2025清州機場交通/設施/換錢/退稅總整理

Hello，大家好，我哋係由韓國人每日提供最新韓國旅行資訊嘅Creatrip。

最近HK Express加開咗來回香港同清州機場嘅航班，相信好多人都未必聽過清州呢個地方，可能以為距離首爾好遠，不過原來去首爾車程都大約只係需要個半鐘，同仁川去首爾市區差唔多！今日就等小編幫大家整理清州機場最新資訊，希望可以幫到大家啦！

韓國清州機場攻略

CJJ清州機場資訊

• 地址：충북 청주시 청원구 오창대로 980 5-4 
• 備註：有宵禁(00:00-05:00)，唔可以過夜

清州國際機場算是韓國嘅中型機場，國際航班都係飛亞洲地區，不過要注意嘅係呢度唔係24小時開放，凌晨12點到5點都會關閉，所以唔可以喺度過夜。

清州機場去首爾交通

1. 清州機場高速巴士

• 位置：清州機場Gate 1前巴士站牌

清州機場高速巴士上車地點

首爾高速巴士站上車地點

要由清州機場去首爾市區，搭高速巴士係最快又最抵嘅方法，搭車去到首爾高速巴士站車程大約個半鐘。不過班次唔多，所以有時可能會full曬搭唔到，建議最好上網買定車飛先！

除咗有去首爾嘅高速巴士，清州機場仲有去仁川、天安、忠州、世宗嘅車可以搭，不過就冇去大邱、釜山嘅巴士啦。

2. 清州機場火車站

• 地址：충북 청주시 청원구 오창대로 980

維基百科

清州機場出面其實有個火車站，係忠北線其中一個站，不過好細，每日出入都唔夠五百人，大家唔需要考慮去呢個站搭車XD

3. 清州KTX站（五松站）

• 地址：충북 청주시 흥덕구 오송가락로 123

維基百科

如果想搭KTX，大家就要喺清州機場搭的士去五松站（오송역），普通火車同SRT都會經過呢個站，可以直接去到首爾站！

[스팟] KTX火車票代訂服務 | 首爾、釜山、東大邱、五松(清州)、江陵、慶州、全州、浦項

清州機場去清州市區交通

如果你落機之後想直接喺清州玩，出咗清州機場之後過馬路，去中間嘅巴士站就可以搭普通巴士入市區啦。選擇都幾多，基本上全部路線都會去到清州市區。

大家可以先確認下自己嘅清州目的地喺邊，然後用Naver Map睇要搭邊架巴士。

清州機場換錢找換店

清州機場唔算大，淨係得1樓Gate 3隔離嘅新韓銀行可以換錢（06:00至22:00），不過因為匯率唔太好，如果趕住用現金嘅話建議大家換少少就夠，可以之後留返去首爾嘅時候再唱錢。

清州機場退稅方法

清州機場冇現金退稅機，淨係得信用卡退稅櫃枱，而且只會喺航班起飛前兩個半鐘頭先開放，如果太早嚟應該都唔會有人幫到你。所以如果大家係會由首爾再返清州機場搭飛機返香港，建議喺首爾嗰邊嘅退稅機台搞曬退稅先！

清州機場現場設施

1. SIM卡購買/WiFi租借

• 地點：清州機場1樓Gate 3附近
• 營業時間：05:30-22:00

清州機場官網

清州機場得一個地方可以買SIM卡同租WiFi蛋，各位可以提前上網買定，到埗之後去現場攞！喺清州一樣都可以收得好，到時候連清州機場WiFi就可以直接設定再出發開始旅程。

[스팟] Wide Mobile 預付SIM卡（無限上網、機場/市區領取）

[스팟] Wifi Dosirak WiFi蛋（無限上網、機場/市區領取）

2. 便利店

• 地點：清州機場1樓Gate2隔離
• 營業時間：06:00-20:30

清州機場有一間emart 24便利商店，如果有最後想買嘅零食都可以喺度買完先飛！

3. Cafe

• 地點：清州機場1樓、2樓
• 時間：06:00至20:00

清州機場雖然唔算大，但係1樓同2樓都有零星幾間Cafe，如果肚餓或者需要等飛機/高速巴士嘅話，都可以喺度買麵包咖啡充飢。

4. 免稅店

• 地點：清州機場出境後禁區
• 營業時間：06:00-23:00

清州機場官網

清州機場過關後都有免稅店，但係規模唔大，所以相對上商品種類都比較少。如果有事先喺網上免稅店落單，然後揀現場領取嘅話，清州機場都有可以提領免稅品嘅區域。

以上就係小編幫大家整理嘅2025年清州國際機場相關資訊，趁香港都終於開飛往清州機場嘅航班，如果飛仁川機場嘅航班時間唔啱搭，大家都可以考慮飛清州！

如果有更多想知嘅內容，都可以隨時留言或者dm話俾我哋知：）

✨Instagram（@creatrip.hk）

🔗Threads（@creatrip.hk）

🛍️韓國代購服務

Mail：help@creatrip.com