Hello，大家好，我哋係由韓國人每日提供最新韓國旅行資訊嘅Creatrip。
「韓牛」作為韓國國寶之一，相信有唔少朋友嚟韓國旅行嘅時候都會去食！而熟門路嘅朋友一定會揀去首爾馬場洞食韓牛，呢度唔單止係首爾最大嘅牛肉生鮮畜產市場，而且韓牛俾其他地方賣得更平。
今次小編就去咗「馬場谷（마장골）」食最高級嘅韓牛，真係一食難忘！而家大家透過我哋預約
馬場洞韓牛「馬場谷」資訊
- 地址：서울 성동구 마장로31길 40 2F
- 營業時間：10:00 - 21:30（每月第一、第三個星期日休息）
- 可預約時間：10:00 - 20:00
馬場洞韓牛「馬場谷」推薦理由
- 「馬場谷」每年都會更新韓牛生產1++證明，一分錢一分貨，有品質保證！
- 「馬場谷」係超多韓國人去馬場洞都會揀嘅餐廳，連當地人都會去嘅餐廳一定信得過！
- 「馬場谷」只賣1++等級嘅韓牛，肉質夠曬靚，相信所有人嚟到都會滿足！
馬場洞韓牛「馬場谷」價錢
| 現金券 | ₩50,000 |
※1枱只限買1張
馬場洞韓牛「馬場谷」退款政策
| 預約後至到訪3日前取消 | 全額退款 |
| 到訪2日前或其後取消 | 不設退款 |
馬場洞韓牛「馬場谷」注意事項
- 請注意馬場洞每一間餐廳都會有開檯費用（已包水、蔬菜、醬料、燒板等），「馬場谷」亦都會以人頭收取開檯費（成人￦9,000、小童￦5,000），外賣不在此限。
- 最多只可以提前30日預約。
- 你可以喺到訪3日前更改/取消預約，其後恕不受理。
- 如果遲到超過10分鐘以上，預約會自動取消並不設退款。
馬場洞韓牛「馬場谷」預約流程
馬場洞韓牛「馬場谷」介紹
馬場谷韓牛嘅品質，係經過政府認證嘅1++韓牛。
每年都會更新韓國畜產物等級認證書，大家可以放心，好多韓國人為咗慶祝、聚餐都會嚟呢度食，品質自然有保障。
韓牛對於韓國人嚟講，食韓牛就代表有值得慶祝嘅事，例如考上大學、升官、拎到獎金、贏比賽等。
低溫冷藏櫃入面，放滿油花分佈平均嘅韓牛，乾淨新鮮咁擺喺度俾大家揀。上面都有清楚標價，揀好咗就可以坐底燒啦！
提提大家，馬場洞韓牛嘅所有鋪頭都會有「開爐費」，馬場谷嘅價錢係成人₩6,000、小朋友₩4,000。
小編挑咗兩塊油花均勻、好似雪花一樣嘅1++韓牛！
韓牛有油花，所以燒嗰陣會噴油，睇吓切開咗幾吸引。
小編掛住飲酒，唔小心將第一塊韓牛燒得太燶，秉持住唔好浪費嘅心態，加咗粗鹽照食。
另外叫咗個大醬湯，非常好飲，唔會好鹹。
無論係燒到燶燶哋，定燒到五成熟，因為馬場洞嘅韓牛都好新鮮，即日劏嘅關係，食落唔會有任何牛膻味，而且口感非常嫩。
因為太好食，小編忍唔住又去拎咗第二盤韓牛，今次揀咗有各種部位嘅韓牛拼盤。
馬場洞嘅韓牛咁出名果然有原因，所有部位食起都有超濃嘅肉香，令人難以忘懷。小編終於明點解朋友都話，「食過韓牛後，就唔會想食一般嘅五花肉」，因為真係好好食。
一咬落去，韓牛肉汁就會流出，而且有一種好似棉花糖一樣喺你嘴入面融化嘅感覺，韓牛嘅滋味真係一般肉比唔上。
大家可以單叫白飯，或者叫「生韓牛肉拌飯」食，會更有飽足感。韓牛唔單止燒熟咗好味，生食嘅生韓牛肉拌飯一樣咁好食。
如果大家仲猶豫緊食唔食韓牛，驚冇想像中咁好食，小編可以同你講，放心去馬場洞市場食韓牛啦！小編一開始都半信半疑，心諗「點會咁誇張，呃我冇食過貴嘅肉？」。不過小編食完就知點解韓牛會咁受歡迎！的確，係食完唔會後悔嘅好味道！
如果係曾經食過韓牛，覺得麻麻嘅朋友，都一定要嚟「馬場谷」試下，應該可以顛覆大家對韓牛嘅印象。不過，因為呢度嘅韓牛品質好，大家單睇價錢可能會覺得少貴，但食完一定覺得抵食！
馬場谷老闆
「馬場谷」由老闆同老闆個仔一齊經營，見到客人唔太識燒仲會好親切咁幫手！
馬場洞韓牛「馬場谷」前往方法
喺龍頭站（용두역）4號出口行出嚟。
直行。
經過加油站繼續直行。
之後會見到馬場洞入口轉左入去。
喺第一個街口轉右。
上到2樓就到馬場谷。
以上係馬場洞韓牛「馬場谷」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
