Hello，大家好，我哋係由韓國人每日提供最新韓國旅行資訊嘅Creatrip。
最近越嚟越多人嚟韓國做激光矯視手術，但係始終係同對眼有關，網上資料唔多，而且價錢都唔係話好平，難免會令人卻步。今日就等小編幫大家整理一連串同韓國激光矯視有關嘅常見問題，解答大家心中疑慮啦！
韓國激光矯視常見問題
韓國手術FAQ
Q1. 喺韓國做激光矯視有咩好處？
A：喺韓國做近視激光手術嘅價錢平過香港好多，呢層係因為韓國發展咗呢個範疇已經有一段時間，價錢夠穩定，所以基本上費用只會係香港嘅一半甚至更低。加上技術先進，做完SMILE LASIK微笑激光矯視第二日已經可以恢復日常生活，就算加埋機票住宿費用，順便嚟玩埋一齊都抵。
Q2. 喺韓國做激光矯視有冇保障？
A：記住要搵有韓國政府認證、有專業醫療牌照、同埋蔡司（ZEISS）認證嘅合法診所。另外為安全起見，建議搵無事故認證嘅醫院。而Creatrip推薦嘅地方全部都係專業、合法、有經驗嘅眼科診所。
Q3. 需要請幾多日假去？
A：如果做SMILE系列手術（SMILE LASIK、SMILE PRO），基本上第二日覆診一次就可以恢復日常生活，所以建議喺韓國留最少三日，適合時間緊逼或者只係plan住嚟一段短時間嘅朋友；如果係做其他唔係Smile系列嘅手術，就要睇返手術類型，建議留七日到一個月。
Q4. 需唔需要喺香港做完檢查之後先再去韓國？
A：全部眼科診所做手術之前都會幫你做詳細檢查，但係如果怕一場嚟到最後無辦法做手術嘅話，都可以事先喺香港眼科診所做定檢查，睇吓對眼啱唔啱做矯視手術，或者啱做邊款矯視手術。
矯視手術FAQ
Q1. 幾多度先可以做激光矯視？
A：其實冇話要幾多度先可以，判斷可唔可以做手術主要睇屈光不正、角膜厚度同角膜形狀，唔係淨係睇度數，呢方面交俾專業醫生幫大家判斷就得！
Q2. 有散光都做得激光矯視？
A：可以！所有近視激光矯視手術都可以順便矯正埋散光，如果冇近視但散光比較嚴重，都可以淨係做矯正散光嘅手術。
Q3. 兩隻眼度數差好遠，手術可唔可以淨係做一隻眼？
A：如果兩隻眼視力差距大，只要唔係弱視或者有其他併發症，都可以淨係做一隻眼，幫你平衡視力。
Q4. 有乾眼症都可以做？
A：乾眼症都可以做，不過醫院會睇下你乾眼症嚴唔嚴重，如果嚴重可能要先治療乾眼症，之後先做矯視手術。
Q5. 有白內障/先天弱視可唔可以做激光矯視？
A：建議你先治療相關症狀，痊癒後再做激光矯視。
Q6. 會唔會因應年齡預留老花空間？
可能大家會覺得如果有輕微近視，老咗之後就會因為老花而好返，但其實近視同老花係同時並行嘅症狀，就算解決咗近視問題，將來都可能會有老花，同矯視手術冇直接關係。
Q7. 有遠視/老花可唔可以做激光矯視？
A：可以。
Q8. 激光矯視手術可唔可以退稅？
A：唔可以。
Q9. 去到先發現唔可以做矯視手術嘅話會唔會退返錢？
A：建議你嚟韓國之前，喺台灣先檢查清楚自己啱唔啱做近視激光，睇下有冇視網膜破洞、剝離、白內障、青光眼等嚴重問題。
Q10. 外國人可以喺韓國進行醫療行為？
A：用旅遊簽證或者免簽證入境韓國，都可以做非營利、非就業嘅醫療行為，香港旅客唔需要擔心。
Q11. 做完手術可唔可以做醫美療程？
A：只要唔係同眼部相關嘅療程都可以做，如果係眼部醫美療程（例如開眼頭、割雙眼皮），建議最少等三至六個月先好做。
Q12. 未成年可以做手術嗎？
A：等近視度數穩定咗先做激光矯視較佳，建議成年後先做。
預約/手術療程FAQ
Q1. 會唔會有翻譯全程陪同？
A：只要透過Creatrip預約，即刻會免費幫你安排中文/英文翻譯，由檢查到手術結束都會全程陪住你。
Q2. 手術當日要預留幾多時間？
A：當日需要進行詳細檢查（約1.5-2小時）、手術、亦都會有術後護理同休息時間，建議預留4-5個鐘。
