Hello，大家好，我哋係由韓國人每日提供最新韓國旅行資訊嘅Creatrip。
韓國護膚同微整型療程有幾出名唔洗講都知，有唔少朋友嚟旅行都會做返個簡單嘅treatment！今日就等小編介紹一間位於江南嘅美容療程中心俾大家啦！
撳我睇價錢&預約詳情👇🏻
江南「MEDICUBE CLINIC」基本資訊
- 地址：서울 서초구 강남대로 463 리젠메디컬타워 6F
- 營業時間：
星期一、四、五 | 10:30 - 20:00 （Break Time 13:00 - 14:00） |
星期二、三 | 10:30 - 19:00 （Break Time 13:00 - 14:00） |
星期六 | 10:30 - 16:00 |
- 語言：韓文、簡單英文、簡單日文（所有諮詢都會透過翻譯器進行), 可以用西班牙語順暢溝通
江南「MEDICUBE CLINIC」療程簡介
1. 海芙音波拉提 + Booster
| 特點 | 1. 根據客人皮膚狀態及療程部位選擇用MP Mode或者NORMAL(DOT) Mode，最特別係會提供普通海芙音波拉提冇嘅MP Mode（1發=超過400個點），令效果更顯著！ 2. 提供多款機器頭，無論係做邊個部位都可以更加精密 3. 比起原本嘅拉提療程快2.5倍，疼痛症狀減少 |
| 推薦對象 | 想療程速度更快、效果更顯著嘅你 想喺額頭、眼周、法令紋、下巴等精細部位進行療程嘅你 想做一次療程就可以睇到明顯拉提效果嘅你 想提升皮膚彈性，改善雙下巴、臉部下垂、細紋問題嘅你 |
2. Aurora Ampoule、眼部海芙音波拉提
| 特點 | Aurora Ampoule：海芙音波拉提專用精華，含有各種有效成份，達至抗衰老、美白、抗皺、保濕等效果 |
| 眼部海芙音波拉提：將超聲波打入肌膚底層，促進眼底肌膚膠原蛋白再生，達至拉提效果 | |
| 推薦對象 | 想提升眼周肌膚彈力嘅你 想唔做手術就令雙眼睇落更加靚嘅你 希望改善皮膚暗沉同彈力問題嘅你 對抗衰老同肌膚再生有興趣嘅你 |
3. 鈦金N.CORE 3D
| 特點 | 1. 同時射出3種波長嘅激光，將能量傳達至每層肌膚 2. 1秒內可以射出150發激光，痛楚比一般療程低，同時達至拉提、緊緻、美白效果 3. 可以將皮膚表面溫度降低至-3度，減少痛楚同紅腫 4. 除咗輪廓線條之外，仲可以改善膚質、毛孔、膚色唔均匀問題 |
| 推薦對象 | 擔心臉部肌膚下垂嘅你 想改善皺紋問題嘅你 想皮膚更緊緻嘅你 想進行拉提嘅你 |
4. LDM、Airjet、肌膚再生光療
Airjet效果
| 特點 | LDM：鎮靜、再生激光療程 |
| Airjet：運用高氣壓將護膚品滲透至肌膚底層，同時促進膠原蛋白再生同改善輪廓線條（有可能會出現瘀血，只會喺髮際線、頭皮、耳後進行療程） | |
| 肌膚再生光療：運用LED嘅護膚光療，促進肌膚再生同鎮靜 | |
| 推薦對象 | 希望促進肌膚再生、改善皮膚彈力嘅你 敏感肌膚/暗瘡肌膚人士 需要治療臉部肌膚疤痕嘅你 想進行低刺激、無痛拉提療程嘅你 |
5. Pico皮秒祛斑
| 特點 | 1. 比普通激光祛斑快1,000倍，沉澱色素亦會被分解成更細嘅粒子 2. 唔會傷害到周邊皮膚組織，就算係敏感肌都可以放心做 3. 強力激光療程可以解決雀斑、痘印等各種色素沉澱問題 4. 以LIOB原理促進膠原蛋白及細胞增生，改善疤痕及皮膚粗糙問題 |
| 推薦對象 | 之前試過做激光祛斑但係覺得無效果嘅你 有雀斑、色斑等困擾嘅你 想肌膚更透亮嘅你 |
6. Genesis Toning、離子維他命美白療程
Genesis Toning + Pico皮秒祛斑效果
