Hello，大家好，我哋係由韓國人每日提供最新韓國旅行資訊嘅Creatrip。
韓國唔單止整容出名，其實有好多外國人都會專程飛嚟做激光矯視！講真要喺外國做咁重要嘅手術，揀診所嘅時候真係要更加慎重！今日小編親自去咗好出名嘅「江南好眼睛眼科」做矯視手術，一齊瞭解吓當中流程啦！
「江南好眼睛眼科」資訊
- 地址：서울 강남구 테헤란로 107 메디타워 7F, 9F
- 營業時間：星期一至三 10:00 - 18:30、星期五 10:00 - 20:00、星期六 10:00 - 16:00（Lunch Break 13:00 - 14:00）
- 可預約時間：星期一至三 10:00 - 18:00、星期五 10:00 - 19:30、星期六 10:00-15:30
- 語言：韓文、中文、英文
「江南好眼睛眼科」推薦原因
- 由檢查到手術，全個過程都非常有系統，為所有客人提供最安全有效嘅服務！
- 運用LENCEAR, MEL90, Smile, Z4, Avefro KXL, VisuMax等頂級手術儀器，令人更放心！
- 同研發SMILE微笑矯視嘅德國公司ZEISS共同開設研究中心，先進技術已經得到國際性認可！
- 代表院長有超過16年經驗，進行諮詢嘅時候會好親切咁詳細解釋療程，令客人更加安心！
- 診所位於江南站附近，交通夠方便！
「江南好眼睛眼科」注意事項
預約注意事項
- 請最少喺3日前完成預約，你亦可以喺60日前進行預約。
- 預約時請確保已準確填寫所需資訊。
- 預約時需支付訂金（費用總額嘅20%），體驗當日將會收取餘下金額。
- 進行檢查及諮詢後，根據眼睛狀況可能會改變最終做嘅手術項目，價錢亦會因而有所不同。
- 如遲到10分鐘或以上，預約將自動取消，亦不設退款。
- 預約後可以喺我的頁面查看預約詳情。
- 訂單成立後如果想更改預約，或有任何疑問，請send email到help@creatrip.com查詢。
進行檢查前注意事項
- 當日請帶定平時帶開嘅眼鏡。
- 檢查4日前開始唔可以帶軟性隱形眼鏡，如果係硬性隱形眼鏡就需要喺2個禮拜前暫停佩戴。
- 檢查時間大約需要1.5小時，檢查後唔適宜開車，請搭公共交通工具。
- 如果檢查後發現你唔適合做激光矯視手術，將會全額退還訂金。
手術當日注意事項
- 手術當日請唔好噴香水、化妝或者搽防曬或者BB Cream。
- 如果有化妝，手術前請先卸妝。
- 手術前會再做一個簡單檢查同進行詳細説明，大約需時1-1.5小時。
- 實際手術時間平均需要10-15分鐘。
- 根據眼睛狀況可能會改變最終做嘅手術項目。
- 因為手術需要瞓喺度進行，所以請避免著連帽衫，建議穿著衣領比較寬鬆嘅衫。
「江南好眼睛眼科」預約流程
| STEP 1. | 撳我預約 |
| STEP 2. | 請詳細輸入所有相關資訊及付款， 支付訂金後方會視為完成預約。 |
| STEP 3. | 我哋會喺3個工作天內確認預約， 如果需要更改日期/時間我哋會另外通知你。 |
| STEP 4. | 體驗當日請向7樓職員出示預約憑證，然後進行檢查。 |
「江南好眼睛眼科」體驗流程
- 上到7樓之後向櫃檯職員出示Creatrip預約憑證同護照。
- 喺大堂等叫名。
- 叫到你名之後就可以進行精密檢查（大約需時1-1.5小時）。
- 代表院長會幫你分析眼睛狀況同進行諮詢。
