代訂 | 龍馬樂園門票

Hello，大家好，呢度係由韓國人每日提供最新韓國旅行資訊嘅Creatrip。

大家嚟韓國想去主題樂園玩，一定會諗起樂天世界或者愛寶樂園。其實韓國仲有一個叫「龍馬樂園」嘅主題樂園，佢係韓國明星拍MV、海報嘅熱門景點。就算唔係K-POP Fans，都有唔少人會嚟打卡，仲有新人嚟影結婚相添㗎！一齊睇下有咩咁特別啦！

「龍馬樂園」資訊

• 地址：서울특별시 중랑구 망우본동 망우로70길 118
• 開放時間：09:00 - 18:30
• 小Tips：忘憂站（망우역）1號出口搭的士（大約需要10分鐘）

「龍馬樂園」推薦原因

• 「龍馬樂園」係一個廢棄主題公園，而家係好多MV同韓劇嘅拍攝場地！
• BTS、BLACKPINK、EXO、TWICE、NCT、GOT7同TXT等人氣K-POP歌手都曾經喺度拍過MV！
• 可以用旋轉木馬、火車仔等等嘅機動遊戲設施做背景影相打卡，超有mood！
• Creatrip獨家！可以透過我哋事先喺網上預訂龍馬樂園入場券，唔洗到時候再用現金排隊買！

「龍馬樂園」價錢

「龍馬樂園」注意事項

• 我哋會喺預約後1-2個工作日內透過email send預約憑證俾你，如果落完單48小時內都仲未收到，請send email去help@creatrip.com同我哋聯絡。
• 預約憑證入面有QR Code，去到售票處向工作人員出示入場券就可以入場。
• 入場券有效期至2023年12月31日，冇分平日/週末，只要喺有效期內入場就可以。
• 如果因為龍馬樂園臨時關閉而未能入場，可以申請取消及退款。
• 入場之後冇時間限制，亦可以自由拍攝。
• 為安全起見，如遇惡劣天氣或需要進行安全檢查等，部分設施可能會暫時關閉。
• 電視劇或電影拍攝期間可能會有段時間暫停開放入場，到時我哋會提前通知你。
• 如有任何疑問，請send email到help@creatrip.com查詢。

「龍馬樂園」預約流程

「龍馬樂園」介紹

相信唔少朋友都有聽過「龍馬樂園」呢個地方！呢度係唔少偶像明星都有去過拍攝嘅廢棄主題公園，吸引唔少Fans嚟打卡。而家只要透過我哋就可以事先喺網上買到飛啦！大家熟悉嘅BTS、BLACKPINK、EXO、TWICE、NCT、TREASURE、TXT同GOT7等等嘅Idol都曾經喺呢度拍過節目/MV同影過專輯相！

另外早排好hit嘅韓劇《模範的士》、《魔幻之音》，仲有啱啱播完冇耐嘅《今生也請多指教》都曾經喺呢度取過景，有睇過呢幾套韓劇嘅朋友們嚟到相信會有種行咗入套戲入面咁嘅感覺！

淨係睇個門口就已經feel到呢度被廢棄咗好一段時間，可以見到柱上面有生銹嘅痕跡，睇落殘殘舊舊咁，但入到去之後會發現內有乾坤！而家就等小編話俾大家知嚟到有邊幾個spot係一定要去影㗎啦！

拍攝地點#1 各種機動遊戲設施

話曬呢度係個廢棄主題公園，當然有唔少機動遊戲啦！有好多韓星都有坐喺機動遊戲設施上面影過相，大家可以搵返同一個地方，同本命影返張一樣嘅相！

作為一個稱職嘅A.R.M.Y，小編都有搵返同一部機動遊戲，同BTS喺一個位影相！

之前BLACKPINK Rosé同Jisoo都有同呢架火車影過相，各位BLINK記住要去打卡啦！

仲有NCT都有去過影相嘅呢部DISCO PANG PANG，影落好有復古feel，NCTzen又點可以錯過！

呢架消防車都係其中一個必去打卡嘅地方，小編見到好多韓國人都會同朋友排排坐喺上面打卡XD

拍攝地點#2 旋轉木馬

呢部旋轉木馬可以話係「龍馬樂園」嘅招牌，幾乎所有人嚟到「龍馬樂園」都一定會喺呢度打卡！

想同鍾意嘅明星影同一個角度嘅相，就一定要做足功課，搵定啲相做Sample啦！

仲有唔少新人會嚟呢度影婚紗相，效果真係好靚！

拍攝地點#3 屋頂&日落

「龍馬樂園」被龍馬山包圍，四周圍嘅景色都好特別，喺首爾真係難得一見！坐上呢個屋頂仲可以望到周圍嘅風景，有得打卡仲有靚景睇。小編建議大家可以黃昏時間去，學NCT泰容咁同日落合照真係超有mood！

仲有呢條Jin同V一齊影過相嘅樓梯，好有街頭風，小編都忍唔住影咗好多張相XD

由2023年7月開始，大家就可以透過我哋喺網上預約「龍馬樂園」門票啦（得Creatrip先有得買！），大家快啲嚟瘋狂打卡啦！

龍馬樂園門票 | 撳我買飛

網上付款Q&A

以上係「龍馬樂園」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com