代訂 | 首爾城市觀光巴士

Hello，大家好，我哋係由韓國人每日提供最新韓國旅行資訊嘅Creatrip。

第一次嚟韓國玩，或者想搭一架車去勻所有首爾必去景點，大家都可以考慮搭呢架「首爾城市觀光巴士」！唔止外國人，其實有好多韓國人帶一家大細嚟首爾玩都一定會預約搭呢架巴士，夠曬方便~ 呢架觀光巴士有分日間同夜間路線，有興趣就記住睇埋落去啦！

「首爾城市觀光巴士」資訊

• 售票處：光華門站6號出口（位於東和免稅店同朝鮮日報之間嘅新韓銀行前面）
• 行駛日期：逢星期二至日
• 停運日期：星期一（如果星期一係公眾日期，會改為星期二休息）、5月7日、9月19日、10月3日、10月10日
• 行駛時間：日間路線 09:30 - 16:50（40分鐘一班）、夜間路線全程90分鐘（唔停站）

「首爾城市觀光巴士」推薦理由

• 喺一個半鐘入面可以去齊所有首爾必去景點！
• 提供12種語言嘅導賞服務（現場提供耳機），大家可以一邊聽一邊欣賞風景。
• 日間巴士會經過N首爾塔、明洞、韓屋村、景福宮等首爾主要景點，可以同時感受市中心同故宮嘅魅力。
• 夜間巴士會沿住漢江行駛，等大家可以欣賞到首爾超靚夜景！
• 搭日間巴士更加可以自由上落車，參觀完再搭下一班車繼續你嘅旅程。

「首爾城市觀光巴士」價錢

※成人：19歲或以上、青少年：6~18歲、小童：5歲或以下（免費）

「首爾城市觀光巴士」退款政策

「首爾城市觀光巴士」時間表

市中心故宮南山路線：

夜景路線：

「首爾城市觀光巴士」注意事項

一般注意事項

• 請最少喺1日前完成預約。
• 你需要喺光化門站售票處換領實體車飛。
• 5歲或以下小童免費，請出示護照以作證明。
• 並無指定座位，座位先到先得，建議長假期或者週末等高峰期乘搭人士要提早去排隊，人數過多時可能會暫時提供企位。
• 雙層開篷巴士上層不設企位。
• 開篷巴士車頂可以開閂，所以落雨或者落雪都會正常行駛。
• 車廂內嚴禁飲食。
• 雙層開篷巴士車頂開住嘅時候會比較曬，亦會比較大風。
• 根據天氣、時期同預約人數，可能會變成時間制預約。
• 根據預約人數、交通同車輛狀況，主辦單位會安排雙層或者單層開篷巴士。
• 如果有任何疑問或者想變更預約，請send email到help@creatrip.com。

市中心故宮南山路線注意事項

• 就算唔喺預約時間上車都無問題。
• 購買後90日內有效。
• 如果完全唔落車，搭完全程大約需要90分鐘。
• 巴士會停青瓦臺站，不過如果希望參觀青瓦臺，你需要另外喺青瓦臺官網預約。
• 巴士可能會因交通、天氣、示威等突發事故而遲到。

夜景路線注意事項

• 夜景路線全程需時90分鐘，唔會停所有車站（中途會喺N首爾塔停20-30分鐘俾大家參觀同影相）。
• 夜景路線每日只有一班車，出發30分鐘前可以上車。
• 會根據預約順序，先分配雙層開篷巴士座位，然後再分配到單層開篷巴士。

「首爾城市觀光巴士」預約流程

STEP 1.	市中心故宮南山路線 | 撳我預約 夜景路線 | 撳我預約
STEP 2.	請詳細輸入所有相關資訊， 我哋會喺2個工作天內確認預約。
STEP 3.	請喺光華門站售票處換領實體車飛。
STEP 4.	確認時間表之後上車，開始旅程！

「首爾城市觀光巴士」介紹

市中心故宮南山路線

「市中心故宮南山路線」係最受歡迎嘅觀光巴士路線，提供12種語言嘅導賞服務（現場有提供耳機），大家可以一邊欣賞風景，一邊瞭解每個景點嘅歷史。另外仲可以自由上落車，參觀完再搭下一班車繼續你嘅旅程，夠曬方便！

「市中心故宮南山路線」會經過N首爾塔、明洞、南山谷韓屋村、昌德宮、仁寺洞、青瓦臺同景福宮等韓國主要景點，等大家可以同時感受市中心同故宮嘅魅力！

日間巴士每個站都會停車，大家可以參考巴士時間表安排行程！

夜景路線

夜間巴士會沿著漢江行駛，等大家可以欣賞到超靚首爾夜景！要注意夜景路線唔會停站，而且一日得一班車！

總共會經過8個景點，大家可以喺唔同角度欣賞首爾夜景。

中途會喺南山塔停20-30分鐘，大家可以自由落車參觀同影相。

沿途亦都會經過麻浦大橋同盤浦大橋，配埋漢江夜景真係perfect！

想留低一個浪漫回憶，不妨可以考慮搭「首爾城市觀光巴士」！

首爾城市觀光巴士（市中心故宮南山路線）| 撳我預約

首爾城市觀光巴士（夜景路線）| 撳我預約

網上付款Q&A

以上係「首爾城市觀光巴士」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com