韓國邊度換錢最抵？-韓國（Creatrip）

Hello，大家好，我哋係由韓國人每日提供最新韓國旅行資訊嘅Creatrip。

相信如果大家去留學，匯率絕對係一個好令人concern嘅問題，因為匯率好先可以換到更加多錢。不過大家又會唔會好奇喺韓國邊度換錢會最抵呢？今日就等小編整理好話俾你知啦！

韓國邊度換錢最抵？

1. 機場

韓國換錢機場

一到埗韓國就需要用錢，雖然機場有唔少銀行可以換，不過通常匯率都冇市區好。如果你急住用錢，但又唔想匯率差，不如就試吓我哋全新嘅換錢服務啦！我哋網站提供嘅匯率計算機會幫你自動比較我哋提供嘅匯率同韓國機場銀行實時匯率，以港幣顯示可以慳到幾多錢，一目瞭然！只要喺26小時前預約，就可以喺機場直接交收，超方便！

韓國機場換錢預約服務

2. 找換店

如果要去韓國市區換錢，最抵一定係去明洞，最多人去嘅找換店離唔開換錢咖啡廳（舊一品香）、大使館、第一換錢中心同Money Box，我哋網站亦有提供今日匯率表，大家換錢之前可以參考。

當中Money Box 除咗喺明洞有分店之外，東大門分店同弘大分店都有同我哋合作，只要去到門市出示我哋嘅Coupon，更加可以即刻享有減免手續費優惠添！

2024韓國換錢總整理

3. 銀行

a. 直接去門市

最後一種方法就係去銀行，不過唔識韓文唔知可以點做？只要跟住小編嘅Step去做就得！

使用銀行櫃檯貨幣兌換流程
所需文件	護照/外國人登錄證＋在學證明如果要換超過1萬美金，需要額外準備外幣買入證明書/境外支付方式交易證明
Step 1.	攞籌	入到銀行首先要攞籌，等到叫自己號碼再行去櫃枱。
Step 2.	填寫申請表	去到外匯櫃枱出示身份證，填寫外幣交易申請表。（需填申請人姓名、身份證號碼、兌換金額等）
Step 3.	領取兌換金額	以當時匯率兌換貨幣。 *如果冇提交額外證明文件，銀行會將換錢交易紀錄貼喺護照入面。

韓國銀行外幣交易申請表

外幣交易申請表（參考圖片）

금융감독원

每間銀行匯率可能都會有少少唔同，建議大家先去門市問職員之後先再換。

b. 網上銀行

韓國網上銀行

隨着科技嘅發達，唔少人都可能會用網上銀行去換錢，聽講有時匯率會比直接去門市高，大家可以先用app預約換幾多，之後再喺指定時間去銀行分店拎就得，但如果超過領取時間，銀行有可能會直接退返去你戶口，不過要注意嘅係匯率可能會有差額。

用網上銀行換錢真係可以慳返唔少時間，而家再等小編教大家要點做啦！

網上銀行兌換流程
Step 1.	網上銀行	登入銀行帳戶。
Step 2.	外匯 > 兌換	喺外匯頁面撳兌換貨幣。
Step 3.	輸入兌換貨幣資訊	輸入兌換目的、收款日期、兌換貨幣、申請金額、戶口、密碼等，同時選擇領取貨幣銀行分店地址。
Step 4.	撳申請	輸入認證書密碼並完成交易。
Step 5.	打印交易收據	打印收據後去銀行分店。
Step 6.	去銀行領取貨幣	攜帶身份證明文件（護照、外國人登錄證）去領取兌換金額。