Hello，大家好，我哋係由韓國人每日提供最新韓國旅行資訊嘅Creatrip。
嚟到韓國當然要大買特買啦！今年我哋Creatrip同新羅免稅店合作，為大家準備咗一連串嘅大優惠！想知道有咩著數，喺邊度可以用到？跟住小編一齊睇落去啦！
「2025 Creatrip X 新羅免稅店大優惠」推薦理由
- 用Creatrip X 新羅免稅店優惠券，可以用更優惠嘅價錢買到心頭好！
- 新羅免稅店入面有齊韓國本地同來自世界各地嘅品牌，梗有一款你會鍾意！
- 新羅免稅店優惠夠多，服務夠優質，相信一定可以令你滿意！
「2025 Creatrip X 新羅免稅店大優惠」Gold Plus Membership
- 優惠：可享高達85折
- 發行期限：即日起至2025年12月31日
- 使用期限：發卡後1年
- 適用分店：新羅免稅店首爾店、濟州店、仁川機場T1、T2店（※請向櫃枱職員出示憑證及護照）
「2025 Creatrip X 新羅免稅店大優惠」S.Rewards Points
優惠期限：~2025年12月31日
使用期限：僅限當日有效
適用分店：新羅免稅店首爾店及濟州店
| S.Rewards Points | 消費滿USD$30或以上即可使用5,000p |
※需要成為新羅免稅店會員方可享有上述優惠（外國人專用）
※出示電子優惠券之後，櫃檯職員會將積分直接加落你嘅會員賬戶。
※S.Rewards Points唔可以重覆使用。
※最後俾錢嘅時候如果想用上述積分，你需要事先同收銀員講
※只限於新羅免稅店首爾店同濟州店使用，每1,000p等同USD$1
※上述積分唔適用於購買Louis Vuitton、Chanel（包括化妝及護膚品）、Hermes、Cartier、Gucci、Tiffany & Co. 等牌子同煙酒商品
※本優惠活動可能會根據新羅免稅店政策而有所變動或終止
「2025 Creatrip X 新羅免稅店大優惠」優惠券
有效期限：~2025年12月31日
適用分店：新羅免稅店首爾店、濟州店、仁川機場T1、T2店
| 適用分店 | 消費金額 | 優惠金額 |
首爾店、濟州店 | 滿USD$100或以上 | 即減₩15,000 |
滿USD$200或以上 | 即減₩30,000 | |
滿USD$300或以上 | 即減₩45,000 | |
滿USD$500或以上 | 即減₩75,000 | |
仁川機場T1、T2店 | 滿USD$50或以上 | 即減₩5,000 |
滿USD$100或以上 | 即減₩10,000 | |
滿USD$200或以上 | 即減₩20,000 | |
滿USD$300或以上 | 即減₩30,000 | |
滿USD$500或以上 | 即減₩50,000 | |
滿USD$1,000或以上 | 即減₩100,000 | |
※本優惠為外國人專用優惠券，市區分店同機場分店所提供嘅優惠券唔同，使用前請確認清楚
※唔可以同其他優惠券同時使用（S.Rewards Points不在此限）
※本優惠不適用於7折或以上減價商品
※本優惠唔適用於購買Louis Vuitton、Chanel（包括化妝及護膚品）、Rolex、Cartier、Gucci、Tiffany & Co.、3CE、Van Cleef & Arpels 等牌子同煙酒商品
※嚴禁複製、販賣或轉售
※唔可以換成現金或者積分
※每張優惠券每人每日只可以用一次
※本優惠活動可能會根據新羅免稅店政策而有所變動或終止
「2025 Creatrip X 新羅免稅店大優惠」分店詳情
新羅免稅店首爾店 (商店指南)
- 地址：서울 중구 동호로 249
- 營業時間：09:30 - 20:00
新羅免稅店濟州店 (商店指南)
- 地址：제주특별자치도 제주시 노연로 69
- 營業時間：10:30 - 19:30
新羅免稅店仁川機場T1店（商店指南）
