Hello，大家好，我哋係由韓國人每日提供最新韓國旅行資訊嘅Creatrip。
喺韓流嘅影響之下，好多人都會考慮嚟韓國旅行，而最多人去嘅地方相信一定係首爾同濟州！今日要介紹嘅行程活動超豐富，將會喺1個禮拜入面帶大家體驗各種韓國文化，瞭解韓國呢個國家嘅魅力！
「首爾&濟州韓國文化之旅（7日6夜）」資訊
- 開團日子：每日
- 語言：英文
「首爾&濟州韓國文化之旅（7日6夜）」推薦原因
- 帶大家走入韓劇，好似韓國人咁去食燒肉、炸雞配啤酒，仲會去食漢江即食麵！
- 包來回首爾同濟州島嘅來回機票，既方便又超值！
- 有各種表演、體驗活動等緊大家！
- 住宿夠高級之餘CP值高，等大家可以玩得開心、休息得舒服！
「首爾&濟州韓國文化之旅（7日6夜）」價錢
1人 | 2860000 |
「首爾&濟州韓國文化之旅（7日6夜）」行程表
DAY 1 | 到達仁川機場 |
城北洞住宅區（《上流寄生族》拍攝地點 & Lisa韓國住宅） | |
益善洞韓屋村 | |
午餐（韓定食） | |
WELCOME DAEHAKRO慶典（替代行程：HiKR GROUND） | |
晚餐（Shabu Shabu） | |
返回酒店（Shilla Stay） | |
DAY 2 | 享用酒店早餐 |
欣賞音樂劇 | |
自由午餐（建大 Common Ground - 《黑道律師文森佐》拍攝場地） | |
芳山市場 | |
晚餐（乙支路布帳馬車街 炸雞&啤酒） | |
返回酒店（Shilla Stay） | |
DAY 3 | 享用酒店早餐 |
前往金浦機場 | |
到達濟州島 | |
遊車河（龍潭海岸道路） | |
龍頭海岸 | |
午餐（鮑魚石鍋飯 + 燒鯖魚） | |
《孝利家民宿》拍攝地點 | |
涯月漢潭咖啡一條街 | |
濟州島幻想林公園（1小時導賞） | |
挾才海水浴場 | |
水月峰地質登山徑（30分鐘導賞） | |
晚餐（燒黑豬肉） | |
返回酒店（Maison GLAD Jeju） | |
DAY 4 | 享用酒店早餐 |
[K-Culture 100選] 觀音寺 Temple Stay（3小時體驗） | |
午餐（海鮮餐） | |
城邑民俗村（民俗體驗&購物） | |
Best Hill魷魚遊戲體驗（BTS MV拍攝地點） | |
晚餐（燒烤） | |
返回酒店（Shilla Stay） | |
DAY 5 | 享用酒店早餐 + Check-out |
生活雜物店 | |
午餐（煎牙帶魚/燉牙帶魚） | |
返回首爾 | |
晚餐（韓定食） | |
返回酒店（Shilla Stay） | |
DAY 6 | 享用酒店早餐 |
首爾城市觀光（江南站、宣陵、長陵、奉恩寺、COEX、狎鷗亭、盤浦） | |
午餐 - 盤浦漢江公園野餐（漢江即食麵、外賣炸雞、野餐） | |
三光島 | |
SM Entertainment大樓 | |
晚餐（紫菜包飯 + 辣炒年糕 + 炸物） | |
返回酒店（Shilla Stay） | |
DAY 7 | 享用酒店早餐 + Check-out |
免稅店 | |
前往機場 | |
回程 |
「首爾&濟州韓國文化之旅（7日6夜）」注意事項
- 請最少喺7日前完成預約。
- 本行程唔接受取消及退款。
- 開團人數：2-40人
- 價錢包括首爾-濟州來回機票、住宿、三餐、景點入場費、專用接送車輛（45人座）、導遊及司機服務、旅遊保險、觀音寺Temple Stay體驗費用。
- 價錢唔包括其他個人開支及小費。
- 預約後我哋會先幫你確認可唔可以預約到，有可能會去唔到，到時候我哋會儘快通知你。
- 預約成立後，我哋會send一份行程指南去你預約嘅時候輸入嘅Email地址，請定期check email。
- 本行程嘅取消預約及退款政策為合作機構指定。