| 特點 | Genesis Toning：改善皮膚真皮層嘅激光療程，促進膠原蛋白同肌膚再生，同時做買Pico皮秒祛斑療程嘅話更加可以強化肌膚屏障、改善色素沉澱問題 |
| 離子維他命美白療程：將維他命C滲透至肌膚底層，達至美白效果 | |
| 推薦對象 | 想美白同時令肌膚更健康嘅你 因為生活忙碌同受外部環境影響而導致皮膚暗沉嘅你 皮膚乾燥唔光滑嘅你 想做無痛/低刺激療程嘅你 |
7. 祛斑針、Pico Zoom護理、Cryocell
Pico Zoom護理 + Pico皮秒祛斑效果
| 特點 | 祛斑針：透過直接注射有效成份落皮膚，抑制同淡化黑色素沉澱 |
| Pico Zoom護理：直接發射激光至每粒色斑，甩皮之後色素沉澱會逐漸變淺 | |
| Cryocell：冷卻肌膚表面，改善肌膚敏感及泛紅問題，同時促進肌膚再生 | |
| 推薦對象 | 想改善肌膚乾燥同暗沉問題嘅你 希望快速改善色斑問題嘅你 需要肌膚鎮靜療程嘅你 皮膚唔光滑同乾燥嘅你 |
8. CellExosome
| 特點 | 1. Exosome（外泌體）係細胞構成部份之一，有助令皮膚細胞變得更健康 2. 比起其他純粹係注射營養成分嘅Skin Booster，呢款高級抗衰老療程會由問題根源開始改善，促進皮膚再生 3. 以黃金比例調配Exosome粉末及溶液，令效果更顯著 4. 效果已獲各大國際機構同研究論文認證 |
| 推薦對象 | 深受毛孔粗大問題困擾嘅你 有細紋嘅你 皮膚暗沉又粗糙嘅你 皮膚乾燥嘅你 |
9. Rejuran HB Plus
| 特點 | 1. Rejuran HB Plus比普通Rejuran多咗少量局部麻醉劑利多卡因，臨床試驗證明痛楚會減少53% 2. 添加透明質酸成份，即時改善皮膚缺水問題，打造水光肌膚 3. 直接將PDRN注入肌膚真皮層，促進皮膚自我再生能力 4. 根據個人皮膚老化程度進行療程，從根本改善肌膚彈性同保濕力 |
| 推薦對象 | 覺得普通Rejuran會好痛所以卻步嘅你 深受皮膚變薄、皺紋同肌膚彈性問題困擾嘅你 面對臉部泛紅、膚色暗沉、毛孔粗大、皮膚乾燥問題嘅你 |
10. Lilied M + Dermashine Pro
Lilied M效果
特點 | Lilied M：將透明質酸鈉注入真皮層嘅水光針療程，有助膠原蛋白同彈性蛋白結合，維持肌膚水油平衡、改善皺紋問題，預防肌膚老化 |
| Dermashine Pro：有助減少療程時可能會造成嘅紅腫、痛楚同瘀青 | |
| 推薦對象 | 考慮做抗衰老療程嘅你 希望皮膚更光滑嘅你 需要護理暗瘡疤痕或者改善毛孔問題嘅你 |
11. Aqua Peel、超聲波毛孔清潔剷皮機
| 特點 | Aqua Peel：可以將毛孔入面嘅殘餘化妝品、油脂、老廢物質、毛囊蟲等吸走 |
| 超聲波毛孔清潔剷皮機：用機器去除老廢角質同死皮 | |
| 推薦對象 | 深受黑頭問題困擾嘅你 臉部經常出油，有暗瘡煩惱嘅你 想清毛孔同時進行保濕嘅你 需要去角質嘅你 |
12. TheraClear、Capri、Cynergy激光
TheraClear + Capri 效果
| 特點 | TheraClear：運用真空機器吸走用針清清唔走嘅暗瘡，再用激光殺死暗瘡菌同抑制油脂分泌 |
| Capri：用熱力溶解油脂同老廢角質，再用藍光殺死肌膚內細菌、抑制油脂分泌 | |
| Cynergy激光：混合2款唔同波長嘅激光，收縮擴張血管、促進膠原蛋白再生、改善肌膚泛紅同暗瘡印問題 | |
| 推薦對象 | 有色素沉澱、暗瘡印、膚色唔均匀問題嘅你 想改善肌膚彈力、解決皺紋問題嘅你 想進行全方位肌膚管理嘅你 |
13. 控油針 + 消炎針
| 特點 | 控油針：有效控油保濕，從而改善暗瘡問題 |
| 消炎針：有效快速消炎同改善輕微蟹足腫問題 | |
