Hello，大家好，我哋係由韓國人每日提供最新韓國旅行資訊嘅Creatrip。
大家知唔知其實好多韓星嘅潔白整齊牙齒同咁charm嘅笑容都有一個小秘密？除咗箍牙，唔少韓星都會去做所謂嘅「陶瓷牙齒貼片/瓷牙貼片」。而家韓國嘅瓷牙貼片技術發展迅速，甚至唔需要磨走真牙！到底瓷牙貼片原理係點，有邊啲韓國明星做過瓷牙貼片，佢哋又係喺邊度整㗎呢？
對其他韓國牙科療程有興趣？
[블로그] 韓國漂牙/牙齒美白方法大解析
[블로그] 韓國洗牙療程介紹/價錢/推薦診所
[블로그] 韓國最受歡迎牙科療程/推薦診所
韓國瓷牙貼片介紹/明星範例
瓷牙貼片原理
瓷牙貼片呢個概念可能大家比較陌生，大家可以想像成貼假指甲咁！最基本嘅瓷牙貼片安裝程序係會先輕微修整同打磨牙齒表面，然後用黏合劑貼上一片超薄陶瓷片。而呢啲陶瓷片就好似原本牙齒嘅琺瑯質咁，自然又有透明度。
而家韓國仲有一種技術叫做「零磨牙陶瓷牙齒貼片」。傳統瓷牙貼片比較厚，同時需要削除部分牙齒先可以安裝到，如果做得唔夠自然，可能會睇落好似戴咗假牙咁。所以最近韓國就新興做「零磨牙陶瓷牙齒貼片」，務求唔需要削走太多牙齒表面，同時貼片更加薄，效果更自然。
💡瓷牙貼片同全牙冠有咩唔同？
瓷牙貼片 | 全牙冠 | |
| 療程範圍 | 前排牙齒 | 所有牙齒（包括大臼齒） |
| 療程方式 | 將陶瓷薄片 貼於牙齒表面 | 完全覆蓋牙齒 |
| 材料性質 | 陶瓷、樹脂、 硅、聚合物等 | 陶瓷、金屬、樹脂 |
| 牙齒損耗 | 較少 | 較多 |
| 價錢成本 | 較便宜 | 較昂貴 |
| 療程效果 | 美觀 | 恢復牙齒形狀及功能 |
| 推薦人士 | 牙齒輕微變色、形狀唔美觀、有細小缺口或者輕微排列問題 | 牙齒嚴重損壞、蛀牙、裂痕、做過根管治療、需要加強牙齒強度 |
韓國瓷牙貼片療程程序
韓國瓷牙貼片療程通常分成3個步驟：
1. 諮詢、設計貼片形狀及修整牙齒
首先會先同牙醫詳細諮詢同商討你想整咩形狀同顏色嘅瓷牙貼片，再根據你嘅臉型同嘴型設計。決定好之後就會幫你修整牙齒，傳統瓷牙貼片可能需要磨0.5-1mm，而「零磨牙陶瓷牙齒貼片」最多都只係會磨走0.1~0.2mm，為貼片預留空間。
呢個過程基本上唔會痛，修整完之後就會幫你印牙模或者用掃描器量度牙齒形狀。
2. 製作瓷牙貼片
專業技工就會根據頭先所整嘅牙模製作專屬於你嘅瓷牙貼片，通常需時1-2日，期間會幫你裝上臨時牙套，唔會影響到你嘅日常生活。
不過對一寸光陰一寸金嘅遊客嚟講，時間真係好寶貴，接住落嚟推薦嘅韓國牙科診所因為都有自家工廠，所以都可以加錢進行即日諮詢、製作同黏貼等所有過程嘅服務！
3. 黏貼瓷牙貼片
最後牙醫會用專用黏合劑將超薄瓷牙貼片貼上牙齒，貼好之後會再檢查形狀同咬合，再修整一下就完成！
韓國瓷牙貼片牙科診所推薦
MINISH牙科(미니쉬치과병원)
- 地址：서울 강남구 언주로 728
✨Creatrip獨家優惠✨ 30萬韓幣回贈+送17萬Creatrip積分！ |
江南「MINISH牙科」醫療團隊由超過130位專業人士組成，至今累積超過16萬人進行療程，好多韓星都係呢度嘅客人。
攞埋專利嘅「MINISH瓷牙貼片技術」可以保留自然牙齒，再用埋CAD/CAM儀器3D數碼口腔掃描技術，諮詢時可以更精準咁確認牙齒狀態。另外好似頭先所講，貼片製作工廠設於「MINISH牙科」診所入面，唔需要外判，當日就可以完成。
MINISH瓷牙貼片技術
牙齒損耗：MINISH (0.1~0.2mm) < 陶瓷貼片 (0.5~0.7mm) < 人造牙冠(1.5~2mm)
MINISH技術 | 傳統陶瓷貼片 | |
| 療程範圍 | 所有牙齒（包括大臼齒） | 前排牙齒 |
| 貼片材料 | 德國VITA獨家生產陶瓷塊 | 二氧化鋯（Zirconia）、二矽酸鋰（e.max）等 |
| 材料性質 | 貼近自然牙齒 | 普通陶瓷 |
