Hello，大家好，我哋係由韓國人每日提供最新韓國旅行資訊嘅Creatrip。
去旅行當然要珍惜每分每秒，用盡所有時間體驗韓國！好多人可能都會覺得做牙科療程需要好多時間，或者做完之後會影響到之後行程，但其實有幾個牙科療程都可以即日就完成到，等大家可以開心繼續去旅行！
一日內可以搞掂嘅韓國牙科療程
洗牙&口腔檢查
- 建議進行時段：頭一兩日
洗牙同口腔檢查通常30分鐘就搞掂，就算係旅行去做都唔會佔太多時間，而且仲可以及早發現潛在牙齒/牙齦問題。比起香港，韓國洗牙價錢會比較平，而且仲有牙科會提供無痛洗牙療程，洗牙前用麻醉漱口水漱口，成個過程幾乎唔會有感覺，唔洗驚痛！
想瞭解更多?👇🏻
[블로그] 韓國洗牙療程介紹/價錢/推薦診所
補牙
- 建議進行時段：頭一兩日
如果有牙齒崩裂或者蛀牙問題，就算有好西食都唔可以食得盡興... 通常如果蛀牙問題比較輕微，就可以磨走爛牙部位再進行補牙，即刻恢復牙齒功能，食嘢都開心啲！而且大約30-60分鐘就可以搞掂，加埋等麻醉散嘅幾個鐘頭，其實好快就可以恢復到。
牙齒美白
- 建議進行時段：
- 如果只係去一段短時間 → 走之前做
- 如果會留一段長時間 → 頭一兩日
牙齒美白都係一個當日就可以做完，而且對旅行行程影響唔會太大嘅牙齒美容療程。韓國牙齒美白療程平均都平過香港1,000港幣左右，通常做1-2個鐘漂牙，牙齒就會白2-3度，做完影相會上鏡啲，仲唔需要麻醉！不過做完建議避免食顏色比較深嘅食物同飲品，所以如果只係會嚟一段短時間，就建議最後先去做。
想瞭解更多?👇🏻
[블로그] 韓國漂牙/牙齒美白方法大解析
瓷牙貼片/牙冠
- 建議進行時段：避開最後一日
普通診所整貼片同牙冠都最少需要一日（加埋安裝total要去兩日），但最近唔少韓國診所都會借助電腦輔助設計同製作系統，一日內可以做完口腔掃描同製作牙套/貼片！抽行程最少嘅一日去做，就可以用更超值價錢得到一排靚靚牙齒！
想瞭解更多?👇🏻
[블로그] 韓國瓷牙貼片介紹/明星前後效果比較
建議短期旅行唔好做嘅牙科療程
植牙、剝智慧齒
因為要剝牙，頭一個星期都要注意飲食，甚至臉會腫起，所以建議短期旅行唔好做呢兩個療程，如果唔係根本就享受唔到你嘅行程!!
想瞭解更多韓國牙科療程？
[블로그] 韓國牙科診所推薦&價錢
[블로그] 韓國牙科療程常見問題FAQ（洗牙/漂牙/瓷牙貼片等）
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
