Hello，大家好，我哋係由韓國人每日提供最新韓國旅行資訊嘅Creatrip。
Rejuran麗珠蘭水光針就聽得多，但係點解咁多人嚟韓國打？黑盒紅盒藍盒又有咩唔同？今日就等小編幫你詳細整理Rejuran麗珠蘭水光針相關資訊，記住要做好功課先book啦！
必知韓國醫美情報💡
[블로그] 韓國「HIFU/海芙音波/韓版超聲刀」介紹&價錢
[블로그] 韓國「Botox/肉毒桿菌」介紹&價錢
韓國Rejuran麗珠蘭水光針攻略
Rejuran麗珠蘭水光針簡介
「麗珠蘭（Rejuran）」係韓國再生醫學護理品牌，旗下有護膚品、Skin Booster、水光針等多種醫美同家用護理系列產品，近年喺韓國同亞洲地區都好受歡迎，其中最出名嘅就係「修復水光針」。
傳統水光針主要係補水保濕，成分以透明質酸為主；而Rejuran麗珠蘭水光針就主打激活皮膚自我修復能力，核心成分係由三文魚精子提取嘅PDRN同三文魚精囊入面嘅PN。
根據Rejuran麗珠蘭官方實驗數據，三文魚DNA同人體細胞相似度高達99%，所以喺促進皮膚再生、抗炎、修復受損皮膚方面效果特別好，令Rejuran麗珠蘭水光針成為近年醫美界最受關注嘅「養膚型水光療程」之一。
Rejuran麗珠蘭水光針施打方式
Rejuran麗珠蘭水光針有兩種施打方法，包括係「手打」同「機打」。呢兩個方法除咗疼痛程度唔同，喺注射深度、效果同復原期長短方面都有分別。
「機打」通常用水光槍、微針等儀器，以高速連續點刺方式將藥劑注入皮膚，優點係速度快而且冇咁痛，就好似打Potenza黃金微針咁，相對上比較容易接受。
不過用機打嘅話深度比較難控制得準，仲有機會出現藥劑滲漏問題。所以如果大家唔怕痛嘅話，更加推薦去試「手打」嘅Rejuran麗珠蘭水光針。
相較之下，「手打」方式顧名思義係由醫生用針進行注射，可以根據皮膚狀況調整深度同劑量，令藥劑可以達到真皮層，效果會更加集中同明顯。
但係呢個好講求醫生技術，而且即使做咗麻醉，過程中都會feel到刺痛，而且做完之後通常會有一點點腫起同會有啲瘀，症狀會維持幾日，所以唔適合幾日後即刻有重要行程嘅人去打。
Rejuran麗珠蘭水光針全系列介紹
常見嘅醫療級注射型Rejuran麗珠蘭有4款，每款喺成分、包裝同適用部位都有少少分別，所以大家通常都會用包裝盒顏色去區分。
1. Rejuran Healer(리쥬란 힐러)
Rejuran Healer又被稱為「麗珠蘭黑盒」，係最經典同最出名嘅一款。講起「Rejuran麗珠蘭水光針」，大部分人講嘅都會係呢款！
Rejuran Healer每盒有兩支（每支2cc），含有高濃度PN 2%成分，主打深層修復同全面提升膚質。除咗基本保濕，仲可以有效改善受損皮膚、淡化暗瘡印，所以好多醫美中心都會叫佢做「萬能水光針」。不過缺點就係痛感比較明顯，就算有做麻醉，打嘅時候都可能會覺得痛。
2. Rejuran HB/HB Plus(리쥬란 HB플러스)
Rejuran HB又叫做「麗珠蘭紅盒」，每盒有一支（每支1cc），主要成分係PN 1%同透明質酸1%。Rejuran HB係專為保濕同提亮膚色設計嘅進階版，好適合皮膚暗啞、乾燥或者想提升皮膚水潤光澤感嘅朋友們。
另外，紅盒係全系列唯一加入麻醉成分嘅Rejuran水光針，打嘅時候會明顯冇咁痛。如果你怕痛，或者第一次試麗珠蘭療程，紅盒係一個唔錯嘅入門選擇。
3. Rejuran I(리쥬란 아이)
Rejuran I又叫做「麗珠蘭白盒」或者「麗珠蘭眼部水光針」，每盒有一支（每支1cc），主要成分係PN 1%同多種活性成分。成分上嚟講「白盒」可以話係輕量版嘅「黑盒」，質地比較輕盈、黏性低，好適合用喺眼部等皮膚比較薄嘅位置。
