Hello，大家好，我哋係由韓國人每日提供最新韓國旅行資訊嘅Creatrip。
最正嘅旅遊體驗通常都離唔開三樣嘢：地點、方便程度同文化。釜山雖然話係韓國第二大城市，但得少部分地方可以滿足到地理位置好、交通便利同充滿當地文化呢3個元素。
不過今次要介紹嘅南浦洞「樂天超市（光復店）」就係釜山必去之選，周圍都係釜山最出名嘅景點，購物同觀光可以一次過搞掂，而且交通都夠方便！
南浦洞「樂天超市（光復店）」介紹
南浦洞「樂天超市（光復店）」資訊
- 地址：부산 중구 중앙대로2
- 營業時間：10:00 - 23:00
每月休息日👇🏻
[블로그] 8月韓國超市/百貨公司休息日
「樂天超市（光復店）」位於釜山旅遊樞紐，地理位置非常方便。除咗超市本身乜都買到之外，仲連接住樂天百貨公司，想去買埋名牌都冇問題。附近仲有好多必去景點，可以一次過購物同體驗釜山玩樂之趣。
搭KTX到釜山站之後，有幾種方法可以去到「樂天超市（光復店）」：
- 搭的士（5分鐘）
- 搭巴士（14分鐘）
- 搭地鐵去光復站之後行連接通道過去（6分鐘）
另外「樂天超市（光復店）」亦都好近釜山國際郵輪碼頭。如果你係搭郵輪嚟釜山或者準備走，都可以順路去埋「樂天超市（光復店）」買旅遊用品。
釜山國際郵輪碼頭
釜山站
「樂天超市（光復店）」咁受歡迎嘅最大原因就係因為佢位於釜山市中心，交通超方便，周圍都係人氣景點，搭車去邊都易。附近景點包括有：
- 富平罐頭市場（부평깡통시장）— 夜市氣氛一流！
- 札嘎其市場（자갈치시장）— 釜山最出名嘅海鮮市場，可以即場試新鮮海產！
- 松島海上觀光纜車（송도해상케이블카）— 可以坐纜車睇靚景，仲可以去Sky Park享受玩樂設施！
- 甘川文化村（감천문화마을）— 色彩繽紛嘅村落，更加可以俯瞰成個城市，打卡一流！
- 白淺灘文化村（흰여울문화마을）— 充滿窄巷、街頭壁畫同海邊散步路線嘅文青小村！
- 南浦洞（남포동）— 熱鬧購物區，人氣餐廳同文化景點（BIFF廣場）都有齊！
南浦洞「樂天超市（光復店）」現場環境
南浦洞「樂天超市（光復店）」有兩個入口，大家可以喺外面行入去，或者由地下通道行過去。
如果係搭地鐵，大家可以由8號出口出站，然後喺外面行入「樂天超市（光復店）」。不過其實樂天百貨公司同地鐵係連住嘅，所以大家都可以直接由地下通道入去，超方便！
一入去可能會覺得唔知買咩好或者點搵人氣商品，但「樂天超市（光復店）」店內有好多英文指示牌，完全唔洗擔心睇唔明韓文！
南浦洞「樂天超市（光復店）」必買手信推薦
水果/零食
一入南浦洞「樂天超市（光復店）」最先見到就係水果！強烈推薦大家試Shine Muscat香印提子或者其他當造水果（小編去嗰陣西瓜同芒果當造）。仲有好多即食水果盒，唔使自己切，方便又好食！
南浦洞「樂天超市（光復店）」都有好多經典韓國零食，好似Orion魚形蛋糕仔，軟熟又煙韌；或者好似SEVENTEEN x BIBIGO原味紫菜脆片等限定聯名零食。
店內會有呢個「Must-Haves of Korea」指示牌，所有人氣同最新商品都集中曬喺嗰個位，買嘢更方便！
即食麵
嚟到韓國一定要買即食麵！送禮或者夜晚自己食都好正，仲有好多唔同品牌同口味，喺香港未必買到（而且價錢平一半），當中經典人氣之選就係三養辣雞麵！
外國遊客人氣之選
南浦洞「樂天超市（光復店）」仲會有寫住「遊客熱銷商品」嘅牌，如果你想買手信或者禮物，去呢度買就啱曬啦！呢度有好多韓國人日常都會買嘅產品，例如人參精華、韓國調味料等，買返屋企夠晒實用！
K-Beauty
上樓仲有專賣K-beauty產品嘅樓層，無論係想送禮定自用都一定要去望望。最新同最經典嘅人氣美容產品都喺齊度，好多商品價錢仲平過Olive Young！好似Laneige、AHC、Amore Pacific、The Face Shop等等嘅人氣品牌都有，喺出面玩足成日之後，返酒店敷返塊面膜真係超舒服！
夏季旅行必需品