| 堅硬程度 | 與自然牙齒相似 與其他牙齒碰撞時影響較少 | 貼片較硬 與其他牙齒碰撞時可能造成損毀 |
| 製作時間 | 1日 | 1-3日 |
| 牙齒損耗 | 0.1~0.2mm | 0.5~0.7mm |
| 保固期限 | 最長10年以上 | 通常最長2-3年 |
因為MINISH瓷牙貼片得0.1mm，所以貼上牙之後完全唔會影響到進食同日常生活，而且連大臼齒都可以做，令成個笑容更自然協調。
咬合方面都唔會有問題，自然牙齒亦都基本上唔會有磨損，最長更加有十年保養，安心又有保障。
大家可以比較BEFORE同AFTER，效果自然得嚟可以解決牙齒形狀不一、歪斜同牙黃問題，唔講其實未必會察覺到做咗瓷牙貼片。
MINISH牙科價錢
PREMIUM 保固10年 16年經驗代表院長親自進行 | ₩3,500,000/隻 (3500000/隻) |
PERFECT 保固7年 | ₩1,700,000/隻 (1700000/隻) |
BASIC 保固5年 | ₩1,400,000/隻 (1400000/隻) |
SIMPLE 保固3年 | ₩1,100,000/隻 (1100000/隻) |
坦白講MINISH瓷牙貼片其實價錢真係唔平，但係同香港瓷牙貼片技術比較，MINISH嘅特點係可以保留大部分自然牙齒！如果對牙齒形狀不滿意，或者想笑得更自信，建議可以做SIMPLE或者BASIC系列，最平嘅保固期都有3年，正常進食都唔會造成損耗。
光顧韓星
一行入MINISH牙科，就會見到有一面牆貼滿喺度做過牙齒療程嘅韓國明星相。BLACKPINK、NewJeans、LE SSERAFIM、SEVENTEEN、IU、南柱赫、權志龍、柳俊烈、朴炯植等韓星都有喺江南「MINISH牙科」做過瓷牙貼片等牙齒美容療程，每位笑容都非常燦爛！
更多牙齒療程價錢&預約資訊👇🏻
[스팟] MINISH牙科（江南）
TU牙科(티유치과)
- 地址：서울 서초구 서초대로77길 54 12F
✨Creatrip獨家優惠✨ 預約TU牙科之香港客戶，均可享用箍牙優惠價， 而且唔會加收任何額外費用 |
江南「TU牙科」係韓國第一間得到由全球34個國家、130位牙齒美容專家組成嘅Oral Design官方認證嘅牙科診所，提供最先進精準嘅牙科美容服務。開業至今已經進行超過63,000次ZERONATE手術，以特殊方式製作陶瓷貼片，唔需要削除牙齒，達到最自然效果！而且對遊客嚟講最重要嘅翻譯服務都有提供，唔識講韓文都唔需要擔心。
ZERONATE瓷牙貼片技術
ZERONATE | 普通陶瓷貼片 | |
牙齒損耗 | 0.3~0.4mm 運用3D數碼掃描將損耗減至最低 | 0.5~0.7mm |
美觀程度 | 貼片薄至0.01mm 效果自然 | 0.3~0.5mm 較明顯 |
製作方式 | 使用Platinum Foli Technique，100%純手工製作 | 聘請加工公司製作 |
適用情況 | 改變牙齒顏色、形狀、大小 | 改變牙齒顏色、填補牙齒間空隙、輕微改善牙齒不齊問題 |
ZERONATE瓷牙貼片薄度只有0.01mm，可以同牙齒完美貼合，幾乎冇感覺但就可以打造潔白整齊嘅牙齒。用HASS、Straumann等頂級品牌嘅陶瓷材料，由自家牙科技師Marth Lab百分百手工製作，牙齒幾乎唔洗磨，就算有磨都唔會傷到神經同牙齒本身，啱晒想最大程度保留真牙嘅客人。
當然有人可能會問0.01mm咁薄會唔會易爛？其實完全唔洗擔心！透過TU牙科獨家技術，ZERONATE瓷牙貼片同牙齒琺瑯質會產生化學結合，唔容易斷或者甩，耐用度好高，手術前後基本上都唔會痛！
ZERONATE瓷牙貼片價錢
ZERONATE | |
ZERONATE BASIC 基本療程 保固期1年 | ₩890,000/隻 (890000/隻) |
ZERONATE WHITE 高級療程 保固期5年 | ₩1,290,000/隻 (1290000/隻) |
