Hello，大家好，我哋係由韓國人每日提供最新韓國旅行資訊嘅Creatrip。
對香港人嚟講，韓國係其中一個可以weekend快閃旅行嘅國家之一，近近地又多地方去，可以暫時逃離壓力大又沉悶嘅日常，充滿電之後再繼續努力讀書/工作！不過時間有限，行程到底要點安排，有咩又一定要做？以下呢幾樣嘢冇做過唔好話嚟過韓國！
呢個weekend用最抵價錢玩轉韓國！
參加抽獎仲有機會額外獲得10萬積分🍀
👇🏻撳下面張圖領取HKD$100優惠券👇🏻
週末快閃韓國推薦行程
人氣餐廳/Cafe
雖然而家香港多咗好多韓國過江龍去開餐廳同Cafe，但係一場嚟到韓國，當然唔可以錯過當地美食！無論係高級韓牛定超多膏嘅醬油蟹都唔可以放過（諗起都流曬口水XD）除此之外，有時間記住去埋韓國靚靚Cafe影相打卡，話俾身邊朋友知你去咗韓國！
[블로그] 2025首爾韓燒/燒肉餐廳總整理
[블로그] 2025首爾必食醬油蟹餐廳總整理
[블로그] 聖水洞&首爾林Cafe總整理
Personal Colour診斷
講起韓國當然唔少得Personal Colour！大家可以透過搵出同膚色最夾嘅顏色，改變自己衣著、化妝品、髮色等等去令成個人睇落更加亮麗動人。
而家韓國多咗好多Personal Colour中心都會提供專業翻譯服務，甚至連廣東話都有，weekend快閃韓國嘅時候抽少少時間去做，一齊偷偷變靚啦！
首爾Personal Colour中心咁多去邊度好？👇🏻
[블로그] 韓國Personal Colour中心總整理
韓式妝髮體驗+形象照拍攝
每次睇韓國節目同雜誌相都覺得妝好靚？其實大家都可以去體驗！韓國美妝一直走在時尚尖端，大家可以去明星御用妝髮Studio體驗星級服務，唔單止可以體驗到最新韓國流行妝容，仲可以喺過程中偷師，自己返香港都可以跟住化！
難得快閃韓國，仲要化好妝set好頭，就梗係要去影相留低最靚一面！好多韓國年輕人都會專登book去影形象照，真係每一間攝影Studio嘅風格都唔同，建議大家可以去佢哋嘅IG睇更多參考圖片，揀自己最鍾意嘅風格去影。
韓國人氣形象照Studio👇🏻
[블로그] 韓國形象照/自助拍攝/專業室內&戶外拍攝總整理
行街&去Pop-up Store
雖然喺香港都可以買到唔少韓國牌子，但係喺韓國通常可以搵到最齊嘅款式，而且價錢仲會平過香港唔少！如果想一次過買曬最近最hit嘅時裝同化妝品，推薦大家去聖水洞、漢南洞、弘大同明洞，大部分品牌都會喺呢幾個地方開分店。
而家喺貼有Tax Free或Tax Refund嘅鋪頭消費超過₩15,000就可以做退稅，Olive Young同大部分遊客會去嘅店鋪通常都得，記住向店員出示護照申請退稅啦！
另外，韓國近幾年pop-up store文化盛行，特別係聖水洞同弘大都會有唔少品牌、偶像或者節目會搞快閃店，唔單止可以買到最新產品，仲可以參加各種活動領取免費試用裝，有啲仲會提供埋免費化妝/個人色彩診斷服務，有時間記住去玩吓！
你可能會有興趣👇🏻
[블로그] 2025首爾聖水洞購物攻略
[블로그] 2025弘大購物攻略
[블로그] 韓國Pop-up Store攻略
汗蒸幕/SPA
一場嚟到韓國旅行，梗係要體驗正宗韓國文化啦！大家可以好似“以前嘅”韓劇主角咁去汗蒸幕，整羊咩咩頭之後一邊焗桑拿，一邊飲甜米露食雞蛋，享受悠閒時光。
而且如果安排weekend快閃旅行，通常都會搭凌晨機來回，如果因為未可以check in/飛機太夜而需要搵地方休息，都可以選擇去汗蒸幕（有地方可以瞓低休息）！
韓國精選汗蒸幕👇🏻
[블로그] 韓國汗蒸幕總整理
如果大家想享受個人時光，唔想大庭廣眾捽老泥同浸浴，推薦去體驗最近流行嘅1人SPA/搓澡。裝修夠靚之餘感覺就好似去咗Spa一樣咁舒服，唔單止係美容護理，仲係一種放鬆自己、獎勵自己嘅享受，絕對值得一試！