- 地址：인천 중구 공항로272 인천국제공항 제1여객터미널 3F
- 營業時間：06:50 - 21:30
新羅免稅店仁川機場T2店 (商店指南)
- 地址：인천 중구 공항로 272 인천국제공항 제2여객터미널
- 營業時間： 06:50 - 21:30
「2025 Creatrip X 新羅免稅店大優惠」介紹
我哋Creatrip今年成功同新羅免稅店合作，為大家帶嚟各種優惠！上面介紹過嘅優惠券全部都可以喺新羅免稅店首爾店、濟州店同仁川機場T1同T2店用，梗有一間方便你！而今日小編就帶咗大家嚟首爾店，一齊參觀吓呢度啦！
去到免稅店就會見到右邊有一個「會員、禮品服務台」，去shopping之前大家可以先喺呢度加入會員同領取S.Rewards Points。
行到入去就會見到有部機，首先要喺呢度攞籌。
呢部機左邊有個行李保管區，大家可以將隨身行李放喺度，咁就可以舒舒服服去行街啦！
小編建議大家等叫號碼嘅時候可以先scan呢個QR Code加入會員，只係輸入少少資料就得，非常方便。
叫到你之後就可以將護照、籌號同S.Rewards Points優惠券俾職員。
整好會員之後，以後喺新羅免稅店只需要出示護照就得！如果都仲係想攞張實體卡，大家可以同職員講~ 一切準備就緒，可以正式入去shopping啦！
1樓係賣名牌嘅地方，中間亦都有中文、英文同日文購物指南可以攞，方便大家搵想買嘅嘢。不過要注意頭先介紹嘅所有積分同優惠券喺呢層都用唔到㗎！
想用盡所有優惠，小編建議大家落B1！B1有超多化妝品、護膚品、時裝同飾物品牌，大家可以慢慢行~
呢度更加有新羅免稅店獨家嘅「Space of BTS」，有超多BTS嘅週邊商品同擺設，無論係買俾自己定身邊嘅A.R.M.Y.都幾唔錯！
B1中間位置係賣化妝品嘅地方，真係睇到小編眼花繚亂。
小編最後喺3CE用咗S.Rewards Points買化妝品！
而家3CE係(G)I-DLE Minnie做緊代言人，暖色調嘅化妝品真係好襯佢，搞到小編都忍唔到手，買咗幾盒眼影。
今次嚟到先知道原來3CE都有出香水！小編就揀咗003 Unfamiliar Journey，係一隻木調香水，非常大自然清新嘅感覺~
揀好之後就可以去俾錢啦！好似頭先所講，向職員出示護照就可以連到你嘅新羅免稅店會員，唔需要另外俾卡或者條碼，非常方便~ 不過因為3CE用唔到優惠券，所以小編就淨係用咗S.Rewards Points優惠俾錢。大家記住想用S.Rewards Points嘅話一定要同職員講啊！
俾完錢記住要check清楚有冇扣啱數！每1,000分等同於USD$1，小編買滿咗USD$30，所以最後可以用到5,000分，即係減到USD$5！
小編因為想用埋另外嗰15,000分同優惠券，所以要買USD$100嘅嘢，俾錢嘅時候同職員講想用積分，再出示埋護照同優惠券就得！
小編用咗₩30,000優惠券，再加上S.Rewards Points嗰15,000分，總共等同於平咗USD$38！
2樓有超多外國化妝品牌子，梗有一款你會有興趣！
不過小編嘅目標係買香水，跟住指示牌行就會去到2.5樓嘅香水區！雖然面積唔大，不過都應有盡有，大家可以隨便試聞，買返支啱自己嘅香水。
再上多半層就會去到可以休息嘅Cafe，不過而家露台仲裝修緊，裝修完之後應該會好靚！
「2025 Creatrip X 新羅免稅店大優惠」首爾店前往方法
喺東國大學站/東大入口站（동대입구역）5號出口行出嚟。
一行到出嚟就會即刻見到有指示牌！
跟住指示牌，向出口反方向直行。
過馬路。
你會見到右邊有個新羅免稅店嘅指示牌，跟住佢指住嘅方向行。
上斜路。
行行吓會見到新羅酒店喺你嘅右手邊。
再行前少少，新羅免稅店首爾店就喺你嘅左邊！
以上係「2025 Creatrip X 新羅免稅店大優惠」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
