Hello，大家好，我哋係由韓國人每日提供最新韓國旅行資訊嘅Creatrip。
有「酒窩王子」之稱嘅金宣虎，佢一笑真係令到唔少人心都融化，最近佢拍緊嘅《海岸村恰恰恰》更加喺世界各地播緊，人氣大大再急升！今日就等小編同大家介紹佢拍過咩戲啦！
金宣虎代表作品
劇名：《海岸村恰恰恰》（갯마을 차차차）
電視台： tvN
播出年份： 2021
劇集：16
最近韓國熱播緊嘅《海岸村恰恰恰》唔知大家有冇追呢？佢同申敏兒喺劇入面擦出唔少新火花，播到第十集嘅時候，收視率更達到11.397%！成為有線電視史上收視率最高劇集之一。
劇入面金宣虎飾演洪斗植，因個人原因（未公開）離開家鄉喺沿海漁村「公辰」生活。 佢係一位非常有熱情同善良嘅人。自然流露嘅演技，配上天使般酒粒，一笑嘅時候真係融化咗唔少觀眾嘅心。
劇名：Start-Up：我的新創時代（스타트업）
電視台：tvN
播出年份：2020
劇集：16
Start-Up係一套講述年輕人想創業嘅故事，雖然金宣虎只係第二男主角，不過因為呢套戲令佢更有人氣！金宣虎喺劇中飾演一位有個不幸童年，但佢冇屈服喺命運，最後成為一個成功人士， 佢一直對單戀 女主角，為咗女主角唔怕犧牲自己，唔少fans睇到都好心痛。
劇名： 《抓住幽靈》（유령을 잡아라）
電視台： tvN
播出年份： 2019
劇集： 16
《抓住幽靈》 係一套以地鐵警察隊為背景，當中有好多搞笑場景，另外因為係同「國民妹妹」文瑾瑩一齊出演，兩人互動相當有趣！金宣虎著住警察服真係超有型啊！
劇名：《加油吧威基基2 》（으라차차 와이키키 2 ）
電視台：JTBC
播出年份： 2019
劇集： 16
《加油吧威基基2 》係一套關於年輕人友誼、愛情同夢想嘅電視劇，每一集都有唔同有趣場景，金宣虎喺劇入面飾演一位超挑剔嘅人，夢想係成為一位歌手，但最後佢經朋友勸說底下，佢決定投資一間就嚟面臨破產嘅Motel，想知最後結果係點就要即睇《加油吧威基基2 》啦！
劇名：《百日的郎君》（백일의 낭군님）
電視台：tvN
播出年份： 2018
劇集：16
金宣虎喺劇入面患有臉盲症，佢無法辨識他人臉孔，但唯獨認得女主角洪心（南志鉉飾），佢對洪心一見傾心，可以睇得出佢好深情，睇到唔少人都想成為女主角。
劇名：《瘋了，因為你！》（미치겠다, 너땜에!）
電視台： MBC
播出年份： 2018
劇集： 4
《瘋了，因為你！》只係得4集，金來菀（金宣虎飾）喺劇中，佢有一個好朋友叫做韓恩誠（李宥英飾），原本佢哋一直以為只會維持友誼關係，點知因為一啲事而發展成「友誼以上，戀人未滿」關係，劇情相當浪漫同幽默，好推薦大家都去睇吓！
劇名：《我的鬼神搭檔》（투깝스）
電視台：MBC
播出年份：2017
劇集： 32
呢套係講述重案組熱血刑警（曹政奭飾）被詐騙犯靈魂（金宣虎飾）附身後，一個身體有兩個截然唔同嘅靈魂，兩個靈魂需要聯手解決棘手案件，係一個奇妙得嚟又得意嘅故事。
劇名：《最強送餐員》（최강 배달꾼）
電視台： KBS
播出年份： 2017
劇集： 16
係講述韓國炸醬麵送餐員嘅愛情同事業成功故事，內容相當有趣，由高庚杓、蔡秀彬、高媛熙一齊主演。
劇名： 《金科長》（김과장）
電視台： KBS
播出年份： 2017
劇集： 20
《金科長》 係金宣虎嘅處女作，雖然唔係做男主角，不過佢喺劇中飾演一個溫柔上班族，令到有更多人留意佢。
唔知以上有幾多套大家都有睇過呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