- 如果想更改行程日期，或有任何疑問，請send email到help@creatrip.com查詢。
「首爾&濟州韓國文化之旅（7日6夜）」預約流程
STEP 1. | |
STEP 2. | 請詳細輸入所有相關資訊及付款。 （本行程唔接受取消及退款） |
STEP 3. | 請準時到達仁川機場集合。 |
STEP 4. | 出發 |
「首爾&濟州韓國文化之旅（7日6夜）」介紹
城北洞住宅區
唔知大家有冇睇《上流寄生族》呢？呢套電影就係喺「城北洞住宅區」取景㗎啦！住得喺城北洞嘅人大部份都好有錢，呢個小區有好多高級住宅，亦都比較安靜，四周圍都有唔少Cafe同畫廊。
景福宮
「景福宮」係以前朝鮮時代皇帝住過嘅宮殿，蘊含韓國歷史，係嚟首爾旅行必去景點之一。
Common Ground
大家可能覺得「Common Ground」呢個名有啲陌生，不過一定見過呢個藍色貨櫃！好多韓仔韓妹都會嚟影相打卡，而且呢度都有好多街頭時裝品牌同美食，有得行又有得食！
芳山市場
「芳山市場」位於乙支路五街，距離清溪川好近！呢度有大約250間鋪頭，本身係以包裝同印刷聞名，而家就成為咗韓國人買烘焙用品嘅好去處。
龍潭海岸道路
好多人去到濟州都會去「龍潭海岸道路」遊車河，呢條公路位於濟州機場北邊海岸附近，四周圍有唔少酒店、Cafe同賣魚生嘅餐廳！
龍頭海岸
呢度係濟州必去景點之一，因為岩石就好似一條龍嘅頭咁，所以被稱為「龍頭海岸」。經過小路向海邊行，就會見到幾千萬年而嚟逐漸堆積而成嘅岩石，右邊更加有一個黑沙灘，景色超靚！
涯月漢潭咖啡一條街
「涯月漢潭散步徑」位於濟州西北部嘅海邊，大家可以一邊散步，一邊欣賞無敵海景。附近仲有一條咖啡街，大家可以去嘆返杯咖啡休息吓。
濟州島幻想林公園
「幻想林公園」係一個天然原始林，冬暖夏涼，係超多動植物嘅棲息地，到時候會有專業導遊帶大家探索呢個森林！
挾才海水浴場
「挾才海水浴場」以又清又透明嘅海水聞名，仲可以睇到白沙之間有好多黑色玄武岩，真係超特別！
水月峰地質登山徑
「水月峰」雖然只係一個小山峰，但係因為呢度地質奇特，所以喺火山學方面非常有價值！「水月峰」山頂亦都有一個觀景台，上到去可以睇到各個濟州著名景點，大家可以跟住導遊，欣賞超靚自然風光！
觀音寺 Temple Stay
「觀音寺」係濟州最有代表性嘅寺廟之一，喺1968年重建修復完畢，而家亦都提供Temple Stay體驗！大家嚟到可以體驗製作蓮花燈、冥想等，洗滌身心靈。
城邑民俗村
「城邑民俗村」保留濟州島舊時嘅文化同風貌，承傳民謠、鄉土美食、工藝、方言等各種濟州無形文化！嚟到仲可以買到各種濟州特產，送禮自用都唔錯！
Best Hill魷魚遊戲體驗
BTS曾經嚟過「Best Hill」拍MV，有好多Fans都會專程嚟朝聖！呢度有搞各種體驗活動，而呢個行程入面大家將會參加魷魚遊戲體驗，好似真係成為電影主角咁！
首爾城市觀光
返到首爾之後，大家將會有機會搭首爾城市觀光巴士，去勻江南站、宣陵、長陵、奉恩寺、COEX、狎鷗亭、盤浦等江南附近景點！
盤浦漢江公園野餐
位於盤浦大橋附近嘅「盤浦漢江公園」係其中一個最受歡迎嘅漢江公園，夜晚仲會有彩虹噴泉匯演。大家一場嚟到當然要喺度野餐，好似韓劇主角咁食漢江即食麵同炸雞啦！
三光島
「三光島」位於漢江附近，顧名思義就係三個識發光嘅小島，係首爾地標之一！
SM Entertainment大樓
相信唔會有人冇聽過「SM Entertainment」呢間娛樂公司！呢度孕育出東方神起、Super Junior、少女時代、aespa、NCT等超紅偶像團體同演員，K-POP Fans們一定唔可以錯過！
以上係「首爾&濟州韓國文化之旅（7日6夜）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
