Hello，大家好，我哋係由韓國人每日提供最新韓國旅行資訊嘅Creatrip。
韓國每年6月開始就會進入梅雨季，落完一個月雨之後就會突然變熱，正式踏入夏天！今日小編幫大家整理咗一連串就算落雨都可以去玩嘅首爾室內景點，無論天氣點都可以盡情玩！
韓國梅雨季天氣
首爾嘅梅雨季通常都係6月中到7月中，好多時都會連續落幾日雨，仲會突然落暴雨，所以嚟韓國旅行嘅時候記住要留意天氣預報。建議執行李嘅時候帶多兩對襪同毛巾，旅行途中都要隨身帶縮骨遮或者雨褸，袋儘量孭細袋或者防水袋，帶多件薄外套就唔怕突然降溫凍親啦！鞋都最好揀防滑嘅，唔好著涼鞋會比較安全。
2025韓國天文台預計雨季日期
- 濟州島：6月19日~7月20日
- 全羅道、慶尚道：6月23日~7月24日
- 首爾、首都圈、忠清道、江原道：6月25日~7月26日
[블로그] 6月の韓国の気温と服装
[블로그] 7月の韓国の気温と服装
韓國避暑/雨季室內活動推薦
1. 汗蒸幕
去韓國旅行其中一個必去嘅地方係汗蒸幕！唔單止有高溫桑拿房同汗蒸幕等多種設施，可以出汗放鬆同享受美容效果，休息區同小食區都好齊全，雨天都可以舒服咁喺室內hea住玩返日。
[블로그] 韓國汗蒸幕總整理
[블로그] 去汗蒸幕必做嘅8件事
2. 私人搓澡&SPA體驗
如果唔想去汗蒸幕呢種公眾地方搓澡，推薦大家去最近韓國好興嘅私人搓澡同SPA專門店體驗。可以悠閒享受韓國傳統身體護理，捽走老泥、徹底去除老廢角質，同時可以消除疲勞，夠曬舒服！
[블로그] 韓国プライベートあかすりおすすめサロン
3. 頭皮SPA
另外一個可以喺室內relax嘅行程就係去做頭皮SPA，可以放鬆之餘仲可以深層清潔頭皮同按摩，促進血液循環，由根本改善髮質。
4. 皮膚護理
相信唔少朋友都想體驗韓國美容，推薦大家天氣好嘅時候去多啲地方打卡，落雨或者陰天就安排去做醫美療程。簡簡單單去做個護膚去角質療程，或者去打水光針做激光等等都得，大家可以根據皮膚需要選擇。好多療程都好快搞掂，購物途中都可以輕鬆去做！
[스팟] XENIA CLINIC (セニアクリニック)
[스팟] Abijouクリニック 明洞店
[스팟] メディキューブ医院 江南店
[스팟] 韓国id美容クリニック江南店
[스팟] S Reborn（弘大）
想一次過預約3~4款K-Beauty體驗？
[스팟] 韓國美容終極套餐 | 醫美療程、Personal Colour、洗牙、頭皮SPA
[스팟] 明洞美容終極套餐 | Personal Colour、醫美療程、頭皮SPA
5. 室內工作坊/DIY體驗
如果太熱想去涼冷氣，但係又唔想咁悶，可以預約定DIY體驗，落手去整韓國傳統飾物、泡菜、人氣化妝品牌嘅潔面乳、香水、水果酒等等。全部體驗都唔會受天氣影響，仲可以親手整返份獨一無二嘅手信。
[블로그] 韓國手工DIY工作坊體驗推薦
6. 特色表演
如果大家對整手工冇咩興趣，雨季都可以去睇韓國先有嘅室內特色表演，好多都唔需要識韓文都可以睇得明！
[스팟] 明洞NANTA/亂打秀門票
[스팟] The Painters新塗鴉秀門票（光化門專用館京鄉Art Hill ）
[스팟] THE MAN ALIVE 《Choice》 肌肉猛男秀門票
7. 室內形象照拍攝
雨天嘅時候仲可以去體驗韓國形象照拍攝，而家好多影相鋪都有提供埋化妝同set頭服務，俾專業化妝師整靚個妝，然後影證件相或者形象照，留低特別回憶，無論係同家人、朋友定另一半去都好啱。
[블로그] 韓國證件相/自助拍攝/專業室內拍攝/戶外拍攝總整理
8. 首爾地下街
落雨或者天氣太熱去行街就最啱啦！江南站、蠶室站、永登浦站、高速巴士客運站嘅地下街都出名好行，無論係時裝、雜貨、化妝品都有，而且仲會平過其他地方，想掃貨記住唔好錯過！
[블로그] 首爾地下街總整理
9. 連住地鐵站嘅商場/百貨公司
首爾有好多大型百貨公司同免稅店全部都可以由地鐵站直通，就算落雨都唔洗開遮行出去再行入商場，可以舒服咁去Shopping（記住掃完貨要搞埋退稅啊！）不過唔係個個商場都係全年無休，大家可以參考下面篇blog，睇吓你想去嘅地方今個月幾時休息。
[블로그] 唔洗淋雨/雪就去到嘅首爾商場&百貨公司
[블로그] 6月韓國超市/百貨公司休息日
10. 首爾樂天世界
樂天世界係韓國最受歡迎嘅主題樂園，而且唔單止直通地鐵站，仲有分室內同室外區域，室內區都有唔少遊樂設施同打卡位，花車巡遊都係喺室內搞，就算落雨都可以玩得開心！附近仲有樂天百貨、免稅店、水族館、樂天塔同酒店，Shopping、餐飲、體驗、住宿全部一站式搞掂！
[스팟] ロッテワールド 1日フリーパス（ソウル）｜チケット購入
[스팟] ロッテワールドタワー展望台「ソウルスカイ」入場チケット
[스팟] ロッテワールド1日フリーパス + 感性制服 蚕室本店
[스팟] ロッテワールド1日フリーパス + 江南制服(カンナムキョボク)
11. 水族館
首爾都有幾個值得去嘅水族館，當中SEA LIFE COEX水族館係首爾最大型嘅水族館，入面有成超過650種動物同海洋生物，就好似行咗海底世界咁，落雨去參觀包保大人細路都唔會抱怨話覺得悶！遠少少嘅一山水族館都非常受歡迎，有各種精彩動物表演節目可以睇！
[스팟] ロッテワールド＋アクアリウム
[스팟] COEX アクアリウム
[스팟] 一山海洋世界水族館門票
12. 動物Cafe
如果想直接同動物互動，推薦大家可以去動物Cafe玩返半日！呢度嘅動物大部分都唔會喺籠入面，無論係貓貓定浣熊、狐獴等等嘅特別動物都有，落雨可以上去坐返陣療癒身心靈~
[스팟] Eden Meerkat Friends（弘大）
[스팟] ROOF CAT ME 貓貓Cafe平日入場券（弘大）
[스팟] 貓咪遊樂場（明洞）
13. 外賣
落雨唔想出門口食飯，不如叫外賣食啦！韓國真係咩都可以叫到外賣，而家就算冇韓國電話號碼都可以透過Creatrip預約，輕鬆喺住宿食到各種韓國美食！
[스팟] KyoChonチキン デリバリー
[스팟] 中華料理配達 デリバリー
[스팟] チョッパル＆ポッサムデリバリー
以上係小編幫大家整理嘅雨季同夏天可以去體驗嘅室內活動同好去處，夏天會嚟玩嘅話記住準備定Plan B，唔好因為落雨而冇嘢做咁掃興！
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
