弘大韓妝體驗 | ROA.MAKEUP

Hello，大家好，我哋係由韓國人每日提供最新韓國旅行資訊嘅Creatrip。

韓國作為美容大國，無論係醫美定化妝髮型都非常緊貼潮流！今日就等小編帶大家去一間位於弘大嘅化妝Studio，體驗專業韓妝服務同學化妝啦！

撳我睇價錢&預約資訊👇🏻

弘大「ROA.MAKEUP」資訊

• 地址：서울 마포구 와우산로29길 4-30 102호
• 營業時間：07:00 - 21:00

弘大「ROA.MAKEUP」化妝師資歷

弘大「ROA.MAKEUP」真實體驗

今日小編嚟到「ROA.MAKEUP」，呢間化妝Studio位於弘大入口站徒步6分鐘距離，交通好方便！

今日嘅化妝師叫做ROA，佢有成15年化妝經驗，曾經幫過唔少外國明星、KOL等名人提供妝髮服務，而且仲持有各種證書，實力有保證！

Studio裝修以白色為主調，環境夠闊落乾淨！而化妝枱上都放滿各種化妝用品同道具，令小編好期待今日嘅體驗！

雖然Studio都有準備好洗臉用品，不過都建議大家素顔咁去！因為小編有陰，化妝師都好sweet咁幫小編夾起咗~

平時去呢種化妝體驗，通常都係幫你搽少少護膚品或者防曬就算，不過呢度會幫你先敷面膜，咁可以令皮膚更加水潤之餘仲可以降低皮膚溫度，令底妝更加貼服！

跟住就會喺呢個狀態之下開始化眼妝，化妝師會建議大家攞住塊鏡，咁就可以睇得仔細啲。

然後就到小編自己試吓化，化妝師都會好仔細咁幫大家睇，如果需要幫手都可以隨時同佢講！

眼影可以話係眼妝嘅其中一個靈魂部份，因為可以令對眼睇落更加深邃同立體！另外化妝師話喺畫眼線之前最好用比較深色嘅眼影畫定一條guideline，咁就唔會咁易失敗啦！

畫眼線嘅時候化妝師有問小編平時畫開咩style，之後就會按照客人嘅喜好教大家點可以畫得更加靚更加貼合而家嘅風格！

因為小編從來未試過用呢個方式畫眼線，所以一開始覺得好難上手，不過化妝師都會好仔細咁教！

小編覺得眼妝最重要嘅係眼睫毛！平時睇韓國節目都會見到化妝師用打火機燒熱木棍，然後加熱眼睫毛去固定捲度，今次嚟到呢度終於可以體驗到啦！

到小編整嘅時候雖然好興奮，但係點火呢下都真係幾恐怖XD 不過只要跟住化妝師指示就會成功！

最後畫埋臥蠶就化完眼妝啦！

跟住就會撕走面膜，簡單搽完保濕cream同防曬之後就會上底妝！化妝師會幫大家揀最啱膚色嘅粉底，令膚色睇落唔會咁假或者太白/暗沉。

小編係第一次用粉底掃上粉底，用完之後覺得比起用海綿或者粉撲上嘅粉底會更加透薄，搞到小編都好想去買返支XD

通常想提亮某個部位都會用highlighter，不過化妝師話其實用白一個色號嘅遮瑕液效果會更加自然，呢個方法小編到而家都仲用緊！

搽埋陰影同highlighter就差唔多完成啦！

最後用唇筆勾畫唇形，再搽埋唇膏就大功告成啦！小編平時鍾意搽Overlip唇妝，不過好容易就會畫到好唔自然，今次有化妝師教落，都學到幾個小貼士~

最後化妝師仲幫小編整理咗頭髮！因為化妝嘅時候化妝師會盡量反映客人要求，同時亦都會向客人推薦啱對方嘅化妝方法，所以小編真係好滿意最終成果！

上完堂之後大家仲可以影低覺得好用嘅product或者化妝工具，之後跟住去買~

小編上完呢個化妝班之後都會用當日學過嘅技巧去化妝，個人覺得真係獲益良多！如果大家都想體驗正宗韓式化妝，推薦大家嚟「ROA.MAKEUP」！

弘大「ROA.MAKEUP」前往方法

喺弘大入口站（홍대입구역）7號出口出。

向右邊直行。

繼續直行。

行到十字路口之後轉右。

直行。

喺路口轉左。

直行。

繼續直行，見到分岔路嘅時候行入最右邊條路。

直行。

行前少少，轉入左邊條小路。

直行。

再直行就會見到「ROA.MAKEUP」嘅招牌。

咁就去到啦！

撳我預約👇🏻

以上係弘大「ROA.MAKEUP」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

✨Instagram：creatrip.hk

🔎Facebook：Creatrip 帶你認識韓國每一面

Mail：help@creatrip.com