Hello，大家好，我哋係由韓國人每日提供最新韓國旅行資訊嘅Creatrip。
通常講起韓國護膚品，大家都會先諗起Olive Young，但其實今年韓國美容趨勢已經唔再停留喺度，而係已經轉移陣地至韓國藥房，一齊睇下點解咁多人都爭相去韓國藥房買護膚品，又有邊幾款最受歡迎啦！
2025 韓國藥房必買護膚品TOP5
點解韓國人會去藥房買護膚品？
- 成分經過驗證：以藥品為基礎，比一般化妝品效果更顯著！
- 由藥劑師親自推薦：根據皮膚煩惱提供專業度身訂造方案 ！
- CP值夠高：唔洗買超貴名牌化妝品，可以用更平價錢享受更好效果，效果好但價錢平好多 ！
- 唔洗擔心有副作用：藥局所有產品都已經得到食品醫藥品安全處認證！
以前大家可能平時都只會去Olive Young或者指定化妝品牌子嘅鋪頭買嘢，但其實韓國藥局先係護膚品嘅天堂，一齊睇吓韓國最近最受歡迎嘅5款護膚品到底係咩來頭啦！
1. Rejuall修護霜（Dr.Reju-All）
- 功效：再生、鎮靜、保濕
- 核心成分：PDRN 1,200ppm、低分子膠原蛋白 、透明質酸、煙酰胺
- 價錢：₩35,000~/20~60g
今年開始「PDRN」成分備受關注，喺韓國人之間口碑超好！而咁多PDRN產品之中，CP值最高嘅一定係Rejuall修護霜。
呢款修護霜全名叫「Dr.Reju-All」，係啫喱質地，比普通cream更易吸收，而且任何膚質都啱用。透過PDRN進行修復，再加鎮靜成分舒緩刺激，最後再用透明質酸進行深層保濕，唔怪得會被成為萬能修護霜！
特別係韓國女仔們做完醫美療程或者整容之後，去藥房藥劑師都會推薦佢哋搽Rejuall修護霜，加快康復速度！
推薦對象👍🏻
- 唔想搽太多產品 → 3合1全能修護霜，唔洗再搽咁多款！
- 同時有暗瘡印+皮膚乾燥問題 → 修復同保濕一齊搞掂！
- 做完皮膚科/醫美療程 → 一次過進行鎮靜同修復！
- 皮膚敏感、唔敢亂用護膚品 → 一支就可以全面護理！
小貼士💡
- 放雪櫃雪凍用，鎮靜效果即刻提升200%！
- 同其他藥房護膚品一齊用都好夾！
太多人爭怕去要藥房撲空買唔到？
預約定即刻幫你留貨！
2. Noscarna Gel
- 功效：去疤去印
- 核心成分：肝素鈉、尿囊素、右旋泛酼醇
- 價錢：₩12,000-15,000/30g
大家都知韓國人都會非常認真做好護膚，當中佢哋亦都特別重視疤痕護理。Noscarna Gel對紅色疤痕特別有效，無論係擠暗瘡後留低嘅印、手術疤痕、傷口癒合後出現嘅疤痕，用Noscarna Gel就可以淡化色素，唔會留低任何痕跡！
韓國人會喺呢啲情況下用！
- 做完手術拆線之後持續搽一段時間
- 趁暗瘡印仲係紅紅地嘅時候集中進行護理
- 小朋友跌倒有傷口，用嚟預防留疤
- 洗紋身之後都會用佢嚟護理疤痕
3. Acneon Cream
- 功效：祛暗瘡、發炎痘痘等
- 核心成分：克林霉素（抗生素）、維他命A酸
- 價錢：₩8,000-10,000/15g
韓國中學生同大學生一生有膿嘅暗瘡，第一時間就會去搵Acneon Cream搽。夜晚搽完之後瞓，朝早起身會見到真係明顯消咗腫，可以話係暗瘡急救神器！
韓國藥劑師提醒你🚨
- 只可以喺有膿嘅時候用
- 唔好連續用超過7日（因為有抗生素成分）
- 孕婦唔可以用（因為有維他命A酸成分）
4. MelaToning褪黑素祛斑霜
- 功效：祛除色斑、改善色素沉澱
- 核心成分：對苯二酚、維他命A酸、
- 價錢：₩15,000-18,000/30g
韓國夏天陽光好猛，如果唔準備好防曬同遮，皮膚好易出問題！如果已經出現色斑、色素沉澱等問題，韓國人都會用就用MelaToning褪黑素祛斑霜進行護理。
MelaToning褪黑素祛斑霜對色素沉澱、色斑、雀斑特別有效，好多想擁有無瑕皮膚嘅韓國30-40歲女士們都會用。特別係過咗夏天之後，色斑顏色加深想進行淡化，就一定會去藥局買MelaToning褪黑素祛斑霜！
推薦使用方法⭐
- 只可以夜晚用
- 日頭一定要搽防曬
- 會慢慢有提亮膚色效果
5. D-Panthenol軟膏
- 功效：祛除色斑、改善色素沉澱
- 核心成分：D-Panthenol（維他命原B5）
- 價錢：₩8,000-12,000 /50g
韓國人對自然透明嘅底妝好有要求，但如果底妝要化得透明，首先本身皮膚個底要夠好！呢款D-Panthenol軟膏可以舒緩發炎、促進膠原蛋白生成，令皮膚屏障更強壯，從而令皮膚更白滑更靚。
特別係換季嘅時候，韓國人都會買呢款產品搽，就算天氣轉變，皮膚易敏感，搽呢款藥膏可以解決所有問題。
以上介紹嘅產品小編都有親身用過，亦都有推薦過俾身邊嘅朋友。下次嚟韓國唔好淨係去Olive Young或者Daiso，記得一定要去藥房！同藥劑師傾下皮膚煩惱，入手CP值高護膚品，體驗到韓式美容嘅秘密。
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