- 去諮詢室瞭解詳細療程資訊（療程前程序、療程步驟、療程後注意事項等）。
- 進行激光矯視手術（大約需時10-15分鐘）。
- 手術結束後去櫃檯俾埋扣除訂金之後嘅餘額同攞藥單。
- 落1樓藥局俾錢攞藥
「江南好眼睛眼科」療程介紹
AcuTarget Smile全飛秒激光矯視
| 手術方法 | 唔需要好似原有LASIK矯視手術咁掀開角膜或者製作角膜瓣，只需要切開角膜嘅十分之一（約2mm） |
| 優點 | 目前激光矯視手術入面，恢復最快、對眼睛傷害最細、痛楚最低嘅手術 就算角膜比較薄或者近視比較深都可以做到 運用AcuTarget視軸檢查，效果更佳 |
| 效果 | 矯視（近視、遠視、散光） |
| 手術設備 | VisuMax + AcuTarget |
| 療程時間 | 10 - 15分鐘 |
| 麻醉方法 | 麻醉眼藥水 |
| 覆診 | 手術1日後、1星期後及4星期後需要覆診 ※4星期後只需要檢查視力同眼壓，可以喺自己國家/地區嘅眼科診所做檢查，然後將報告send俾院長確認同分析 |
| 術後恢復 | 1日後可以洗臉、沖涼，1星期後可以恢復正常日常生活（如運動等） |
| 術後護理 | 根據恢復情況，手術後2星期-1個月需要滴眼藥水 |
| 推薦對象 | 擔心做激光矯視會導致乾眼症、圓錐角膜等後遺症嘅你 想做痛楚低+恢復速度快嘅手術嘅你 擔心出現角膜混濁同視力退化問題角膜混濁 唔想做完手術之後仲要戴眼球保護器或者太陽眼鏡嘅你 想減少因使用類固醇而導致眼壓上升等副作用嘅你 |
| 注意事項 | 手術當日可能會覺得痛/唔舒服，唔適宜開。 手術1日後可以洗臉同化底妝，1星期之後先可以化眼妝。 手術1日後可以去跑步、健身或者做瑜伽等簡單運動，1星期之後先可以做劇烈運動（因人而異）。 手術1星期之後可以去澡堂，而泳池就需要等到2星期後。 手術後1星期內請儘量唔好飲酒。 如需染髮/電髮，請留待手術2星期後進行。 |
LBV老花眼矯視手術
| 手術方法 | 以飛秒雷射製作角膜瓣，並利用MEL-90雷射進行老花矯視 |
| 優點 | 改善了現有單視手術中，中遠視力低嘅缺點 可以同時改善老花、近視同遠視問題 將角膜削薄量減到最低，維持角膜厚度 |
| 效果 | 全方位改善視力（解決老花、近視同遠視問題） |
手術設備 | VisuMax + MEL 90 |
| 療程時間 | 10 - 15分鐘 |
| 麻醉方法 | 麻醉眼藥水 |
| 覆診 | 手術1日後、1星期後及4星期後需要覆診 ※4星期後只需要檢查視力同眼壓，可以喺自己國家/地區嘅眼科診所做檢查，然後將報告send俾院長確認同分析 |
| 術後恢復 | 手術1日後視力恢復正常，手術1-2星期內嚴禁進行劇烈運動 |
| 術後護理 | 根據恢復情況，手術後2星期-1個月需要滴眼藥水 |
| 老花眼自我評估 | 睇細字嘅時候會矇同難對焦 望耐咗會慢慢變矇 夜晚老花症狀會更加明顯，特別係揸車嘅時候會受影響 睇書嘅時候睇一陣對眼就會覺得攰同頭痛 環境比較暗或者攰嘅時候會覺得視力變差 |
| 注意事項 | 手術當日唔可以捽眼。 手術3日內唔可以洗臉。 手術3個星期後可以做運動。 如需染髮/電髮，請留待手術3星期後進行。 |
「江南好眼睛眼科」介紹
位於江南站徒步1分鐘距離嘅「江南好眼睛眼科」係韓國最出名做激光矯視手術嘅眼科診所之一，本身就想做近視手術嘅小編今日終於的起心肝嚟咗做！
