Hello，大家好，我哋係由韓國人每日提供最新韓國旅行資訊嘅Creatrip。
韓國係一個講求「團結」同「群體」嘅國家，所以有好多一個人嚟韓國玩嘅遊客，都會擔心自己搵唔到地方食飯。不過大家又唔需要太擔心，因為韓國而家好多地方都可以一個人食飯，快啲一齊睇下小編推薦嘅首爾一人美食介紹啦！
韓國一人食飯文化
한국무역협회
根據最新調查，直至2023年，韓國獨居戶數竟然已經佔咗35.5%！所以其實而家一個人食飯變得越嚟越普遍，而且好多人都會覺得同人一齊食飯要夾時間好麻煩，反而自己一個食更加開心，所以就有「혼밥（獨自食飯）」呢個字出現。
韓國有咩餐廳可以一個人去？
中華料理餐廳
大家成日喺韓劇見到嘅炸醬麵、辣海鮮麵都可以一個人食！不過好似糖醋肉咁一大碟嘅菜式對一個人嚟講可能會太多，所以好多韓式中餐廳都會推出一半一半嘅option，例如一碗入面有一半係炸醬麵，一半係糖醋肉咁。
自助餐
大部份無限任食放題都唔可以一個人去食，不過好似Ashley等等嘅自助餐餐廳都會接受一個人入去食（雖然好似會有啲怪XD）
鍋類
好似相入面嗰種一人一個石煲嘅湯飯、雪濃湯、解酒湯等等，呢種餐廳一定可以一個人走入去食（好多韓國人都會咁做）。
而部隊鍋、薯仔排骨湯等等份量比較大嘅鍋類Menu，有時候都可以一個人去食，但係你要叫佢嘅基本份量（通常都係2~3人份），大家可能要考慮埋自己嘅食量。
基本麵、飯、定食
好似刀削麵、拌飯等等普通麵、飯或者定食類嘅Menu都係一人份，其實一個人都可以食到唔少正宗韓國料理！
傳統市場、小吃攤販
去傳統市場或者普通小食檔就更加唔需要擔心啦XD 呢種檔攤通常提供嘅Menu都會係1人份，午餐時段去大家可能會見到唔少當地人同打工仔去食lunch。
Brunch
韓國多靚靚Cafe大家都知，有好多韓國人唔單止會去影相打卡，仲會自己一個人去食brunch嘆咖啡同做嘢！
十間首爾一人餐廳推介
HONGOJIB(혼고집)
- 地址：서울 마포구 동교로30길 1
- 營業時間：11:30-22:00
平時一個人想食燒肉真係比較難，不過韓國多咗唔少可以一個人去食嘅燒肉餐廳，呢間「HONGOJIB」就係其中一間！
雖然話係一人燒肉，但係肉質絕對唔差，分量都唔少！而且會好似一個定食咁上，包埋飯、湯同小菜，大家可以食返夠喉（仲有壽喜燒食！）
部隊統領砂鍋(부대통령뚝배기)
- 地址：全韓國都有
- 營業時間：每間分店都唔一樣
睇個名都知道呢度專賣砂鍋/石鍋類Menu！呢間連鎖店喺全韓國各地都有分店，如果係喺首爾旅行嘅話推薦去鷺梁津店！
最正嘅係平時最少需要叫2人份嘅部隊鍋都可以叫1人份，鍾意食韓國鍋類嘅朋友們一定唔可以錯過！
花蟹堂(화해당)
- 地址：서울 영등포구 국회대로62길 15
- 營業時間：
- 星期二至六 11:00 - 21:00（Break Time 15:00 - 17:00）
- 前往方法：國會議事堂站（국회의사당역）6號出口行6分鐘
除咗真味食堂同大瓦房，另一間最多香港人去嘅醬油蟹餐廳就係位於汝矣島嘅「花蟹堂」，今年更加係呢三間之中唯一一間被選定為米芝蓮餐廳嘅醬油蟹專門店！
呢度價位雖然唔低，不過勝在醬油蟹夠高質超鮮甜，而且仲有超多配菜，好味得嚟夠飽肚。雖然呢度唔單止係外國人，連韓國人自己都會提早book枱預約，如果唔係就有可能食唔到！
「花蟹堂」真實食評👇🏻
[블로그] 汝矣島美食 | 花蟹堂
Book定「花蟹堂」食米芝蓮級醬油蟹啦👇🏻
[스팟] 花蟹堂（汝矣島店）代客預約服務
豚壽百(돈수백)
- 地址：서울 마포구 홍익로6길 56
- 營業時間：24小時
