Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今日要介紹俾大家嘅個人色彩診斷中心同其他地方嘅測試方式有少少唔同，跟住小編一齊去睇吓啦！
撳我睇價錢&預約詳情👇🏻
弘大/濟州「image HO」基本資訊
弘大店
- 地址：서울 마포구 와우산로29길 54 3F
- 營業時間：08:00 - 20:00
濟州店
- 地址：제주 제주시 서문로 73 3F
- 營業時間：星期一至六 10:00-19:00（Break Time 12:00-13:00）
弘大/濟州「image HO」詳細個人色彩診斷過程
※基本個人色彩診斷內容請參考下方介紹
1. 進行基本個人色彩診斷
2. 日常快速妝容
3. 體型診斷&風格推薦
弘大/濟州「image HO」實地探訪
今日小編嚟到「image HO」做Personal Colour測試！
呢度俾人一種麻雀雖小五臟俱全嘅感覺，而且雖然鋪頭唔大，但係因為裝修以白色為主調，所以完全唔會有翳焗嘅感覺！入到去之後職員會俾一杯welcome tea你，等大家可以稍作休息。
小編一開頭以為呢啲係鋪頭嘅周邊商品，點知原來係呢度自己研發出嘅Personal Colour診斷工具，等大家可以喺屋企都test到。大家如果有興趣買，可以向職員查詢！
「image HO」嘅Personal Colour Test同其他中心唔同嘅地方係呢度用嘅顔色布！呢度嘅布料攞咗專利，令客人可以更快更簡單咁睇清楚唔同顔色嘅分別。
現場亦都有各種化妝品，等大家可以試上手睇效果。
正式開始之前，大家首先需要填一份問卷，入面內容大致都係圍繞住你對Personal Colour有咩認識、有冇試過做Personal Colour Test或者覺得自己屬於邊個色調、平時用開咩色化妝品/著開咩色衫等等。因為係韓英對照，所以就算唔識韓文都冇問題。
專家check完大家填嘅問卷之後，首先會向大家講解Personal Colour嘅原理同理論，同時仲會送一本相關書籍（價值₩25,000），等大家返到屋企都可以參考吓。
跟住就會幫大家圍一塊白布，中間有魔術貼，方便癡住/撕低啲顔色布。
首先會先從頭髮顔色、皮膚顔色、眼珠顔色同嘴唇顔色分辨大家屬於Warm Tone定Cool Tone，不過因為結果真係因人而異，所以唔可以完全作準。
呢度嘅Personal Colour Test比起係專家直接講個結果俾你知，反而會係俾你自己試吓搵出自己嘅色調！專家會慢慢引導你去分辨各種顔色，成個過程真係好好玩！
分好Warm Tone同Cool Tone之後，就要分辨大家屬於邊種季節，大家可以揀自己鍾意嘅顔色進行診斷。
最後結果出爐之後，專家就會幫大家分出Best（最襯）、Second-best（第二襯）同Worst（最唔襯）三個級別嘅顔色。
大家都知道韓國人鍾意著黑白灰色衫，不過其實呢三隻顔色都有分暖調同冷調！專家都會好貼心咁幫客人推薦顔色，等大家買衫嘅時候可以買到最襯自己嘅色~
大家可以用顔色紙將診斷結果記錄喺書入面，之後想再參考嘅時候就更加方便啦。
之後就到睇化妝品嘅環節啦！只要大家show啲平時用開嘅化妝品俾專家睇，佢就會根據診斷結果推薦更加襯你嘅顔色俾你！如果大家預約咗「詳細個人色彩診斷」，專家仲會同大家一齊去化妝品鋪頭，即場推薦產品俾大家！
另外專家都會推薦啱你嘅髮色同穿搭，如果最近想去染頭髮，但係唔知想染嘅顔色襯唔襯自己，記住要問清楚啦！
做完Test之後1-2個禮拜內會send一份報告書俾你，更加會幫你翻譯成中文、英文或者日文，等大家之後都可以參考！（得參加詳細個人色彩診斷嘅朋友可以攞到，大家預約之前要注意啦！）
小編之前都有喺其他地方做過Personal Colour Test，呢度嘅方式真係比較特別，而且令人好容易就理解到！如果大家都有興趣，不妨可以試吓嚟「image HO」！
「image HO」前往方法
弘大店
弘大入口站（홍대입구역）7號出口出。
落樓梯，然後左轉。
直行。
喺第一個路口轉右。
直行大約100米。
行到十字路口轉右。
行前20米。
見到上圖呢棟大廈之後行入去，上3樓就到「image HO」弘大店啦！
濟州店
撳我預約👇🏻
以上係弘大/濟州「image HO 個人色彩診斷」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