搭𨋢上到7樓之後就會見到櫃檯，只要出示預約記錄同護照，職員就會俾一張form你填，記住要準確填寫個人資料同答齊上面嘅問題！
填完之後將張form交俾職員，然後等叫名就得！𨋢嘅右邊有電子儲物櫃，建議大家去做檢查之前將隨身行李放入去，咁就唔洗攞住周圍走啦！
喺診所入面亦都可以睇到院長嘅履歷同得到嘅獎牌，令小編覺得更加值得信賴！
叫到你名之後就會開始做各種眼睛檢查，由最基本嘅度數檢查到眼壓、角膜、視網膜等各種精密檢查都有，只要跟住醫生指示做就得！
做完檢查之後等一陣就會有結果，攞到結果之後就可以上9樓等入診療室。
院長會根據你嘅檢查結果幫你分析你啱唔啱做激光矯視，啱做嘅話又應該做邊款等等，亦都會詳細介紹每種手術嘅分別。
如果確定可以做手術，就會再去諮詢聽關於手術嘅詳細説明。
提提大家，手術前記住要好好保護眼睛，避免發炎或者受傷，也都要記住檢查4日前開始唔可以帶軟性隱形眼鏡，如果係硬性隱形眼鏡就需要喺2個禮拜前暫停佩戴。另外因為成個過程要瞓喺度做，所以手術當日記住唔好著有帽嘅衫，如果唔係會好唔舒服！
做完手術之後就會入上面呢間房稍作休息，如果有朋友家人一齊嚟嘅話都會被安排喺呢度等。休息好之後就可以返出櫃檯俾錢同攞藥單，手術後都要返去覆診！
「江南好眼睛眼科」常見問題
Q. 做完SMILE激光矯視手術之後可唔可以做其他美容療程/整容？
A. 只要唔係雙眼皮等眼部手術，矯視手術後隔日就可進行；眼部相關美容手術建議等一段時間之後先進行。
Q. 兩邊眼度數相差比較大嘅話啱唔啱做激光矯視手術？
A. 如果兩邊眼度數有明顯差異，只要冇弱視或嚴重併發症就可以正常，而且手術有助於視力平衡。另外如果得一邊眼視力比較差，可以單獨淨係做嗰隻眼睛。
Q. 做完手術當下睇得清楚，但係點解睇電腦或者書上面嘅字嘅時候會好辛苦？
A. 手術後可能會暫時出現遠視情況，所以睇近嘢嘅時候會比較辛苦，不過症狀會慢慢消失，所以唔需要擔心。
Q. 如果經常用電腦嘅話視力會唔會再次變差？
A. 手術後唔會因為長期睇電腦而直接導致手術效果變差，不過因為手術後眼睛比較容易攰，所以會導致暫時出現模糊或者唔舒服嘅情況。建議經常眨眼同用人工淚液保持眼睛濕潤。
Q. 做完手術之後如果飲咗酒會點？
A. 手術後飲酒可能會導致發炎，影響傷口恢復進度，建議3-4個禮拜內都唔好過度飲酒。
Q. 隨住年齡增長手術效果會唔會變差？
A. 該手術不會加速老花眼、白內障或青光眼等疾病的風險。
Q. 四、五十歲可唔可以做激光矯視手術？
A. 四、五十歲正正係開始出現老花嘅年紀，所以推薦做LBV老花眼矯正手術，改善視力。
Q 未成年可唔可以做SMILE激光矯視手術？Lasik矯視手術嘅年齡限制又係幾多歲？
A. 通常會建議年滿18歲後進行矯視手術，就算年齡符合資格都需要先做檢查確認啱唔啱做手術。
Q. 咩類型嘅眼唔適合做SMILE激光矯視手術？
A. 如果角膜太薄嘅話，無論係SMILE激光矯視、Lasik定Lasek都冇辦法做到；另外如果之前有做過其他激光角膜手術，或者角膜混濁情況太嚴重都冇辦法做SMILE激光矯視。
「江南好眼睛眼科」前往方法
喺江南站（강남역）12號出口出。
一出就會見到上圖呢棟建築。
搭𨋢上7樓就到「江南好眼睛眼科」！
以上係「江南好眼睛眼科」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
