Hello，大家好，我哋係由韓國人每日提供最新韓國旅行資訊嘅Creatrip。
話咁快眨吓眼已經冬天，如果你想著得型嘅同時又想保暖，咁今日介紹嘅2022年冬季穿搭，你就要繼續睇落去啦！如果大家有睇啱，有興趣嘅朋友都可以搵我哋代購：）
韓國2022年冬天穿搭指南
1. 長款大褸
冬天又點可以少咗一件長大褸呢？其實佢好保暖，而且仲睇落好高級，如果前幾年可以仲話係流行緊啱啱好到膝頭位置，今年相對就比較流行去到腳踭！
Musinsa
通常入面大家只要襯牛仔褲，簡單冷衫就已經睇落好高級同優雅，同時仲會拉長身高比例，有顯瘦效果。
2. Oversize大褸
Musinsa
覺得買長款怕會拖地，可以買呢款Oversize大褸，入面襯連身裙、冷衫、裙、T-shirt，甚至係運動服都好好睇，今年呢款褸嘅質地多數用棉去做，唔再係以前又硬又厚嘅材質，著上身都會輕好多同舒服。
3. 短版羽絨
由舊年直到今年，短版羽絨外套仍然仲係流行緊， 舊年相對會流行黑色、米色、灰色，今年就係以粉紅色、黃色、紫色等為主，相對會比較鮮色，唔會好似以前咁太單調。
Musinsa
另外，今年嘅短款羽絨仲流行埋側邊兩個袋變大咗， 裝嘢可以多啲，睇落仲有活力咗，中間如果加返條腰帶咁就睇落就更加有女人味。
4. Y2K風格
Musinsa
Y2K風格其實係指1990年代尾至2000年初期流行穿搭，今年再次興起，喺韓國街上經常會見到唔少年輕人咁著。
比起高腰褲，今年更加流行低腰牛仔褲，上面只要襯一件短身上身衫，加幾件飾物，就會睇落好潮。
如果想睇落可愛啲，可以參考著低腰迷你裙，加對靴同外套。
5. 皮褸
皮褸唔好睇落以為好薄，但其實佢都幾保暖，今年除咗基本黑色同白色之外，紅色、啡色、綠色等皮褸一樣受歡迎。
Musinsa
今年唔少人仲會全身都著皮、皮鞋+皮褸、或者皮褸+皮連身裙等。
6. 毛毛單品
今年毛毛單品唔再只係睇外套，就連帽、鞋都好受歡迎。
Daiso
就連Daiso都跟上潮流，出咗一個毛毛袋，價錢只需￦3,000，有齊今年流行顏色，大家又會唔會有興趣買返一個呢？
7. 百褶裙
Musinsa
相信唔少女仔曾經都會有過一條百褶裙，今年再次興起，比起短款，長款都出咗唔少顏色，簡簡單單襯對皮鞋同冷衫已經好睇，冬天可以試吓著灰色或者啡色等深色系列。
8. 燈芯絨褲
Musinsa
大約5年前，寬鬆版型燈芯絨褲都仲係好hit，不過今年版型有少少變化，就係長度變長咗，顏色唔再局限於啡色或者黑色，其他米色，紅色、粉紅色、青色等都好多人著。
褲唔可以太貼身，要鬆身啲先會睇落有長腿。
9. 背心單品
Musinsa
背心冷衫一直以嚟都係流行款，入面只要著件恤衫同長靴就已經好好睇。
Musinsa
除咗冷衫，背心羽絨都好多人著，唔單止有型，仲要都幾保暖。
10. 運動套裝
SPAO
運動服套裝只係一到秋冬好快就會俾人買哂，如果前幾年係流行有線條款，咁今年就係流行基本款。同色系褲同衛衣，入面配返一件簡單白色T-Shirt就可以造出亮點，男女都可以著，今年大熱色係奶油色、綠色、灰色、黑色、灰色。
11. 復古衛衣
WHO.A.U
衛衣都係冬天都係必備嘅單品！韓國最受歡迎嘅設計多數都係正面印有花紋，圖案相當復古。
8. 中長靴
Musinsa
Musinsa
過去短靴比較流行，今年中長靴絕對係大熱！上年如果係流行尖頭款，今年就流行圓頭或方型款！另外長靴款都好受歡迎，鞋底夠厚可以顯得高，就算行成日都唔會覺得痛。
以上介紹嘅都係2022流行款，有興趣給朋友，睇啱都可以搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
