Hello，大家好，我哋係由韓國人每日提供最新韓國旅行資訊嘅Creatrip。
唔知大家平時有冇留意韓國嘅時尚呢？如果有睇開韓劇，可以見到唔同年代著衫嘅風格都有唔同，今日小編想同大家一齊了解韓國唔同時代穿搭有咩變化，有興趣嘅朋友，就要繼續睇落去啦！
開化期（1876至1910年）：傳統韓服中融入西式風格
미스터선샤인
喺西方文化引入韓國之前，朝鮮時尚就係傳統韓服。但係經過甲新政變（갑신정변）、乙尾事變（을미사변）等事件之後，促進韓國改革開放，一般官服被簡化，文武軍官制服統一變為黑色。
1895年朝鮮高宗時期朝廷官員仲會著住西裝上朝，高宗甚至推出一件皮大褸同絲綢帽組成嘅禮袍，可以見到韓國服裝文化慢慢有轉變。
朝鮮日治時期（1910至1945年）：禁止著韓服同建立咸興洋裁學院
喺日本殖民時代，為咗扼殺朝鮮人民精神，禁止著傳統韓服，1920年代起，內衣開始改良，襪同膠鞋開始普及。
崔敬子（최경자）女士被稱為韓國時尚之母，佢喺1930年創辦「咸興洋裁學院」，係韓國第一間洋裁學院。
朝鮮戰爭後解放（1945-1950）：戰後混亂中老式時尚
1945年韓國解放之後，好多韓國人開始著返傳統韓服，以對先前日本統治服裝制度進行抗議。後嚟625戰爭期間，作為救濟品之一嘅西服由美國引進朝鮮半島，當時會用軍裝染色舊產品，將軍用毛毯改良製成大褸等，呢啲都係相當流行。
1950年代西方文化基本時尚
1953年韓國首次進口尼龍，之後被廣泛用喺整成外套或內衣，而去到1950年代後期，傳統韓服就成為重大節日或活動上先會著嘅禮服，當時好多設計師精品店都聚集喺明洞一帶。
緊身裙、高踭鞋、尼龍絲襪、改造衣服、漂白褲、褪色褲、襯裙款式等流行，曾經喺時尚女性象徵嘅曼波褲都開始出現。
1960年流行西裝同迷你裙
寬鬆嘅西裝、閃閃發光嘅手袋同手套相當流行，同時係西方服裝流行趨勢開始真正興起時期。
영화 쎄시봉
1967年歌手尹福姬由美國返去韓國，當時佢著住「迷你裙」，不過就受到政府嚴厲打擊，保守嘅人認為迷你裙長度違反公共道德。不過迷你裙嘅出現並唔係簡單服裝變化，而係女權、任何人都可以透過服裝表示自我一種方式。
1970年嬉皮風格
韓國前總統朴正熙喺1972年10月進行維新，開啟韓國黑暗無光獨裁時期，呢個轉變令韓國社會風氣、時尚氣氛變到好僵硬。喺初期製衣產業受到巨大打擊，就連電視節目都唔可以再播時裝show，發展受到好多限制。
當時代表自由奔放嘅嬉皮風格，喺年青人之中相當流行，男性開始留長頭髮，著恤衫襯牛仔褲，拎住吉他同啤酒等，都係當時文化特徵。
드라마 자이언트
除此之外，男女都會著嘅寬身褲開始流行起嚟，為咗可以顯長腿，女性都開始著高踭鞋，當時不分男女都鍾意著喇叭褲、闊腳褲、恤衫同T-Shirt。
1980年流行Disco風
응답하라 1988
如果講到Disco風可以諗到韓劇《請回答1988》，因為經濟成長，開始有彩色電視，女性教育雜誌同時尚雜誌等出現，令韓國流行變得更加多元化。
응답하라 1988
80年代可以話係休閒裝時代，校服自由化，年輕人文化成為時尚中心。由1983年開始，「龐克風」開始流行，好多女性會著男性大褸或褲去強調女性魅力，好多唔同類型嘅褲都好受女性歡迎。
1990年流行HipHop風
Fin.K.L、SES
隨住民主化成功，韓國經濟發展快速以致個人所得增加，以及女性地位提升、社會進步，由藝人引領時尚文化時代正式開始。
徐太志和孩子們
90年代年輕人以「徐太志和孩子們」為偶像代表，寬鬆嘅衫、唔少裝飾成為流行HipHop時尚，亦喺嗰時Kpop開始慢慢有啲氣息，加上90年代初期，一啲時裝設計師開始進軍海外市場，成立SFAA、NWS等時裝集團。
2000年流行彩色褲、印花褲
少女時代 gee
2000年創造好多新風格，唔單止顏色夠鮮，東大門一帶喺韓國時尚產業中扮演相當重要角色，好多人唔再一定喺門市買，網上都可以買到衫。
不過呢個時期韓國被稱為「時尚黑暗時代」，相信大家如果以前都有睇開韓劇，都會見到唔少呢種穿搭，即使係孔劉同趙寅成都無法避免受害。
2010年追求有個人風格
到咗2010年代之後，韓國時尚變得更多樣化，展現自由同開放特性，不過同時復古風同經典穿搭都好流行，每個人都好有自己風格。
當時唔少學生都鍾意著五分牛仔褲，當中薄荷色係最受歡迎。
同時隨住高爾夫同日常運動越嚟越普及，好多運動風都係呢個時間慢慢出現。
2020年精緻同舒適服時尚
而家韓國時尚強調不失流行又可以兼顧著得舒服嘅「休閒時尚」，加入合身、提臀、水洗夾克等元素，正式西裝改良成生活中無時無刻都可以著，都係呢個時代嘅重點。
조선일보、w.concept
呢幾年除咗螢光色成為趨勢，恤衫同闊腳褲都好流行，韓國時尚文化亦變得越嚟越多元化。
唔知以上咁多款時尚，大家又最鍾意邊一款呢？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
