Hello，大家好，我哋係由韓國人每日提供最新韓國旅行資訊嘅Creatrip。
喺韓國變靚嘅成本真係好低，除咗因為韓國社會好重視「外表」之外，變靚嘅方法都超多選擇。所以好多人都想嚟韓國做醫美，但係成日都kick喺「揀診所」呢一步。
好多人都話唔好揀「流水線診所」，咁係咪只要唔係流水線就一定冇問題？邊間先至值得信賴？到底應該點揀？如果唔想喺韓國醫美診所中伏，就一定要睇到最後啦！
韓國醫美診所分類&挑選攻略
講起韓國醫美診所，通常大家都會分為「流水線診所」同「非流水線診所」。但其實韓國醫美診所除咗主打平價高效率嘅「流水線診所」，或者有皮膚科醫生坐陣嘅「非流水線診所」之外，仲有好多介乎兩者之間嘅「私人醫美診所」。
每種醫美診所都有佢嘅優缺點，與其話千祈唔好揀邊一種，不如根據你自己嘅需要、期望同預算，揀最啱你嘅診所，咁先唔會中醫美診所廣告嘅伏！
流水線醫美診所
聽到「流水線醫美診所」呢個term，可能有人會覺得佢哋會hea做療程或者hea諮詢，但其實並唔係咁！
「流水線醫美診所」主打平價同質素穩定嘅醫美服務，如果你只係想做基本療程，其實揀流水線醫美係最抵嘅選擇。而且療程選擇同優惠都比其他診所多，所以好多韓國人做皮膚管理或者基本療程都會揀呢類醫美診所。
連鎖「流水線醫美診所」最大嘅好處就係價錢透明，你唔洗擔心會俾人亂收錢，而且通常都有提供翻譯，就算唔識韓文都唔使驚。
💡邊啲人啱去流水線醫美診所？
⭕️ | ❌ |
|---|---|
預算有限＆著重效率 | 想做強調美感嘅療程 |
只想做基本療程 | 想要度身訂做嘅諮詢 |
有做過幾次醫美 | 重視細節 |
🔎 流水線醫美診所推薦
[스팟] Abijou雅秘珠明洞店（皮膚管理／拉提）
[스팟] Abijou Clinic | 江南分院
[스팟] Xenia Clinic｜外國人都啱嘅江南皮膚護理診所
[스팟] 弘大nBOM Clinic（皮膚管理／拉提）
[스팟] 送輪廓針🎉Dr.Petit朵戈芙蒂皮膚科（皮膚管理／拉提）
[快訊] 弘大專業韓式美容護理｜Dr. Evers 弘大
私人醫美診所
韓國醫美市場需求大，好多醫生喺流水線醫美診所做咗好多年之後就會自己出嚟開私人醫美診所。呢類醫美診所集合咗流水線同非流水線診所嘅優點，專業之餘價錢又唔貴，好啱追求高CP值嘅小資旅客。
而且私人診所嘅醫生通常有自己專長嘅療程，如果你有特定想做嘅項目，搵私人診所最快最方便。
💡邊啲人啱去私人醫美診所？
⭕️ | ❌ |
|---|---|
高CP值 | 想搵超平療程 |
醫美新手 | 臨時想預約 |
有預算考慮 又想要客製化療程 | 重視醫生係咪 皮膚科出身 |
🔎 私人醫美診所推薦
[스팟] LAMINE CLINIC（皮膚管理／拉提）
[스팟] Creatrip首選🎉DIORE（皮膚管理／拉提）
[스팟] 首爾高級皮膚診所｜LE SHINE Clinic
[스팟] Project U（皮膚管理／拉提）
[스팟] 思麗本皮膚科（拉提／Botox／透明質酸／激光護膚）
[스팟] 送美白針🎉Karin Clinic（拉提／美白注射）
非流水線醫美診所
喺韓國所謂嘅「非流水線醫美診所」，係指由皮膚科醫生開嘅皮膚科醫美診所，唔一定係外國人想像中嗰種1對1服務、幫你卸妝、一定有醫生親自諮詢咁。
所以其實喺韓國非流水線醫美診所，都有機會係先由諮詢師同你傾，之後醫生再確認同做療程。而且同流水線診所比，非流水線診所嘅收費比較唔透明，如果你係想預先知道價錢先決定嘅話，就未必咁啱你。
不過非流水線醫美診所最大嘅好處就係醫生本身係皮膚科專科，可以幫你處理皮膚問題。不過相對嚟講，佢哋提供嘅醫美療程選擇會集中啲，未必有你想做嘅療程，所以建議你預約前先問清楚。
而且通常整體氣氛比較靜，幾適合注重細節嘅朋友。但係有啲非流水線醫美診所未必會做外國遊客市場，所以有冇中/英文翻譯都係一個要考慮嘅問題。
💡邊啲人啱去非流水線醫美診所？
⭕️ | ❌ |
|---|---|
有皮膚問題想解決 | 預算有限 |
注重細節 | 想試多啲唔同療程 |
想要客製化療程 | 行程緊迫、臨時想預約 |
🔎 非流水線醫美診所推薦
[스팟] 送精華🎉首爾麗格皮膚專科（頭皮護理／非流水線皮膚管理）
[스팟] 優惠緊🎉弘大BEAUTY BLOSSOM CLINIC（非流水線皮膚管理）
[스팟] ÉCLAT DE（非流水線醫美拉提／肉毒／美白）
[스팟] REPIC CLINIC（非流水線皮膚管理）
韓國醫美診所點揀好？
揀邊種醫美診所，最主要都係睇你預算同埋想解決咩皮膚問題。除咗非流水線、流水線診所，如果你想平啲又想一次過體驗多啲，可以考慮介乎兩者之間嘅私人醫美診所！
如果仲係猶豫唔決，可以參考以下幾點，幫你揀到最唔易中伏嘅醫美診所。
1. 睇返當日行程再揀
通常大家嚟韓國玩都會順便安排醫美療程，如果揀咗啲太偏遠或者離旅遊景點好遠嘅診所，反而會影響成個行程，仲有機會遇到冇中文翻譯嘅情況。
2. 睇下最近啲評價
揀診所之前，一定要睇下最近嘅真實體驗分享，搵啲令你安心嘅地方！同Creatrip合作嘅醫美診所都有真實體驗可以參考，預約前睇清楚就唔怕中伏啦！
3. 用信得過嘅預約平台
直接搵診所預約雖然方便，但有機會遇到回覆慢，或者做手術前好好人，做完之後搵唔到人嘅情況。
我哋Creatrip已經獲得韓國政府認證，除咗可以用中文頁面、用港幣預約，仲有專業客戶服務，萬一做完有咩問題都唔洗驚冇人幫手處理。
💡快速比較表
流水線 | 非流水線 | |
|---|---|---|
諮詢方式 | 多數都係由顧問提供服務 | 比較多會有醫生親自諮詢 |
價格透明度 | 公開透明 | 以套票價錢為主 |
客製化程度 | 標準化 | 度身訂造 |
語言支援 | 有翻譯支援 | 需要預先確認 |
整體氛圍 | 比較繁忙 | 比較寧靜 |
最適合 | 一般護理、基本療程 | 針劑類、著重美感 |
預約方式 | 需要預約 | 需要預約 |
直接參考韓國醫美真實體驗分享！
以上就係關於韓國唔同類型醫美診所嘅簡單介紹，同埋揀選醫美診所嘅時候要留意嘅幾個重點。對於第一次去韓國做醫美嘅朋友嚟講，揀啱診所基本上已經成功咗一大半！希望呢篇文可以幫到想嚟韓國做醫美嘅大家啦~！
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
