景福宮韓服拍攝推薦

Hello，大家好，我哋係由韓國人每日提供最新韓國旅行資訊嘅Creatrip。

難得租咗套韓服，當然要影返一堆靚相留念啦！小編經常收到唔少留言問有冇推薦嘅攝影師可以幫手影返輯獨一無二嘅韓服相做紀念，今日小編幫大家整理咗景福宮附近嘅韓服拍攝推介，大家可以睇下邊間最啱自己風格，同家人、朋友、另一半留低美好回憶啦！

首爾韓服租借推薦

[블로그] 2025首爾韓服總整理

景福宮韓服拍攝推薦

日月韓服_{(해와달한복)}

• 地址：서울 종로구 사직로 127-14 3F
• 營業時間：星期一、三至日 08:30-18:30
• 前往方法：景福宮站（경복궁역）4號出口行3分鐘

顧客實際拍攝成果

日月韓服位於景福宮站附近，呢間規模算大嘅韓服鋪有提供連埋室外拍攝服務嘅套餐，價錢仲可以化妝Set頭，重點係攝影師識中文，影相時仲會教你點影自然又靚嘅相。提前預約定會平啲㗎！

[스팟] 日月韓服（韓服租借+戶外拍攝）

今純堂_(금준당)

• 地址：서울 종로구 북촌로5가길 33 2F 201호
• 營業時間：08:00至21:00
• 前往方法：安國站（안국역）2號出口行10分鐘

小編實際室外拍攝成果

小編實際韓屋拍攝成果

今純堂韓服同其他韓服店最大分別就係，呢度提供嘅韓服都係古裝劇入面見到嘅正宗韓服，所有細節都勁做到好仔細，著起嚟雖然繁複，但係真心靚！除咗可以去景福宮等等嘅地方拍攝，仲可以揀喺韓屋室內Studio影相，韓服加埋古色古香嘅韓屋氛圍，影出嚟效果所有人都會滿意！

[스팟] 今純堂（韓服室外拍攝）

[스팟] 今純堂（韓服韓屋外拍）

Ari韓服_{(아리한복)}

• 地址：서울 종로구 자하문로 20 3F
• 營業時間：星期一、三至日10:00至20:00
• 前往方法：景福宮站（경복궁역）3號出口行5分鐘

顧客實際拍攝成果

Ari韓服都有提供專業韓服拍攝服務，小編特別鍾意Ari韓服嘅招牌漸變色韓服，而且因為呢度韓服顔色比較柔和，配埋景福宮背景，影相出嚟會好夢幻！

[스팟] Ari韓服（韓服租借&戶外拍攝）

大韓韓服_{(대한한복)}

• 地址：서울 종로구 사직로 133-2 2F
• 營業時間：星期一、三至日 09:00-19:00
• 前往方法：景福宮站（경복궁역）4號出口步行3分鐘

大韓韓服位於景福宮站4號出口隔離，因為呢度室外拍攝1至4人影相都係同一個價錢，所以如果係一大班人或者一家人嚟嘅話推薦揀大韓韓服！雖然價錢唔包租韓服，但係只要俾₩20,000就可以加購埋韓服及頭髮造型服務，所有款式都可以揀，仲平過另外租！

[스팟] 大韓韓服 | 拍攝服務

韓瞬間_(한순간)

• 地點：景福宮、昌德宮、北村韓屋村
• 營業時間：10:00-17:00

韓瞬間有提供景福宮、昌德宮同北村韓屋村嘅專業拍攝服務，攝影師經驗豐富，重點係識講普通話甚至係廣東話，溝通夠方便！而且攝影師都會好nice咁教你擺表情同姿勢，影出嚟夠自然又靚，之後就會幫你調色，令成品更加唯美！推薦大家可以連埋韓服一起租更方便！

[스팟] 韓瞬間（韓服室外拍攝）

[스팟] 韓瞬間（北村韓屋村拍攝）

[스팟] YES韓服 + 韓瞬間韓服室外拍攝優惠套裝

[스팟] In Korea韓服 + 韓瞬間韓服室外拍攝優惠套裝

[스팟] 藝仁房 + 韓瞬間韓服室外拍攝優惠套裝

北村照相館_{(북촌사진관)}

• 地址：서울 종로구 윤보선길 65 B1F
• 營業時間：
  • 星期一至五 11:00-20:00
  • 星期六及日 10:00-20:00
• 前往方法：安國站（안국역）1號出口行7分鐘

顧客實際拍攝成果

北村照相館係景福宮附近好受韓國人推介嘅Studio，Naver評分超高，小編自己都去過，影出嚟效果真係最滿意，而且CP值都好高。而且因為1-3人價錢都一樣，所以如果係會同姐妹、家人或者另一半去，小編推薦大家可以考慮嚟北村照相館！如果想喺室內影，呢度都有提供自助拍攝Studio，可以更加自在咁影低靚靚一面！

[스팟] 北村照相館 | 韓國宮殿/韓屋村戶外拍攝

[스팟] 北村照相館 | 自助/專業室內拍攝

Eruda Studio_{(이루다 스튜디오)}

• 地址：서울 종로구 효자로 5 3F
• 營業時間：10:00-19:00
• 前往方法：景福宮站（경복궁역）4號出口步行2分鐘

Eruda Studio係一間韓服拍攝專門店，無論係個人照、友情照定情侶照都影得好靚，用嚟留念一流！喺Creatrip網頁預約韓服+拍攝服務優惠套裝，仲可以直接喺韓服鋪同攝影師一齊出發，唔需要另外搵路去Studio！

[스팟] Eruda Studio（景福宮）

[스팟] YES韓服 + Eruda Studio韓服拍攝優惠套裝

[스팟] In Korea韓服 + Eruda Studio韓服拍攝優惠套裝

景福宮照相館_{(경복궁사진관)}

• 地址：서울 종로구 자하문로2길 3
• 營業時間：09:00-20:00
• 前往方法：景福宮站（경복궁역）3號出口行5分鐘

顧客實際拍攝成果

景福宮照相館位於景福宮站3號出口附近，推薦大家喺普通韓服店租完韓服嚟呢度室內Studio影相。價錢唔貴，而且韓屋背景選擇多，重點係唔洗喺室外咁熱/凍都可以影到靚相！如果想影韓式傳統禮服婚紗相，呢度更加提供包妝髮同傳統婚禮韓服租借嘅套餐！

[스팟] [Creatrip獨家] 景福宮照相館 | 韓服拍攝

想去影其他相？

[블로그] 韓國證件相/自助拍攝/專業室內拍攝/戶外拍攝總整理

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！