Hello，大家好，我哋係由韓國人每日提供最新韓國旅行資訊嘅Creatrip。
好多人都會問小編：韓國到底幾時秋天？根據廿四節氣，夏天其實喺8月頭嘅「立秋」就應該要完，不過以實際溫度嚟睇，大概要去到9月頭先係秋天！韓國秋天溫度大概會係幾多度，日夜溫差會唔會好大？今日就等小編一次過話埋你知要點帶衫啦！
9月推薦體驗/活動
🛍️韓國超市/百貨公司休息日
🥩必食韓牛餐廳推薦
🇰🇷景福宮精選韓服租借
🦷超抵韓國牙科療程
韓國各月份天氣&穿搭小貼士💡
韓國9月天氣&穿搭小貼士
韓國9月天氣🔆
연합뉴스
韓國9月天氣可以分成上半月同下半月咁睇：
9月頭/中天氣同夏天差唔多，日頭都係會曬同熱，不過唔會好似7、8月咁焗，而且由8月尾開始朝早夜晚都會相對地冇咁熱，會舒服好多！而9月尾開始夜晚可能就會有少少涼，不過唔會去到凍。
우리은행
對應返9月23號嘅「秋分」，隨住接近10月，氣溫會陸續下降，正式進入秋天！
首爾9月最高/最低溫度🌡️
- 最高溫度：20°C~35°C
- 最低溫度：8°C~25°C
2024年9月首爾溫度（weatherspark）
睇返上年9月溫度，大家可以見到9月尾氣溫會一直跌，而且日夜溫差會變得好大。不過根據小編經驗，雖然數字睇落好似好凍咁，不過因為唔會好似香港咁潮濕，所以體感上係乾燥而涼爽嘅舒適天氣，所以好多人都會覺得秋天係最啱嚟韓國玩嘅季節！
釜山9月最高/最低溫度🌡️
- 最高溫度：27°C~38°C
- 最低溫度：7°C~22°C
2024年09月釜山溫度（weatherspark）
因為釜山位於韓國南部，所以入秋時間比起首爾會遲少少，不過整體溫度走勢都差唔多，上旬開始慢慢降溫，然後到9月尾~10月頭秋天正式開始。雖然日頭都仲係會熱，但係因為釜山沿海，所以夜晚溫度會啱啱好！
야놀자
咁釜山幾時先會真正變凍？釜山其實去到10月底都仲係好似秋天咁，如果大家有計劃想去釜山旅行，建議plan喺9~11月！
韓國9月穿搭/著衫小貼士🧥
上旬穿搭
무신사
因為9月頭至9月中都仲係夏天天氣，所以穿搭方面都可以繼續著舒服透氣嘅短袖。不過太陽落山之後可能會有少少涼，有機會跌到10幾度，日夜溫差大，記住帶件薄薄地嘅恤衫/外套唔好攝親啦！
下旬穿搭
무신사
渠道9月尾/10月頭，天氣會變得更加涼爽同舒服，唔會話好凍，短袖加薄外套或風褸一定夠！
코디북
不過如果你本身比較怕凍，建議可以帶定一兩件薄長袖衫（記住唔好著太厚，9月底啱啱入秋仲係會熱！）
準備入秋...!
韓國9月係轉季嘅月份，唔少秋天慶典都會喺9月開始，不過可以同大家講定先，9月一定唔會有紅葉同銀杏睇XD
咁大家可能會覺得，咁9月到底有咩好玩？小編個人覺得因為9月天氣真係好舒服，所以淨係喺街上行都超療癒，而且著韓服都會好舒服！推薦大家入冬之前去漢江公園散步同野餐，感受最舒服嘅初秋天氣！
韓國9月推薦活動✨
首爾汝矣島世界煙火節
- 日期：2025年9月27日
汝矣島煙火節今年提前至9月尾舉辦，有興趣嘅朋友們記住把握機會去睇啦！另外，釜山嘅國際煙火節就已經確實會喺11月15號舉辦，計劃年尾飛韓國嘅朋友可以提前買定飛坐靚位欣賞超震撼煙花匯演！
[스팟] 2025釜山國際煙火節門票（S席座位）
景福宮夜間特別開放
- 日期：2025年9月3日至9月28日
- 時間：19:00-21:00
- 備註：逢星期一、二無夜間開放
景福宮每到秋天都會進行夜間特別開放，大家只要著韓服就可以免費入場（唔洗同人搶飛！）。而且仲有古宮文化慶典，每個體驗活動喺韓國一開賣就會即刻賣曬，大家可以透過我哋網站買外國遊客專用門票，體驗特色韓國行程！
[블로그] 2025景福宮夜間特別開放
[블로그] 2025首爾韓服總整理
飛韓國之前你仲需要...💡
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