ZERONATE BLACK 由所長親自製作貼片 保固期10年 | ₩1,690,000/隻 (1690000/隻) |
MARTH美齒貼片 (代表院長親自進行手術) | |
Marth Film 基本療程 保固期15年 | USD$2,000/隻 |
Marth Film White 最亮白貼片 保固期20年 | USD$3,500/隻 |
Marth Film Black 由所長及製作所長保證之高級客製化服務 保固期30年 | USD$5,000/隻 |
※如希望於當日進行手術，將加收20%費用
✨香港顧客專用優惠✨ 箍牙/牙齒矯正 | |
Clippy-C自鎖式牙箍 無需使用傳統牙套常用之橡皮圈或鋼線， 美觀度高之餘較少出現刮傷或食物殘渣殘留， 就診時痛楚較輕微 | ₩6,000,000 (6000000) |
Invisalign隱適美透明牙套 量身訂製透明牙套，可自由戴除， 方便用餐及刷牙，不影響日常生活 | ₩9,000,000 (9000000) |
※上述費用為香港顧客專用，包括拔除牙齒、牙套/牙箍等所有選項，無任何額外費用
同頭先介紹嘅MINISH相似，ZERONATE瓷牙貼片價錢真係唔算平，但係前後對比夠明顯，而且可以幾乎完全保留自然牙齒，非常吸引！
光顧韓星
魏嘏雋、陸星材、燦盛、黃旼炫、鄭多彬、旗安84、Rain、崔宇植、邕聖祐、DEX、藝聲等韓國歌手同明星，甚至係韓國當紅嘅YouTuber都係喺都在TU牙科做瓷牙貼片同美白療程。
更多牙齒療程價錢&預約資訊👇🏻
[스팟] TU牙科（江南）
韓國瓷牙貼片常見問題&迷思
Q1. 咩人啱做瓷牙貼片？
A：推薦牙齒顏色偏黃或者有永久性牙齒變色問題、門牙之間有罅隙，或者牙齒邊緣崩咗/形狀唔整齊、唔想箍牙但想短時間內令牙齒變得整齊同潔白嘅朋友們去做！
Q2. 傳統瓷牙貼片、ZERONATE同MINISH有咩分別？
A：全部都係喺牙齒表面貼一塊薄陶瓷片，但傳統瓷牙貼片相對上比較厚，而且需要磨走嘅牙齒會比較多。而ZERONATE同MINISH屬於「零磨牙陶瓷牙齒貼片」，幾乎唔需要削走牙齒，分別在於「牙齒修削量」同「貼片材料」。
Q3. 做瓷牙貼片係唔係要磨走好多本身嘅牙？
A：承上，傳統瓷牙貼片會磨多啲牙，但而家好多牙科都主打零磨牙/將磨牙步驟減到最少。ZERONATE同MINISH就算要磨牙，基本上只會磨0.1~0.2mm，幫你最大程度保留真牙。BTW磨太多牙會令牙齒變得敏感脆弱，甚至有神經損傷風險，所以如非必要，建議儘量揀零磨牙療程。
Q4. 做完會唔會牙齒敏感？
A：有機會短暫敏感，因為磨牙後牙齒內部會暴露，不過通常幾日後症狀就會舒緩，如果冇好轉就記住一定要去搵牙醫協助啦。
Q5. 瓷牙貼片通常可以用幾耐？
A：視乎你進食同保養方式，通常可以用到7~10年，冇爛冇崩或者冇變色就可以用更耐！建議去提供保固服務嘅牙科診所做瓷牙貼片，有咩問題都可以返診所解決。
Q6. 如果瓷牙貼片爛咗或甩咗點算？
A：記住即刻去牙科診所重貼或換新貼片，唔好自己格硬拆。
Q7. 可唔可以用瓷牙貼片代替箍牙？
A：如果牙齒少少唔齊或局部需要改善，可以用瓷牙貼片代替，不過如果牙齒太亂或有咬合等問題，建議照常箍牙。
Q8. 做完瓷牙貼片有咩要注意？
A：避免食太硬或太韌嘅嘢，唔好咬手指、筆等，更加要保持正確刷牙習慣，定期檢查。
Q9. 做完牙齒會唔會變色？
A：陶瓷材料基本唔會因咖啡、紅酒、咖喱等變色，但黏合劑位置有機會變色，要定期進行護理。
Q10. 之後想拆走瓷牙貼片得唔得？
A：可以，但如果之前磨咗好多牙，可能要再貼返或做其他牙齒修復治療。
韓國人氣瓷牙貼片牙科診所🦷
[스팟] MINISH牙科（江南）
[스팟] TU牙科（江南）
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