專賣濟州島黑豬肉嘅「豚壽百」，係好多朋友一個人嚟首爾旅行嘅時候都會食嘅餐廳之一。雖然價錢偏貴，但因為用嘅係濟州島黑豬肉，一食就知道唔同。
招牌豬肉湯飯湯底係用豬骨長時間熬製而成，味道夠濃！不過因為湯本身冇加太多調味料，覺得味道唔夠嘅朋友，可以按自己嘅需要加辣醬、鹽或者蝦醬調味。
你可能會有興趣👇🏻
[블로그] 弘大美食總整理
飯捲天國(김밥천국)
- 地址：全韓國都有
- 營業時間：每間分店都唔一樣
相信唔使小編多介紹，大家應該都會有聽過飯捲天國呢間餐廳！佢喺全韓國四周圍都有分店，想食最地道又平嘅韓國美食嚟呢度就得！
話明係飯捲天國，大家去到一定唔可以錯過佢哋嘅紫菜包飯，有超多款口味可以揀，而且價錢相當平。另外唔少人去到仲會叫辣炒年糕拉麵（라볶이），加條紫菜包飯都唔使₩10,000，真係物超所值！
GOPIZZA(고피자 신촌1호점)
- 地址：서울 서대문구 신촌로 139-1
- 營業時間：10:30-24:00
GOPIZZA係一間連鎖Pizza店，係韓國第一間賣1人Pizza嘅鋪頭，好多地方都可以見到佢嘅蹤影。如果大家食唔慣韓國嘢都可以嚟呢度買Pizza食！
呢度Pizza種類相當之多，除咗可以單點之外，仲可以叫Set！如果大食啲仲可以叫埋炸雞或者辣炒年糕。小編去嘅時候就叫咗辣肉腸+薯仔半半Pizza+Extra芝士，另外加一杯無糖可樂，咁樣加埋都只係₩11,800！佢薄餅皮唔會太厚，食得多亦唔會覺得滯，平時想食pizza但覺得太大份嘅朋友們絕對可以一試~
牛雅(우아하게)
- 地址：서울 마포구 동교로 185 1F
- 營業時間：11:30 - 22:00
平時自己一個人好難會食到燒肉，不過弘大呢間「牛雅」就可以滿足到大家嘅願望！
嚟呢度可以食到用100%純牛肉炮製而成嘅韓式漢堡扒！仲有各種海陸空美食等你試！
朝朝刀削麵(조조칼국수)
- 地址：聖水、市廳站附近都有分店
- 營業時間：每間分店都唔一樣
最近呢間朝朝刀削麵都非常出名，由大邱紅到嚟首爾！通常呢種海鮮刀削麵都要叫2人份起，但係呢度一個人去叫1人份都得！
重點係湯底夠清爽鮮甜，而且蜆夠多夠大粒！（如果會同其他人一齊去，推薦叫埋海鮮葱餅食）
吵架的高手(싸움의고수)
- 地址：全韓國都有
- 營業時間：每間分店都唔一樣
ssago_korea
平時食豬腳或者菜包肉可能都要2人份起，但嚟到呢度就唔怕有呢個問題！呢度嘅Menu仲有分M/L/XL Size，平時胃口比較大嘅朋友們都唔會食唔飽。
ssago_korea
另外而家佢哋仲有湯飯、燉雞等Menu，相信大家嚟到食都會覺得好滿足。
TAP SHOP BAR(탭샵바)
- 地址：合井、東大門、汝矣島、江南等
- 營業時間：每間分店都唔一樣
TAP SHOP BAR提供紅酒、白酒、氣泡酒等多種葡萄酒之餘仲有啤酒同威士忌等等，無論係酒鬼定第一次接觸葡萄酒嘅你都可以享受！而且仲有提供多款下酒菜，推薦食超新鮮燒蠔！
環境夠舒服之餘最特別嘅係可以買飲品兌換券，充值之後去自助吧嘟嚟換嘢飲，可以一次過食到多款葡萄酒之餘仲唔洗怕會飲唔曬曬錢。透過我地預約仲可以用優惠價買到自助吧飲品兌換券，有興趣記住唔好錯過啦！
想自己一個去chill？👇🏻
[스팟] TAP SHOP BAR（合井店）
[스팟] TAP SHOP BAR（東大門DOOTA店）
其實唔止係小編介紹嘅呢10間，喺首爾各地都有好多一人美食餐廳等住大家去發掘！如果大家覺得自己一個去食飯會覺得尷尬，亦都可以搵我哋代叫外賣，超多款美食等住你嚟叫！
如果有更多想知嘅內容，都可以隨時留言或者dm話俾我哋知：）
Mail：help@creatrip.com
