Hello，大家好，我哋係由韓國人每日提供最新韓國旅行資訊嘅Creatrip。
大家都知韓國人有幾鐘意飲咖啡，加上韓國嘢食調味料多 比較深色，如果唔好好護理把牙齒，真係好容易變黃... 到底佢哋有咩秘訣可以keep住排牙咁白咁齊?
韓國人口腔/牙齒護理秘笈
刷牙3·3·3法則
韓國有個term叫做3·3·3法則，指嘅係每日早午晚要刷3次牙，每次要刷3分鐘以上，食完飯3分鐘內要去刷牙！所以大家可能都會發現佢哋會照喺地鐵站或者商場等公眾地方刷牙，小編一開頭真心Shock咗..
[블로그] 韓國人每日刷三次牙嘅理由
會自備漱口水&牙線
如果冇辦法刷牙，通常韓國人都會自備漱口水同牙線，或者公司廁所會直接有部漱口水機，所以每次食完lunch喺公司都會見到成村人喺度咕嚕咕嚕漱口（小編仲見過有人帶水牙線返公司用）。最近亦都有見到唔少公司有推出固體牙膏，只可以話韓國人真係非常重視口腔清潔！
牙齒美白療程普遍
韓國人非常注重外貌，認為牙齒夠白可以營造出乾淨企理嘅感覺，所以好多人面試/重要日子前都會去做牙齒美白。可能係因為需求多，韓國牙醫對於美白呢方面技術夠豐富，資源同相關用品都夠高質，重點係韓國牙齒美白療程費用更加只係香港嘅1/3至1/4！
計埋機票都平過喺香港做嘅牙齒美白療程👇🏻
[스팟] 延世Uline牙科（江南站店）
[스팟] 首爾CENTUM牙科醫院（新沙）
[스팟] LE牙科（江南）
[스팟] 延世GOOD DAY牙科診所（江南店）
有定期洗牙習慣
洗牙可以幫手洗走牙菌斑、牙石同頑固牙漬，從而減少蛀牙問題。少少嘅題外話，大家知唔知其實韓國人全部都要投保國民健康保險呢？雖然每個月都要用多一筆錢，但係睇醫生會比較平，而且每年都會包1次洗牙優惠，有投保嘅人唔洗港幣80蚊就可以洗一次牙！
食口腔益生菌
最近小編喺Olive Young發現直情有個corner賣緊口腔益生菌，食呢種益生菌可以有效抑制有害細菌繁殖，從而改善口臭問題，仲可以防止蛀牙同牙周病，正所謂預防勝於治療啊嘛！
陶瓷牙齒貼片
早喺90年代韓國就開始引入陶瓷牙齒貼片技術，喺2000年代陶瓷美白牙貼開始變得更加普遍同大眾化，唔少韓國明星同偶像都有做，不過缺點就係傳統貼片要磨走勁多牙...
所以最近韓國就興起做零磨牙陶瓷牙齒貼片，顧名思義可以完全唔洗磨牙或者只需要磨零點幾mm，而且貼片材料貼近自然牙齒，唔需要箍牙都可以帶到矯正+美白效果，維持時間亦都比傳統陶瓷牙齒貼片更加長！
有興趣做零磨牙陶瓷牙齒貼片？👇🏻
[스팟] MINISH牙科（江南）
[스팟] TU牙科（江南）
以上係小編觀察到韓國人進行口腔同牙齒護理嘅方法，雖然話刷牙、定期去洗牙等等嘅行為可能可以話係常識，但係講真唔係咁易一直keep住做，不如就趁呢個機會一齊好好打理把牙齒啦！
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
