Hello，大家好，我哋係由韓國人每日提供最新韓國旅行資訊嘅Creatrip。
每次見到街上好多人都拎住一札札花，係唔係都好想知佢哋係邊度買呢？今日小編想同大家介紹7個唔同地方可以買到靚花嘅地方，每一間CP值都好高，唔想錯過嘅你就要繼續睇落去啦！
梨泰院花店
1. Flower Hans
- 營業時間：09:30 - 19:00、逢星期日休息
- 地址：서울 용선구 녹사평대로26길 77-4 플라워한스
- 小Tips：由梨泰院站4號出口出，大約行7分鐘就會到。
Flowers Hans位於梨泰院古董街，呢條街上面有好多賣古董嘅舖頭，行到盡頭就會見到呢間花店，只係睇外觀有冇覺得好似去咗一間童話故事中花店咁呢？
呢度嘅花幾乎都係由外地入口，唔同色彩嘅鮮花，望住佢哋心情都好啲。因為呢度嘅花係入口貨，所以價錢會偏貴，價錢係￦10,000，如果想買大束嘅鮮花大約價錢係￦50,000，買花籃嘅話就大約係￦100,000。
不過最後小編都忍唔住買一札，價錢係￦10,000。
2. D.Flower
- 營業時間：12:00 - 23:00
- 地址： 서울 용산구 이태원동 643
- 小Tips：由梨泰院1號出口行大約17分鐘或綠莎坪站2號出口行大約8分鐘。
雖然舖頭店面唔係好大，裝修亦都好簡單，但就俾人一種好溫暖嘅感覺，而且老闆仲好友善咁小編隨意影相。
因為呢度嘅花主要都係喺鄉下種，所以價錢相對會比其他舖頭平。
最後小編買嘅一札花都只係￦10,000，比起第一間真係多好多。
更多關於梨泰院花店詳情可以撳我了解更多。
新村花店
1. La Belle Fleur（라벨플레르）
- 營業時間：09:30 - 21:30
- 地址： 서울 서대문구 연세로9길 10-7
- 小Tips：由新村2號出口嚟之後一直直行，經過Starbucks見到藥局喺十指路口轉左，再直行前少少就會見到。
呢間la.belle.fleur喺新村超出名，喺Naver排行No.1，5分入面評分高達4.68！ 而且仲有好多Blog都介紹過。
呢度除咗多盆栽之外，仲有好多花束，價錢由￦20,000～￦100,000，相當之抵！
大家估吓呢個幾錢？只係需要￦5,000咋！
2. SNOWFOX FLOWERS
- 營業時間：星期一至四08:30 - 22:00、星期五08:30 - 22:30、星期六10:00 - 22:30、星期日11:00 - 21:00
- 地址： 서울 서대문구 연세로 19
- 小Tips：由2號出口出嚟之後一直直行，佢就係喺Olens隔離。
SNOWFOX FLOWERS係一間連鎖花店，好多地區大家可能都會見過佢嘅蹤影，佢哋賣嘅花價格可以話係超親民。
大家諗到嘅花同小盆栽基本上呢度都搵得到，大家可以之後慢慢去睇。
更多關於新村花店詳情可以撳我了解更多。
弘大花店
1. Harry's Flower Market
- 營業時間：19:00 - 22:00
- 地址：서울 마포구 양화로21길 17
- 小Tips：弘大入口站3號出口直行1分鐘就會見到。
只要去開延南洞都一定會見過佢嘅蹤影，呢度賣嘅花價格親民，所以一直以嚟都好受韓國人歡迎。
入到舖頭之後，大家會見到呢度嘅花係用咗不鏽鋼筒去裝住，雖然簡單，但因為各種花嘅鮮艷顏色，令到呢度簡單得嚟都好靚。
唔知大家又鍾唔鍾意Groot呢？呢兩款Groot嘅小盆栽真係好吸睛，望住佢哋覺得一日嘅疲勞好似都消失曬咁。
弘大花店
2. Flo-Lounge (플로라운지)
- 營業時間：每日11:00 - 20:00
- 地址：서울 마포구 양화로6길 93
- 小Tips：由弘大9號出口行23分鐘或由上水站1號出口行5分鐘。
