Hello，大家好 ，我哋係由韓國人每日提供最新韓國旅行資訊嘅Creatrip。
每一個人為咗想入好嘅大學，都會好俾心機讀書，但喺韓國 ，學生除咗會去上堂之外，仲會花好多時間去補習同用唔同方法去溫書，今日就想同大家講解吓，韓國學生學習嘅獨特文化。
韓國讀書文化
韓國嘅義務教育制度，係要小學讀6年，初中3年。高中有分普通高中、專業高中同職業高中等多種類型。雖然唔係義務要讀高中，不過截至喺2020年，有91.4%嘅學生都會選擇繼續讀（資料來源： e-나라지표）。截至2021年，大學升學率為72.5%，選擇繼續升學嘅人數都算偏高。
幫助學習嘅用品
韓國好多學生為咗讀好書，都會有唔同Study item，而家就等小編逐一同大家介紹啦！
1. 智能科技
而家科技發達，學生唔再只係用書本去上堂，有啲仲會用到電視或者平板電腦去做練習。咁樣可以令到學生由細就開始培養學習嘅興趣，比起一般書本，會更加吸引。
2. 站立式檯
為咗可以改善健康同姿勢問題，無論喺屋企定係Office，好容易見到，但喺韓國中學都好容易搵到呢類站立式檯。以韓國小編曾經讀嘅中學為例，每一間課室入面都有三、四張，如果上緊堂，突然覺得好攰想瞓，唔少學生都會自動自覺起身行去企後面，之後再認真聽書。
可能大家都會聽過呢種一人Study Room，呢啲房係幫助學生更專注於學習而設計，因為一間房只可以容納一個人，有咗自己私人空間，咁就唔怕被人打擾到。之前韓劇《Sky Castle》（天空城堡）都見過，當時一播出，訂單即刻多咗十倍以上！
為咗入大學，韓國學生需要考修能（高考/即香港DSE），對學生嚟講係一個好重要嘅考試。為咗防止學生作弊，國家會提供規定嘅專用原子筆，為咗平時都可以模仿喺考場嘅環境，學生都會去文具舖先買嚟練寫，雖然可能會有唔同廠商，不過基本上每年都係一樣。
5. 其他學習用品
可以喺Daiso、文具舖、專賣文具嘅網店搵都多樣學習用品，只要係YouTube打공부 추천템（學習推薦用品）/공부 필수템（學習必需品）都可以搵到大量資料，有唔少人都推介過，例如用邊一個擦膠、邊一個便利貼、邊一盞燈、邊張枱或櫈都可以知道。
韓國學習文化
1. 夜間自由學習
除咗有啲學生可能會去補習之外，韓國仲有一個叫做夜間自由學習嘅時間（야간자율학습），落咗堂之後可以自己溫習到夜晚10點。不過呢一個唔係每一間學校都有，好多時都係學生自動申請。不過可能要喺學習溫書，會俾人覺得係一種半強制性，有啲人覺得喺學校溫書幾唔錯，但有啲人就反對要溫到10點實在太夜。
韓國小編之前都有喺學校溫到好夜，雖然的確好攰，但可以同朋友一齊溫書都係一個回憶，諗返起都覺得係值得。
2. Study Cafe
韓國除咗有一般普通Cafe之外，仲有動物Cafe、漫畫Cafe等，當然唔少得嘅仲有Study Cafe啦！喺學校溫完書之後，如果覺得返屋企唔能夠集中，好多學生都會選擇去Study Cafe度溫書。除咗有私人空間之外，仲有免費Wi-Fi、個人Locker、叉電器等，喺韓國越嚟越受歡迎。
入到去真係好似圖書館一樣咁靜，大家都喺度埋頭苦幹咁溫書。因為想讀好書嘅人越嚟越多，內部裝修變得更加細緻，甚至會提供唔同設施，有啲地方仲可以提供一個傾偈空間，可以同同學或者補習老師一齊討論。
3. 學習聚會
有時比起個人，可能同一大班人一齊溫書會更集中？喺韓國會經常見到有唔少準備考試或者考資格證分group去溫書。而最近喺韓國比較Hit嘅係朝早Study（기상 스터디），一起身就要即溫書。
因為自從疫情冇得返學，多咗留喺屋企，咁樣嘅生活習慣好難令到人會有規律，甚至可能會變得更懶，所以先會一直有呢一種學習聚會，可以督促大家一齊溫書。
朝早Study如果係約咗7:30，大家就要即刻喺嗰個時候開cam一齊溫書，為咗督促對方，如果有人遲到可能仲要交罰款，咁樣就一定可以逼到自己起身。
就算唔係同一個空間，大家都可以對住電腦望到對方，提醒自己要更加俾心機。特別係準考生、考資格證嘅學生，求職者會鍾意用呢一種形式去學習。
4. 導師搜索平台
韓國好興과외（校外補習），多數都係一對一，除咗喺網上一齊溫書之外，有時仲會去Cafe。
過去可能好多都係透過熟人介紹去搵導師，或者係靠傳單睇有冇啱心水。不過而家越嚟越需要呢類導師，韓國都有唔少網站或者app去幫大家配對，如果覺得唔錯就會有更詳細嘅費用，可唔可以幫到學生達到目標等。
以前主要都係補數學或者英文，不過而家都有多樣化提供，樂器、跳舞、剪影片等都可以。
5. 學習內容
喺網上打공부（學習），都可以搵到好多相關資料，例如更集中溫書嘅方法、適合中學生嘅教科書等。甚至有啲人會自己拍溫緊書嘅vlog擺上網，大家睇完都可能會跟住一齊溫，之前YouTuber 노잼봇Nojambot 更加因為咁而一炮而紅。
唔知大家平時有冇自己一套溫書方法呢？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