小編推薦1人SPA/搓澡專門店👇🏻
[블로그] 首爾1人SPA/搓澡專門店總整理
皮膚護理/醫美療程
韓國醫學美容有幾出名相信唔需要小編多講，最重要係韓國醫美經驗豐富、技術完善，但價錢方面大部分都平過香港，CP值夠高！如果大家平時有做開嘅treatment，不妨可以趁去韓國玩嘅時候做埋。
如果大家以前未做過醫美療程但係一直想試，建議去會提供1:1專業諮詢服務嘅非流水線型診所，做詳細皮膚診斷之後再睇吓邊款療程啱你。
牙齒美容
香港睇牙醫真心貴，無論係簡單洗牙定做牙齒美白、陶瓷牙齒貼片都好，韓國技術同臨床經驗都比較豐富，所以相對價錢都會更加平，分分鐘計埋機票錢都仲抵過香港做，所以而家越嚟越多香港朋友會飛韓國做牙齒美容療程！
當中最受歡迎嘅當然係牙齒美白/漂牙療程，唔單止因為效果夠顯著，而且通常1~2個鐘內就可以搞掂，唔會因為佔太多時間而影響到行程！
首爾精選牙科診所👇🏻
[블로그] 韓國牙科診所推薦&價錢
⭐️喺香港都可以率先體驗⭐️
韓國觀光公社今年將會喺香港舉辦「2025 KOREA TRAVEL CARNIVAL」，等大家飛韓國玩之前都可以率先體驗韓國文化同魅力。
「2025 KOREA TRAVEL CARNIVAL」資訊
- 日期：2025.09.13-09.14
- 時間：12:00-21:00
- 地點：觀塘apm中庭
- 主要活動：
- 韓國文化表演 - 邀請深受港人歡迎嘅歌手進行K-POP同音樂劇表演、由專業人士進行演講等
- 韓國文化&觀光體驗 - 提供化妝體驗、跑步及冬季主題遊戲、遊韓諮詢等各種體驗活動
- 遊韓優惠活動 - 已於網上Roadshow預約相關韓國旅遊產品之人士可參加抽獎活動，贏取獎賞
除咗可以去Beauty Zone體驗頭先提及到嘅韓式化妝、Personal Colour之外，現場仲會有各種主題攤位，提供同韓國旅行相關嘅資訊同活動俾大家玩。如果大家未嚟過韓國旅行，或者plan住今年冬天會飛韓國玩，都可以去現場同工作人員進行諮詢，仲可以透過玩遊戲體驗韓國冬天旅行樂趣！
鍾意韓國文化嘅朋友們更加唔可以錯過活動當日嘅K-POP同人氣音樂劇表演，韓國觀光公社仲邀請到專業人士進行演講，務求加深大家對韓國嘅認識，希望更多朋友下次飛韓國都可以玩到最盡！
同埋記住唔好錯過韓國觀光公社官網上舉辦嘅「2025 KOREA TRAVEL CARNIVAL」網上Roadshow，可以預約到超多韓國旅遊行程之外，仲有限時機票住宿優惠活動，大家可以去官網瞭解更多資訊。
🔖Creatrip會員專屬限時優惠🔖
今次Creatrip同韓國觀光公社將會攜手合作，為睇緊呢篇文章嘅你提供超抵優惠！活動由即日起去到10月15號，如果最近計劃會飛韓國玩返轉就記住唔好錯過啦！
✨限量派發優惠券(價值HKD$100)
由即日起至10月15號，我哋將會派發600張價值HKD$100嘅優惠券，大家可以喺預約指定店鋪嘅時候用，即刻幫你扣走HKD$100！
超過150個韓式妝髮體驗、30個Personal Colour診斷、50個醫美體驗，仲有超多美甲、牙科、形象照拍攝、SPA、DIY體驗等等都可以用，無論係weekend快閃韓國，定會嚟玩返段長時間都可以慳返筆錢！
✨幸運抽獎活動
只要領取同使用上述優惠券，就會自動參加幸運抽獎活動，我哋會從中抽出10位幸運兒，再加碼送價值₩100,000（約100000）嘅Creatrip積分，之後預約其他體驗都用得！
※更多詳情請參考活動頁面
最近有計劃快閃韓國，喺韓國玩返兩三日嘅話，記住唔好錯過上面介紹過嘅活動，一齊玩盡韓國啦！
呢個weekend用最抵價錢玩轉韓國！
參加抽獎仲有機會額外獲得10萬積分🍀
👇🏻撳下面張圖領取HKD$100優惠券👇🏻
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