雖然佢唔太近弘大，近上水站多啲，不過佢人氣一直都好高，只要喺Naver Search花店，都一定會見到佢嘅蹤影。
呢度佈置得好整齊，唔少鮮花仲擺咗喺冰箱入面，令佢哋可以一直保持涼爽，唔易枯萎。同時仲有好多禮盒裝嘅花，送禮好大方得體。
最後小編買咗紫色嘅康乃馨，因為喺其他地方好少見到呢隻色，所小編諗都冇諗就揀咗佢，價格係￦15,000，都算合理，如果大家想買鮮花，小編好推呢間，而且職員可以用簡單英文溝通，大家唔需要擔心。
更多關於弘大花店詳情可以撳我了解更多。
鐘閣花店
1. Cachi Flower Cafe
- 營業時間：11:00 - 22:00
- 地址：서울 종로구 종로 51
- 小Tips：由鐘閣3-1號出口出嚟入去JONGNO TOWER，搭扶手電梯上去上一層就會見到。
呢間花店最大特色係會因應唔同季節而去換唔同嘅花， 而家係櫻花季節，所以鋪頭出面都用咗唔少櫻花去裝飾。
當以為呢度只係花店嘅時候，其實佢仲係一間Cafe！大家可以買完花再喺度慢慢坐嘆杯咖啡。
呢度賣嘅飲品亦都相當吸睛，小編分別玫瑰梳打同cachi Blossom！兩杯飲品都唔會太甜，好易入口，相信大家都一定會鍾意。
更多關於鐘閣花店詳情可以撳我了解更多。
首爾花卉市場
1. 良才花卉市場 (양재꽃시장)
- 地址：서울 서초구 강남대로27
- 營業時間：每間鋪頭營業時間都唔一樣
- 泊車：頭1個鐘1000韓幣，之後每15分鐘500韓幣
- 小Tips：由良才市民의숲（梅軒）站4號出口直行200米就到。
一入到門口附近就可以睇到呢度市場地圖，第一區係教育同辦公室嘅主要建築、第二區係地下建築，有賣花同花籃嘅商店、第三區係鮮花批發大樓，而第四同五區就係賣各種花草嘅溫室。
第四區 溫室
- 營業時間：01:00-15:00、隔週休息
（第五區嘅溫室會同佢分開隔週休息，所以如果第4區休息的話，嗰邊就會開放。）
入到去就會見到好多擺滿曬喺地下嘅花盆、仙人掌等等植物。大家可以見到，價錢比出面普通花店平得多！
地下建築
- 營業時間：07:00-19:00
地下呢度通常都係出售花束同花藍，所以想買包裝好嘅現貨的話，嚟呢度就啱曬。如果冇啱心水，都可以自己即場揀花，俾店家幫你包好。
呢啲花束嘅售價通常都係￦15,000 ~ ￦40,000不等。
第五區 溫室
- 營業時間：01:00-15:00、隔週休息
（第四區嘅溫室會同佢分開隔週休息，所以如果呢邊休息的話，嗰邊就會開放。）
第三區 批發大樓
- 營業時間：00:00-12:00（營業時間浮動）
呢座批發大樓應該就係最多人嚟嘅地方，因為喺呢度就可以用合理嘅價錢大量購買鮮花。
咁大束花大家估吓幾多錢？答案係￦7,000咋！喺韓國普通花店係絕對搵唔到呢個價錢。
2. 南大門市場
- 營業時間：星期一至四 03:00-15:00、星期五六03:00-16:00、星期日 休息
- 地址： 서울특별시 중구 남대문시장4길 21 E동 3층
- 小Tips：回賢站5號出口行大約3分鐘
花市位於三樓，不過因為呢度冇電梯，所以大家去到要行樓梯。
呢度各種顏色嘅玫瑰同鬱金香，仲有康乃馨、百合、繡球花等等。
呢度價錢都會寫好曬，大家唔需要特別問價，大家可以睇到呢度一束先￦3,000！
更多關於首爾花卉市場詳情可以撳我了解更多。
Creatrip代送花束服務
「千里送花束，物輕情意重」如果想俾海外朋友一個生日或特別驚喜？都可以搵我哋代訂花束㗎！
更多關於代訂花束服務詳情可以撳我了解更多。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
