Hello，大家好，我哋係由韓國人每日提供最新韓國旅行資訊嘅Creatrip。
最近大家唔單止會做頭髮treatment，更加會注重埋頭皮護理，由根源解決問題！而韓國嘅頭皮SPA亦都非常出名，今日小編就去到喺江南好出名嘅「MOCLOCK」做頭皮護理，一齊跟住去睇吓啦！
江南「MOCLOCK」資訊
- 地址：서울 강남구 강남대로 520 영동빌딩 2F
- 營業時間：星期一至五 10:30 - 21:00
- 可預約時間：星期一至五 10:30-11:30 / 13:00-19:00
- 語言：韓文、英文
江南「MOCLOCK」推薦原因
- 提供客製化高級頭皮護理，無論係日常護理定想解決脫髮問題都得！
- TXT HUENINGKAI等人氣韓星同KOL都有幫襯過，服務質素有保證！
- 提供各種頭皮護理療程，無論係深受頭皮發炎問題困擾，定係想解決脫髮、甩頭皮、頭皮痕癢、出油過多問題，都一定有一款療程啱你！
- 行100%預約制，現場亦都有獨立房，私隱度夠高！
- 透過Creatrip預約嘅話仲可以免費做頭皮監測&諮詢（原價₩30,000）！
江南「MOCLOCK」價錢
選項 | 價錢 | 簡介 |
脫髮護理療程（1小時） | ₩98,000 （98000） | 脫髮治療、膠原蛋白刮棒療程、Aqua Punch水壓頭皮護理、皇牌洗髮、生髮LED光療 |
強化頭皮護理療程（1小時） | ₩98,000 （98000） | Ozone蒸氣護髮、頭皮刮痧、02 jet、Aqua Punch水壓頭皮護理、皇牌洗髮、滋潤LED光療 |
※本頁面所標示嘅價錢以韓幣為準，港幣幣值會因應即時匯率而浮動。
江南「MOCLOCK」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
江南「MOCLOCK」注意事項
- 請最少喺2日前完成預約，你亦可以喺60日前進行預約。
- 同時段最多可預約4個項目。
- 體驗當日請準時到達。
- 為咗瞭解你嘅頭皮狀況，進行療程前會先進行諮詢，到時候可以向療程師講你有咩頭皮問題、平時會點護理頭皮同用咩頭髮產品等等。
- 如果你嘅頭皮比較敏感，有可能會出現過敏情況，預約前請注意。
- 為確保每位客人都可以充分享受療程，請跟住職員指示進行體驗。
- 如果想更改預約，或有任何疑問，請send email到help@creatrip.com查詢。
江南「MOCLOCK」預約流程
- 撳「揀日期」開始預約，請確保已選擇正確選項，並詳細輸入所有相關資訊及支付訂金
- 我哋會喺3個工作天內確認預約，如果需要更改日期/時間我哋會另外通知你
- 體驗當日請準時到達，向職員出示預約記錄
- 體驗後請支付扣除訂金後金額
江南「MOCLOCK」介紹
小編今日嚟到位於江南論峴站附近嘅頭皮管理專門店「MOCLOCK」做treatment！
鋪頭入面好乾淨企理，亦都放滿各種同頭皮、頭髮有關嘅產品，如果大家想離開韓國之後繼續保養好頭皮同頭髮，不妨可以買返幾支返去。
門口貼滿唔少明星同KOL嘅簽名，連TXT HUENINGKAI都有嚟過！
Show咗預約記錄俾職員睇之後就可以填表，入面會問你平時嘅生活模式、點管理頭皮等等，之後專家就會根據呢份表進行諮詢。
而家透過Creatrip預約仲可以做埋免費頭皮檢測同諮詢，平時去做要成₩30,000（30000）㗎！
咁樣望到自己塊頭皮都幾赤裸XD 小編平時頭髮容易出油，而且之前有漂過頭髮，所以都幾擔心自己頭皮到底健唔健康。不過專家話小編頭皮算幾靚，不過因為有啲乾，所以會見到有少少頭皮，呢個問題可以透過做treatment解決！
跟住就正式去做療程啦！職員帶咗小編入一間1人獨立房，由洗頭到頭皮護理成個過程都會喺呢度完成，私隱度夠曬高！而小編今日要做嘅treatment叫做「強化頭皮護理療程（Power Scalp Scaling）」，一齊睇吓係點㗎啦！
瞓好之後首先會做Ozone蒸氣護髮，用蒸汽整濕頭皮同頭髮，同時打開頭皮毛孔，為下一步做好準備。
之後就係呢個treatment嘅重點之一 —— 頭皮刮痧！專家會用專用梳搽少少專用藥劑，然後開始做刮痧，勁舒服！
然後就到 02 jet，機器會噴出暖暖哋嘅蒸汽，鎮靜返啱啱做完刮痧嘅頭皮，更加可以令頭先搽嘅藥吸收得快啲！
Aqua Punch水壓頭皮護理顧名思義就係用高水壓去按摩同整理頭皮，平時好少機會可以咁樣護理頭皮，過程仲好舒服！
之後就會去洗頭！可能因為呢度係頭皮護理專門店，職員全部手勢都好好，舒服過平時喺髮型屋洗頭好多，而且洗得好仔細！
最後就會做埋滋潤LED光療，將滋潤精華搽落頭皮，可以解決頭皮乾燥問題。
做完treatment之後就可以去化妝室，呢度有齊梳、風筒、棉花棒、髮尾油等等，等大家可以吹乾個頭之後再整理一下儀容先去下一個行程！
小編覺得做完療程之後髮質變好咗，而且真係冇以前咁容易頭痕同出油，小編超滿意效果！平時想做頭皮護理但係唔知去邊度做嘅朋友們不妨可以考慮嚟江南「MOCLOCK」，體驗韓式頭皮護理療程！
江南「MOCLOCK」前往方法
喺論峴站（논현역）3號出口出。
直行。
見到下一條馬路之前繼續直行。
行入上圖呢個門口。
行樓梯上2樓。
咁就到江南「MOCLOCK」啦！
以上係江南「MOCLOCK」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