「樂天超市」唔單止得食物，仲有好多家居用品。「樂天超市（光復店）」有一個季節專區，夏天如果準備去戶外曬太陽，大家可以喺度買定防蚊噴霧、降溫噴霧、同防曬霜等等！
試食區
「樂天超市（光復店）」其中一個最大優點就係成間鋪頭都有好多試食區，可以試到唔同韓國美食！我哋試過蘋果醋飲品、五花肉、炒飯同辣炒年糕。可以即場試下人氣食品，睇下值唔值得買返屋企！
熟食區
想搵啲可以即刻食嘅韓國美食？咁就一定要去熱食同包裝食品專區，全部都係經典韓國美食，價錢平過餐廳好多！通常都會有韓式炸雞、紫菜包飯、豬腳等熟食，旅程中想醫飽個肚可以嚟呢度！
酒精飲品
如果想搵釜山本地酒，一定唔可以錯過呢個寶藏地帶！無論帶返屋企定係返酒店慢慢嘆都好啱，大家記住唔好錯過大鮮燒酒或者山城村傳統米酒。
小貼士：記得睇清楚標籤，或者問下店員支酒可唔可以託運！
樂天百貨公司
南浦洞「樂天超市（光復店）」最大特色之一就係佢位於釜山地標樂天百貨公司入面，令你可以一次過享受高級同實用購物體驗。去地下仲可以買到高級包裝食品，或者去美食廣場；上去就有高級名牌可以慢慢行。Aqua Mall仲有噴泉表演睇，附近更加有一連串運動品牌專門店。
如果你想慳時間又想買齊手信，真係唔洗周圍去！
南浦洞「樂天超市（光復店）」設施
儲物櫃
自助退稅機
- 即時退稅唔止可以喺專用退稅機辦理，仲可以喺自助收銀同收銀櫃台做到。
- 只要消費滿₩15,000（唔包括新鮮食品等免稅商品），就可以申請退稅。
即場退稅收銀處
自助換錢機
EMS郵寄服務
南浦洞「樂天超市（光復店）」優惠活動
- 消費超過₩100,000，並進行退稅，即可免費獲得摺疊購物袋一個！
- 用台灣LINE Pay消費超過₩70,000，限量送聯名旅行收納袋！
南浦洞「樂天超市（光復店）」附近必去景點
富平罐頭市場
由南浦洞「樂天超市（光復店）」行過去只需要7分鐘，富平罐頭市場係釜山最古老同最有活力嘅傳統市場之一。佢個名源自韓戰時期，因為當時呢度有賣美軍罐頭，所以就被稱為罐頭市場，而家就成為一個熱鬧嘅夜市，擺滿咗賣地道同國際街頭美食、飾物、手信、同經典韓國零食嘅攤檔，超熱鬧！
富平美食街
富平罐頭市場隔離就係富平美食街，一條窄巷排滿咗食店、餐車、檔口同餐廳，非常受韓國人同旅客歡迎。如果你想體驗釜山文化同美食，記住唔好錯過啦！
札嘎其市場
講起釜山，大家應該都會聽過札嘎其市場呢個名，札嘎其市場係韓國最大嘅海鮮市場，亦係文化地標，由南浦洞「樂天超市（光復店）」行過去只需10分鐘。市場有一排排檔口，賣住新鮮魚、八爪魚、海膽、蟹等等。大家可以揀想食嘅海鮮，然後即場上樓叫餐廳幫你新鮮烹調，食到最地道嘅味道！
影島咖啡街
呢個潮流地區距離南浦洞「樂天超市（光復店）」車程大約10至15分鐘，過一條橋就到。影島咖啡街好受本地人同KOL歡迎，景色夠靚之餘，裝修夠時尚，海邊氣氛夠悠閒，而且大部分Cafe都可以望到無遮擋嘅海景！
松島海上觀光纜車
想睇釜山唔同角度，可以去坐松島海上觀光纜車，有普通車廂同透明地板水晶車廂可以揀！纜車會帶你飛越海面，俯瞰松島海灘、岩石峭壁同釜山市區。去到對面之後仲有好多景點可以去，好似天空步道、美食同打卡區，會玩到唔捨得走！
釜山有咩好玩？
[스팟] Busan Songdo Sea Cable Car | Round-trip Ticket
[스팟] The Yacht Tour | Busan Public Yacht Experience
[스팟] Lotte World Busan Full Day Pass
[스팟] Busan Taxi Pickup ServiceㅣGimhae Airport/Busan Station ⇆ Busan City Center
[스팟] Busan One Day TourㅣBusan Departure
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