佢除咗有眼周保濕同緊緻效果，仲可以改善乾燥同細紋問題。如果你有眼周暗沉、細紋煩惱，Rejuran I 麗珠蘭白盒會係一個溫和又有效嘅選擇。
4. Rejuran S(리쥬란 에스)
Rejuran S又被稱為「麗珠蘭藍盒」，每盒有一支（每支1cc），雖然都係含有1% PN成分，但係佢係麗珠蘭水光針當中最杰嘅一款。麗珠蘭藍盒額外加入抗炎因子，低刺激配方特別適合敏感肌或者修復深層暗瘡印同皮膚凹凸洞。
如果你有油脂分泌失調、暗瘡印甚至係疤痕、毛孔粗大或者皮膚粗糙等煩惱，Rejuran S可以幫你針對性解決上述問題。
💡注射型Rejuran麗珠蘭水光針大比較
Rejuran Healer (黑盒) | Rejuran HB (紅盒) | Rejuran I (白盒) | Rejuran S (藍盒) | |
成分特色 | 2% PN | 1%PN+ 1%玻尿酸+麻醉 | 1% PN+ 多重活性成分 | 1% PN+ 抗炎因子 |
主要功效 | 加強皮膚 全面修復力 | 保濕亮白 | 淡化眼周 提亮 改善細紋 | 改善痘疤 深層修復 |
施打建議 | 可全臉施打 手打/機打⭕ | 可全臉施打 手打/機打⭕️ | 眼周 多數係手打 | 局部注射 多數係手打 |
適合對象 | 想改善膚況 唔怕痛嘅人 | 乾性皮膚 怕痛嘅人 | 眼周有細紋 希望延緩初老 | 油性皮膚 暗瘡印煩惱 |
Rejuran麗珠蘭水光針副作用
雖然Rejuran麗珠蘭水光針嘅主要成分PN同人體相容，亦已經通過韓國KFDA同歐盟CE認證，但有啲打完之後，腫起一粒粒嘅症狀可能會持續1至3日，安排旅行行程嘅時候要特別注意。
另外因為每個人體質唔同，仍然有機會出現紅腫、瘀青、腫脹或者過敏反應。雖然唔洗太擔心，但打針之前要自行評估，揀有專業同信譽嘅診所，確認自己有冇對特定成分敏感，咁先可以減低副作用風險。
香港Rejuran麗珠蘭有唔同？
Rejuran Trueskin Essence
Rejuran Elaskin Essence（麗珠蘭紫盒）
另外香港亦都有兩款韓國本地冇嘅Rejuran麗珠蘭精華，包括被稱為貴婦水光嘅Rejuran Trueskin Essence同可以緊緻肌膚嘅Rejuran Elaskin Essence（麗珠蘭紫盒）。
出現呢兩款product嘅原因係因為雖然 PN 成分比較持久，但係喺好多國家都得唔到認可，所以麗珠蘭就推出咗幾款用水解PRDN成分代替嘅版本。但係呢幾款都唔可以好似普通麗珠蘭咁注射到真皮層，只可以用微針或者美容儀搽喺臉上面。
所以如果想體驗效果更明顯嘅注射型Rejuran麗珠蘭，嚟韓國打係最直接又抵嘅選擇。
Rejuran麗珠蘭診所推薦
Rejuran麗珠蘭水光針係韓國醫美診所超受歡迎嘅療程，幾乎所有大型診所都有提供。不過因為係會用針注射落真皮層，揀診所時都要多啲比較同睇清楚評價。
小編今次都有幫大家整理咗幾間打Rejuran水光針口碑唔錯嘅診所，推薦大家有興趣可以入去睇下評論，揀返間最啱自己嘅中心去做！
[스팟] S麗本（拉提/肉毒/玻尿酸/雷射護膚）
[스팟] 弘大nBOM Clinic（皮膚管理/拉提）
[스팟] Project U（皮膚管理/拉提）
[스팟] Monet Clinic（皮膚管理/拉提）
[스팟] 延世路皮膚科診所（皮膚管理/拉提）
[스팟] 初體驗優惠🎉江南詩麗雅（肉毒/水光針/雷射）
[스팟] 送肉毒施打🎉江南Onlif（皮膚拉提/美白護膚）
以上就係小編今次幫大家整理有關韓國水光針Rejuran麗珠蘭嘅攻略，希望可以幫到大家瞭解各款水光針嘅分別同揀最啱自己嘅韓國醫美診所，輕鬆變靚！
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