Q3. 手術本身要幾耐？
A：每個人都唔同，不過一般5-15分鐘內就可以做完。
Q4. SMILE LASIK微笑激光矯視係咪最好嘅手術？
A：因為每個人眼睛情況唔同，所以適合嘅手術都會唔同。不過SMILE LASIK係現時技術入面，對眼睛損傷最少、恢復最快嘅手術（第二日已經可以恢復正常生活）。
Q5. SMILE PRO又係咩嚟？
A：SMILE PRO係蔡司Smile機型升級版（型號由500升級到800），手術時間更短，激光更精準，對矯正散光都更好，恢復期同SMILE LASIK微笑激光矯視差唔多。
Q6. 所有眼科都有提供SMILE LASIK矯視手術？
A：唔一定！首先「SMILE LASIK」係一個攞咗專利嘅名稱，所以如果大家見到有診所聲稱自己有提供「微笑全飛秒」或者「笑容全飛秒」，其實都唔係得到ZEISS蔡司認證嘅機型同療程。另外大家記住要搵有ZEISS蔡司認證、冇出過意外、執業夠經驗嘅診所或者醫生。而Creatrip推薦嘅診所全部都符合上述要求，大家可以安心預約！
矯視手術術後FAQ
Q1. 手術後下一日洗唔洗覆診？大約要喺韓國留幾多日？
A：為咗確保傷口可以順利癒合，建議手術後最少喺韓國留三日左右（最少要確保第二日可以覆診）。
Q2. 手術後會唔會完全睇唔到嘢？如果會又要等幾耐視力先會恢復？
A：手術後因為瞳孔放大劑同麻醉未退，頭30-60分鐘會覺得好矇，要喺醫院休息室眯埋眼休息。術後3-4個鐘之後，模糊嘅感覺會慢慢消退，視力會恢復到大約0.8。不過可能會畏光、流眼水，建議當日直接返屋企休息。
Q3. 如果發生咩問題點算？
A：矯視手術成功率超過99%，我哋介紹嘅診所都係得到ZEISS蔡司認證、冇出過意外嘅醫院。
Q4. 可能會出現嘅後遺症？
A：每個人情況唔同，醫生會喺諮詢嘅時候同你解釋清楚手術風險。一般嚟講，眼睛酸痛症狀可能會維持4個鐘到2~3日，一星期內會慢慢好轉。做完手術1個禮拜後就可以做輕量運動，3個禮拜之後就可以去打波、游水等等。而做完SMILE LASIK微笑激光矯視第二日已經可以恢復日常生活。
Q5. 之後如果想喺香港覆診/做檢查要點算？
A：可以喺韓國診所申請英文病歷，返到香港之後去眼科診所覆診就得。
Q6. 之後長期用電腦會唔會再近視？
A：會，所以做完激光矯視手術都要保持良好用眼習慣。
Q7. 幾時可以戴Color con/美瞳？
A：LASEK/LASIK手術後六個月內唔建議戴；Smile全飛秒手術後一個月內唔建議戴（但如果真係要戴，記住唔好戴太耐，而且要keep住滴人工淚液）。
Q8. 激光矯視手術可唔可以申請保險？
A：一般醫療保險唔包激光矯視手術，但如果做乾眼症M22-IPL、白內障等治療就可能可以報，建議問清楚你間保險公司。
Q9. 做完激光矯視搭飛機會唔會影響眼壓或者恢復速度？
A：唔會。
Q10. 手術後會唔會出現併發症或者加速青光眼？
A：做激光矯視唔會增加老花、白內障或者青光眼等風險。
Q11. 手術後要點樣護理眼睛？
A：手術後一星期到六個月內，眼睛可能會變得比較乾，建議用人工淚液，跟足醫生指示休息，千祈唔好捽眼或者撞到眼。
Q12. 手術後可唔可以飲酒食煙？
A：全飛秒手術第二日已經可以正常生活，但建議少飲酒少食煙，避免煙酒刺激令眼發炎。
Q13. 手術後可唔可以做運動？
A：一般重量訓練運動可以做，但要避免撞到眼或者汗水入眼。劇烈運動、打波、出汗多嘅運動建議一星期後先做。
有興趣韓國做激光矯視手術？
[스팟] 江南明目眼科
[스팟] B&VIIT眼科（江南）
[스팟] S&B眼科醫院（狎鷗亭）
[스팟] 江南好眼睛眼科
如果有更多想知嘅內容，都可以隨時留言或者dm話俾我哋知：）
Mail：help@creatrip.com