| 推薦對象 | 希望透過抑制油脂分泌，從基本改善暗瘡問題嘅你 想快速鎮靜肌膚嘅你 因為突然生暗瘡而感到煩惱嘅你 另外有做其他暗瘡療程，但仍然有好多含膿暗瘡嘅你 |
14. Pico Fraxel
| 特點 | 運用皮秒激光刺激肌膚再生，同時達到美白同填補暗瘡印嘅效果 |
| 推薦對象 | 有暗瘡印煩惱嘅你 有毛孔粗大問題嘅你 希望改善肌膚紋路嘅你 希望改善肌膚彈性同皺紋問題嘅你 想美白嘅你 |
15. Action2
| 特點 | 透過肌膚再生激光療程，刺激位於真皮層嘅纖維母細胞，促進細胞再生，填補凹凸洞 |
| 推薦對象 | 希望改善各種皮膚疤痕問題嘅你 想促進肌膚再生嘅你 |
江南「MEDICUBE CLINIC」實地探訪
今日小編帶大家嚟到出名服務夠曬客製化嘅「MEDICUBE CLINIC」江南店，喺新論峴站行3分鐘就到，好容易就搵到喺邊！
相信大家喺萬寧同屈臣氏都有見過「MEDICUBE」嘅產品，呢間美容中心就係由呢個brand開設㗎啦！而家只要參加評論優惠活動仲可以免費得到一支MEDICUBE 三重膠原蛋白精華，大家記住唔好錯過啦！
呢度由諮詢到做treatment都係由代表院長一手包辦，提供超細心嘅1:1客製化服務，令小編都安心唔少！
入到去之後首先要出示預約憑證同護照確認身份，然後就可以去大堂坐低等叫名。等緊嘅時候仲可以睇其他客人嘅Before&After對比圖，效果都真係好明顯！
如果大家有化妝咁去，首先要去化妝室卸妝。呢度已經為客人準備好一系列MEDICUBE嘅卸妝產品，大家唔洗自己帶去，好貼心！
跟住就會入一間房度做VISIA精密皮膚檢測，機器會影低你正面、左邊面同右邊面，之後就可以去另一間房進行諮詢。
然後就會根據頭先嘅檢測結果幫你分析到底而家皮膚年齡大約係幾歲、皮膚有咩優點/問題等等，然後就會幫你制定客製化嘅療程，小編覺得呢點非常好！最後小編就決定做「PREMIUM拉提療程」~
「PREMIUM拉提療程」入面再細分為4款療程，呢度會好詳細咁解釋每一個療程嘅原理同效果，亦都會話俾大家知道療程之後有咩需要注意，確認好之後簽個名就可以正式去做treatment啦！
呢度嘅療程室係單人房，可以享受私人時光嘅同時仲可以保障私隱。
瞓低之後助手會幫大家整理好頭髮，然後搽麻醉膏，搽完之後大約要等10-15分鐘。院長話因為基本上唔會好痛，所以有好多人都唔會搽，不過如果大家擔心嘅話都可以要求助手幫手搽。
之後院長就會嚟開始做treatment，第一個係EGG拉提，院長好細心咁每個部位都會整，小編覺得唔痛，只係會feel到有少少熱。大家要注意做EGG拉提嘅話會留低少少瘀青痕跡，1個禮拜內就會消失。
下一個treatment係Ultra Booster，比起普通海芙音波拉提更加精準，所以一啲比較刁鑽嘅部位都可以做到！
之後仲會做埋海芙音波拉提，比起頭先嘅Ultra Booster療程範圍會比較廣，因為療程時間唔長，所以完全唔會覺得痛！
最後會做埋LDM，促進肌膚再生同提高免疫力，去到呢度就大功告成啦！
做完療程當下見到咁瘀真係有少少嚇親，不過3日之內就幾乎消失曬！拉提療程效果通常都要等2-3個禮拜先會比較明顯，小編好期待最後效果會係點啊！如果大家都有興趣想做韓國美容療程，推薦大家嚟有信心保證嘅「MEDICUBE CLINIC」！
江南「MEDICUBE CLINIC」前往方法
喺新論峴站（신논현역）7號出口出。
向出口反方向行，然後過馬路。
行入第一棟大廈，然後上6樓。
咁就去到「MEDICUBE CLINIC」啦！
撳我預約👇🏻
以上係江南美容「MEDICUBE CLINIC」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
