Hello，大家好，我哋係由韓國人每日提供最新韓國旅行資訊嘅Creatrip。
Netflix年度鉅獻《KPop Demon Hunters/K-Pop 獵魔女團》講述三位同時身任韓國頂級女團成員，用歌聲守護人間同地獄之間嘅結界「魂門」嘅惡魔獵人，同嚟自地獄、吸取人類靈魂嘅男團成員「Saja Boys」。一開始小編覺得好似好幼稚咁，但係無論配樂定畫面都非常精彩，令唔少人一睇就上癮。
而呢套戲嘅背景就係韓國，劇中有好多韓國文化同旅客熟悉嘅韓國景點，一齊嚟睇下《KPop Demon Hunters》出現咗邊啲地方啦！
圖片來源：Netflix
韓國古裝劇經常出現嘅
韓國傳統吊飾「노리개（Norigae）」
原來可以自己親手整返個！
[스팟] LEESLE仁寺洞店（韓服傳統掛飾DIY）
[스팟] LEESLE弘大店（韓服傳統掛飾DIY）
[스팟] Danha韓服傳統掛飾/小化妝包DIY
《K-Pop 獵魔女團》景點
1. 奧林匹克主競技場(올림픽주경기장)
- 地址：서울 송파구 올림픽로 25
由《Kpop獵魔女團》開頭嘅演唱會到後來偶像大賞，都係喺追星族最熟悉嘅「奧林匹克主競技場」舉辦。如果現實世界真係有「魂門」，可以容納6萬人嘅奧林匹克主競技場絕對係凝聚粉絲能量嘅最佳場地！
[스팟] SBS《人氣歌謠》門票訂購
[스팟] 三星Galaxy S Ultra手機租借（Snapshoot奧林匹克公園店）
[스팟] 三星S23/S24/S25 Ultra手機租借（仁川機場借還）
2. 樂天世界塔(롯데월드타워)
- 地址：서울 송파구 올림픽로 300
《Kpop獵魔女團》入面HUNTR/X總部位於一座摩天大樓嘅頂部，大家應該都可以聯想到韓國最高嘅「樂天世界塔」！雖然外形唔係完全一樣，但係感覺好熟悉。由高樓俯瞰首爾夜景嘅場景，都好明顯係樂天塔展望台「Seoul Sky」，大家不妨可以去打卡！
[스팟] 65折🎉首爾樂天世界門票
[스팟] 85折🎉蠶室樂天塔觀景台Seoul Sky門票
3. COEX(코엑스)
- 地址：서울 강남구 영동대로 513
HUNTR/X新歌《Golden》發佈嘅時候曾經一閃而過嘅呢個畫面，大家有冇覺得好眼熟？冇錯，呢度就係COEX嘅3D巨型螢幕，同實際場地一模一樣！
[블로그] 2025三成洞COEX美食8間推薦
4. 明洞(명동)
- 地址：서울 중구 명동
講起《Kpop獵魔女團》最令人容易認出嘅場景，一定係連外國遊客都好熟悉嘅「明洞」。劇中Rumi失聲，Zoey帶佢去韓醫院嘅場景，就係充滿小食攤嘅明洞大街啦！
[블로그] 首爾明洞16種街頭小吃試吃/評比
而Saja Boys街頭表演嘅地方都好很明顯睇得出係明洞商圈，大家有冇覺得好熟悉呢？
[블로그] 2025明洞美食25間必吃懶人包
5. 北村韓屋村(북촌한옥마을)
- 地址：서울 종로구 계동길 37
最能夠反映韓國歷史嘅亦都唔少得韓屋，而Rumi同Jinu私下見面嘅背景可以見到有唔少韓屋，一睇就知係景福宮隔離嘅「北村韓屋村」！
6. 駱山公園(낙산공원)
- 地址：서울 종로구 낙산길 41
Rumi同Jinu再次見面（仲比路過賣手環嘅阿姨搭訕）嘅地方就係位於惠化站附近嘅「駱山公園」，古老城牆沿住山坡延伸，行上去就可以俯瞰首爾市景，好多韓劇都會喺度取景！
7. 清潭大橋(청담대교)
- 地址：서울 광진구 자양동 820
HUNTR/X相當熱血嘅地鐵車廂打鬥場面，其實就係以由清潭站去紫陽站嘅「清潭大橋」做背景，眼尖嘅你有冇發現到呢？
8. 紫陽站(자양역)
- 地址：서울 광진구 자양동 71-2
打鬥場面完咗之後，HUNTR/X未能救到車廂入面嘅乘客，落車嘅地點就係以前叫「纛島遊園地站」，而家叫「紫陽站」嘅2號線地鐵站。喺呢度落車除咗可以打卡《Kpop獵魔女團》場景，仲可以順便去纛島漢江公園野餐！
[블로그] 建大「纛島漢江公園」探訪
9. 濟州民俗村 西娘堂(제주민속촌 서낭당)
- 地址：제주 서귀포시 민속해안로 631-34
《Kpop獵魔女團》入面，只要Celine出場就會見到嘅呢棵大樹，原來喺韓國真係有呢個地方！最相似嘅就係濟州民俗村嘅「西娘堂」，大樹上纏住布條，有祈福同祝願嘅意思。
10. 南山N首爾塔(N서울타워)
- 地址：서울 용산구 남산공원길 105
HUNTR/X最後打敗鬼魔嘅場景係韓國著名地標「N首爾塔」，aka南山塔，不過現實中呢度其實冇演唱會場地XD
[스팟] 9折🎉南山N首爾塔觀景台門票（即買即用）
以上係小編整理嘅《KPop Demon Hunters/K-Pop 獵魔女團》10個景點，小編自己最近不斷loop緊戲入面啲歌（真係勁洗腦！），唔知大家又鍾唔鍾意呢套Netflix電影呢？
一齊去睇真·偶像表演啦！
[스팟] 2025 K-WORLD DREAM AWARDS
[스팟] SBS《人氣歌謠》錄影入場券（包首爾半天團）
[스팟] SBS MTV THE SHOW 門票 + MVP首爾之旅
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
