Hello，大家好，我哋係由韓國人每日提供最新韓國旅行資訊嘅Creatrip。
對香港人嚟講，相信雞腳唔係一個陌生嘅嘢食，不過香港雞腳通常都係用嚟煲湯或者整鳳爪，而韓國嘅雞腳大部份都係辣㗎！今日就等小編介紹一間位於延南洞嘅韓式雞腳餐廳俾大家啦！
弘大「青年雞爪1987」資訊
- 地址：서울 마포구 동교로 218-1
- 營業時間：15:00 - 03:00
- 可預約時間：星期一至四 15:00 - 01:00（預約時段以1小時為單位）
- 語言：韓文、英文
弘大「青年雞爪1987」推薦原因
- 有好多韓國電視節目都有介紹過「青年雞爪1987」，味道有保證！
- 雞腳係韓國人最鍾意嘅下酒菜之一，可以自由揀食有骨/無骨、湯/碳燒等等，仲有各種韓國美食可以配住一齊食！
- 可以體驗韓國超道地布帳馬車同飲酒文化！
- 餐廳位於延南洞，附近有好多小店、藝術展覽等等可以行！
- 喺弘大入口站行5分鐘就到，交通夠方便！
弘大「青年雞爪1987」價錢
魚糕串&雞腳（有骨湯雞腳） | ₩33,000 |
魚糕串&雞腳（無骨烤雞腳） | ₩35,000 |
魚糕串&雞腳（無骨湯雞腳） | ₩36,000 |
弘大「青年雞爪1987」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
弘大「青年雞爪1987」注意事項
- 請最少喺3日前完成預約。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 請準時到達，如果遲到超過10分鐘，預約將自動被取消，屆時將不設退款。
- 嚴禁攜帶及進食外來食物。
- 如果想更改預約，或者有任何問題，請send email到help@creatrip.com查詢。
弘大「青年雞爪1987」預約流程
| STEP 1. | 撳我預約 |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
弘大「青年雞爪1987」介紹
今日小編同朋友嚟到位於延南洞嘅「青年雞爪1987」！韓式雞腳係韓國人飲酒或者想食宵夜嘅時候經常會去食嘅嘢食，對西方國家嘅遊客嚟講可能會有啲恐怖，不過相信大家都應該會好鍾意！「青年雞爪1987」仲有上過韓國著名飲食節目《週三美食匯（수요미식회）》，味道有保證！
餐廳裝修非常懷舊，就好似真係返咗去1987年嘅布帳馬車咁！呢度有室內同戶外位可以揀，因為小編去嘅時候天氣好好，所以就決定坐外面~！
呢度連水壺同水杯都係用韓國米酒酒壺同黃銅碗，超特別！
小編同朋友預約咗「魚糕串&雞腳（無骨湯雞腳）」，侍應首先會上基本小菜。上面呢碗係芽菜湯，小編推薦大家可以將芽菜放落湯雞腳入面一齊食，口感同味道會更加好！
小編仲另外叫咗椰子韓國米酒同菠蘿燒酒，呢兩款酒嘅酒味都唔重，甜甜地好易入口，就算唔太飲得酒嘅朋友都可以挑戰吓！
椰子韓國米酒比普通韓國米酒甜同順口，非常受韓國年輕人歡迎；而菠蘿燒酒就好似菠蘿冰沙咁，入面仲有新鮮菠蘿果肉！
終於上菜啦，魚糕湯同雞腳兩樣都睇落好好食！
魚糕湯入面有大約3-4款魚糕同年糕，覺得雞腳辣嘅時候飲返啖可以解辣~
因為係無骨雞腳，所以真係啖啖肉~雞腳上面仲有炸雞皮，點辣汁食好正！
而且因為係一邊滾住一邊食，所以個汁會越煮越濃，如果叫多個飯糰點嚟食應該唔錯！
小編同朋友覺得整體嚟講嘢食味道唔錯，最緊要係氣氛超好！如果你都想體驗韓國傳統布帳馬車文化同氣氛，推薦你嚟「青年雞爪1987」！
弘大「青年雞爪1987」前往方法
喺弘大入口站（홍대입구역）3號出口出。
直行。
繼續直行。
喺第三個路口轉左。
直行。
轉入右邊第一條小路。
直行。
行到盡頭之後轉左。
直行。
「青年雞爪1987」會喺你嘅左邊！
以上係弘大「青年雞爪1987」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
