且對外國人嚟講手續又煩又難溝通，但呢度只要係住戶就可以自由用！
[圖片滑動器] 
健身室隔離仲有一個瑜伽室， 有一邊牆都係鏡，可以自己睇住自己嘅姿勢同動作。場內仲有瑜伽墊提供，唔使自己帶都得。
順帶一提健身室同瑜伽室都係24小時開放，大家可以根據自己嘅時間安排，隨時去做運動！
[圖片滑動器] 
轉眼間就上到14樓戶外露台，未開門已經見到窗外個景色好靚，外面園景設計得好有心思，喺度坐一陣都覺得心情好咗好多。 而且露台更加係舉辦住戶社群活動嘅地方，可能會成為一個為你帶嚟特別體驗同回憶嘅地方！
喺天台可以望到成個漢江景色，喺度chill一chill，真係夠曬perfect~ 上述提及到嘅共享設施全部都唔需要額外收費，真係勁方便！
🛏️ 套房環境
[圖片滑動器] 
「Weave Suites（仙遊島Sunyu Parkside）」有3款唔同房型，就等小編逐一介紹啦！
FYI另外一定要用房卡喺升降機嘟卡先可以上到指定樓層，保安夠嚴密，夠曬安心。
Urban Suite單人套房
[圖片滑動器] 
「Urban Suite單人套房」係最基本嘅單人房房型，一入房就已經被室內設計同溫暖高級嘅氣氛吸引住。另外，每個星期都會有定期打掃服務，可以keep住環境乾淨又舒服，呢點真係好加分。
每間房都有電視，而且床同床上用品全部都係酒店級，瞓落去好舒服。BTW全部房嘅床都可以拉起，下面會有收納空間，就算長住一年，啲行李都可以輕鬆收埋，完全唔使擔心冇位擺嘢。
Bar枱下面仲有個櫃桶，即使只係一間單人房，但係更多地方可以做到收納，對行李比較多嘅長期住戶嚟講非常重要。
衣櫃都夠大，就算住耐啲都唔使擔心冇位放衫。
呢度就係房入面自帶嘅簡易廚房，基本餐具齊全，仲有微波爐、電熱水壺，連可以洗衣+乾衣嘅洗衣機都有，所有必用電器同用品都一次過幫你準備好晒， 就算唔帶太多行李或者唔買新嘢，都可以即刻開始生活，非常方便。
簡易廚房隔離仲有個大雪櫃同冷凍櫃！對於要長住、要儲存好多食物嘅朋友嚟講，真係非常貼心。
衣櫃隔離仲有一張夠大嘅工作枱。空間感十足，就算坐耐咗都唔會唔舒服，無論做嘢定溫書都好啱。另外仲有檯燈、鏡，最驚喜係風筒居然係Dyson！
出入口位仲有一個大鞋櫃，收納空間超多，由細件行李到鞋都可以收拾得好整齊，生活質素即刻提升咗。
廁所連浴室空間夠大夠乾淨，而且乾濕分離，免治馬桶、洗手盆、企缸全部分開，唔會整到四周圍濕笠笠。
Premium Suite Double雙人套房
跟住就輪到介紹雙人房啦！呢間係「Premium Suite Double」房型，雙人床後面有張細餐枱，空間活用得好好！
整體嚟講，小編覺得呢度兩個人住啱啱好，空間同配置都好適合，無論情侶、朋友，定係長期出差嘅同事一齊住都夠用。 或者如果一個人想住大啲嘅房，都係唔錯嘅選擇！
呢度張床都可以拉起，然後將行李放入去。因為張床都大啲，所以兩個人住都夠位擺多啲行李，完全唔會迫。
同單人房一樣，有簡易廚房同工作空間，其他好似廁所、鞋櫃等基本配置都一樣。
Premium Suite Queen雙人套房
「Premium Suite Queen」係雙人房最大嘅房型，連床都係用Queen size！呢間雙人房有獨立客廳同梳化，空間比其他類型更闊落，坐喺梳化睇電視夠舒服寫意。
[圖片滑動] 
客廳張枱仔可以拉高，食嘢或者用手提電腦做嘢都好方便！
其他空間都同之前介紹過嘅一樣，整體非常方便，而且配套齊全，真係齋帶行李就可以安心入住！
📍 附近推介景點
楊花漢江公園（仙遊島公園）
喺「Weave Suites（仙遊島Sunyu Parkside）」大約行10分鐘，就會去到「楊花漢江公園（仙遊島公園）」，雖然喺首爾市中心，但都可以感受到好悠閒、寧靜嘅氣氛，非常多附近居民都會嚟呢度散步。
[圖片滑動] 
除咗散步，大家仲可以踩單車、跑步同野餐。最正係比起其他出名嘅漢江公園，呢度人唔太多，可以靜靜地chill下，如果大家之後會喺「Weave Suites（仙遊島Sunyu Parkside）」住，不妨好似當地人咁去仙遊島公園休息散步啦！
小編去完「Weave Suites（仙遊島Sunyu Parkside）」參觀之後真係有衝動即刻搬入去住！如果你都考慮緊喺首爾住返一段時間，又想住設施新淨、設計實用，仲有共享空間嘅住宿，推薦大家去「Weave Suites（仙遊島Sunyu Parkside）」，體驗韓國當地人生活！
「Weave Suites（仙遊島Sunyu Parkside）」前往方法
仙遊島站（선유도역）1號出口出。
直行。
繼續直行。
見到上圖招牌之後向斜前方行。
咁就去到「Weave Suites（仙遊島Sunyu Parkside）」啦！
撳我預約👇🏻
[스팟] 韓國短期住宿 | Weave Suites（仙遊島Sunyu Parkside）
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
