Hello，大家好，我哋係由韓國人每日提供最新韓國旅行資訊嘅Creatrip。
近年越嚟越多人都會定期去做皮膚護理，但大家知唔知其實頭皮老化速度係皮膚嘅六倍！而且因為頭皮同臉部皮膚係連住嘅，所以如果頭皮唔健康，都有機會導致臉部皮膚鬆弛。所以而家喺韓國有好多做頭皮護理嘅專門店同髮型屋，今日就等小編介紹幾間最推薦嘅Salon俾大家啦！
韓國頭皮SPA體驗推薦
弘大 | modenri(모덴리)
弘大「modenri」所有療程師都係頭皮護理專家，會以最先進儀器同技術進行頭皮清潔及重點修護，解決各種頭皮問題。無論係有脫髮問題，定想預防頭皮老化都可以去，而且弘大入口站行5分鐘就到，交通夠方便！
[스팟] modenri（弘大）| 頭皮護理
弘大 | SOONSIKI HAIR(순시키헤어)
「SOONSIKI HAIR」韓屋店連明星都會去，除咗可以剪頭髮之外，更加另外設有以「療癒」為主題嘅頭皮Spa空間，只此一家嘅頂級放鬆護理，千祈唔好錯過！
[스팟] SOONSIKI HAIR（韓屋店）
聖水 | Y.O.U Hair Salon(와이오유 성수)
Y.O.U Hair Salon距離聖水站6號出口行路只需3分鐘，環境夠舒服。而招牌頭皮SPA可以修護髮質之餘，仲可以舒緩頭皮，療癒身心靈！
[스팟] [限時優惠🎉] Y.O.U Hair Salon（聖水店）
明洞/新村/龍山 | LEEKAJA HAIR(이가자헤어)
做頭皮護理療程嘅時候會先幫大家去角質同排走老廢物質，用暖水沖走頭皮唔單止可以洗得更匀循，同時仲可以促進血液循環，超舒服！
[스팟] LEEKAJA HAIR（明洞）
[스팟] LEEKAJA HAIR（新村EMART店）
[스팟] LEEKAJA HAIRBIS（龍山I'PARK Mall店）
明洞/新村/往十里 | HAIR THE BEAU(헤어더뷰)
HAIR THE BEAU唔單止係一間髮型屋，更加提供多個階段嘅頭皮護理療程，幫大家進行頭皮狀態診斷之後去除角質同老廢物質、敷髮膜同搽舒緩精華等等，非常仔細，大家可以嚟享受放鬆又療癒嘅時光。
[스팟] HAIR THE BEAU（明洞店）
[스팟] HAIR THE BEAU（新村店）
[스팟] HAIR THE BEAU（往十里站店）
明洞 | GREEN頭皮活髮中心(그린 탈모두피센터)
明洞「GREEN頭皮活髮中心」創辦以來有超過40萬位客人光顧，旗下更加有創立頭皮研究所，持續研究最新技術。療程前會詳細診斷同分析每位客人嘅頭皮狀況，亦都有超多款頭皮專用產品，有助解決頭皮同脫髮問題，提供客製化服務！
[스팟] GREEN頭皮活髮中心（明洞店）
鐘路 | Wellkin頭皮活髮中心(웰킨두피탈모센터)
如果大家年紀輕輕就已經有脫髮問題，或者覺得自己最近甩頭髮甩得幾嚴重，下次嚟韓國可以去做頭皮分析，再做脈活髮治療同頭皮SPA，從根本解決問題！
[스팟] Wellkin頭皮活髮中心（鐘路店）
江南/建大 | MOCLOCK(모클락)
TOMORROW X TOGETHER嘅Huening Kai同好多海外人氣KOL都有嚟過呢間頭皮SPA專門店！MOCLOCK出名洗頭按摩夠舒服，推薦有脂漏性皮膚炎煩惱嘅朋友們去做頭皮護理！透過Creatrip預約，仲可以免費享用可以免費體驗專門頭皮檢測（原價 ₩30,000），記住唔好錯過啦！
[스팟] MOCLOCK（江南總店）| 韓國專業頭皮護理
[스팟] MOCLOCK（建大店）| 韓國專業頭皮護理
明洞 | JUNO HAIR(준오헤어)
韓國大型連鎖髮型屋「JUNO HAIR」其實都有提供高級頭皮護理療程！「JUNO HAIR」明洞街店有針對油性頭皮、脂漏性頭皮、敏感頭皮同孕婦/小朋友專用嘅四款護理可以揀。平時真係好少見小朋友都做得嘅頭皮Spa，夏天不妨可以帶埋小朋友去體驗！
[스팟] JUNO HAIR（明洞街店）
狎鷗亭羅德奧/首爾林 | texture(텍스처)
「texture」係一間染髮同頭髮護理專門店，1年內進行超過4,000次染髮同3,000次頭髮護理療程，而且會用到Kérastase、Shiseido等高級美髮產品，效果有保證！就算染頭髮都會以保護客人秀髮為前提，致力達至最佳效果同時將頭髮損傷減到最低！
[스팟] texture（狎鷗亭羅德奧店）
[스팟] texture（首爾林店）
江南 | SCATTER LOUNGE(스카터라운지)
[스팟] SCATTER LOUNGE（江南）
江南 | TINYBEAUTY(타이니뷰티)
「TINYBEAUTY」嘅所有療程師都持有頭皮治療執照，而且療程中用到嘅產品係純素產品，敏感肌膚同頭皮都可以放心！做完之後可以幫頭皮同皮膚抗衰老，仲有深層頭皮診斷，瞭解客人頭皮狀況，提供客製化頭皮護理療程！
江南 | PARKJUN BEAUTY LAB(박준뷰티랩)
提供高級頭皮護理體驗，更加有專業機器可以幫你分析頭皮狀況，同時幫你照顧頭皮同頭髮需要！頭皮護理療程更加會運用國際認可嘅YUME HEADBATH機器，暖暖地同時可以沖走老廢角質，舒服得嚟效果有保證！
[스팟] PARKJUN BEAUTY LAB（清潭站店）
龍山 | RECOVERIA(리커버리아)
「RECOVERIA」嘅頭皮SPA專為頭皮同頭髮健康設計，透過頭皮按摩同護髮療程，幫你舒緩壓力、促進血液循環，預防脫髮同保持頭皮健康！療程會根據客人狀態度身訂造，運用含有天然草本、香薰、幹細胞培養液嘅高效產品，幫助頭皮補充營養，放鬆肩頸。
[스팟] RECOVERIA（龍山二村站總店）
以上係小編幫大家整理出嘅韓國頭皮SPA推薦髮型屋名單，大家可以按照需求同行程去安排，由根本改善髮質，先可以打造到一把靚頭髮！重點係韓國比較平，大家可以趁嚟旅行嘅時候一次過做埋！
想預約其他美髮體驗？
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
